ජනාධිපතිතුමන් ඉදිරිපත් කළ නව ආණ්ඩුවේ ප්‍රතිපත්ති ප්‍රකාශය

09 වැනි පාර්ලිමේන්තුවේ පළමු සැසිවාරය ආරම්භ කරමින් ජනපති ගෝඨාභය රාජපක්ෂ මහතා සිදුකළ කතාව පහතින්,

අගෝස්තු 5 දා පැවැත්වූයේ ලංකාවේ පෙරළියක් සිදුවූ මැතිවරණයක්. ඉතිහාසයේ ප්‍රථම වතාට සමානුපාතික ක්‍රමය යටතේ පැවැති මැතිවරණයකින් ශ්‍රී ලංකා පොදුජන පෙරමුණට හා මිත්‍ර කණ්ඩායම්වල ලබාදුන් දේශ ප්‍රේමී ජනතාවට ස්තූතිය ප්‍රකාශ කරනවා.

සර්ව ජන ඡන්ද බලය අපගේ ප්‍රජාතන්ත්‍රවාදී අයිතියක්. ඡන්දය භාවිත කළ සියලු දෙනාට ස්තූතියි. ජනපතිවරණයේ ලක්ෂ 69ක් මට ඡන්දය දුන්නේ මා ගැන විශ්වාසයෙන්.

එය කඩකර නොමැති බවට මම මේ දක්වා ඔප්පු කර තිබෙනවා. අපි භාර ගත්තේ කඩා වැටුණු ආර්ථිකයක්. අපිට පාර්ලිමේන්තුවේ බහුතරය නොමැතිව අප කටයුතු කළා.

අප කොවිඩ් 19 ව්‍යවසනය සමග කටයුතු කළා. අපි එම අභියෝගයට සාර්ථකව මුහුණ දුන්නා. මෙහිදි අප කටයුතු කළ ආකාරය ගැන විදේශ රටවල් පවා ප්‍රසාදයට ලක්කළා.

මේ මාස 9ක කාලය තුළ අප කටයුතු කළ ආකාරය පැහැදිලි බව අප ලැබූ ජයග්‍රහණයෙන් ඔප්පු වුණා. දේශපානයේ සිදුවන වෙනස ජනතාව අපේක්ෂා කරමින් ඉන්නවා.

ජනතා පරමාධිපත්‍ය සුරකින්නට පුළුවන් වන්නේ එවිටයි. අපේ ව්‍යවස්ථාවට අනුව මගේ ධුර කාලය තුළ ඒකීය භාවය ආරක්ෂා කර බුද්ධ ශාසනය සුරක්ෂිත කර පෝෂණය කරනවා.

රාජ්‍ය පාලනයට උපදෙස් ලබාගැනීමට ප්‍රධාන පෙළේ බෞද්ධ ස්වාමීන් වහන්සේලාගේ ප්‍රධානත්වයෙන් යුතු උපදේශක සභාවක් පත්කර තිබෙනවා.

බුද්ධාගමට ප්‍රමුඛස්ථාව සලසන අතරේම මේ රටේ ඕනෑම ආගමක් ඇදහිය හැකි බවට ජනතාවට දැන් ඒත්තු ගැන්වී තිබෙනවා.

ග්‍රාමීය කලා ශිල්ප ආරක්ෂා කිරීමට රජය කටයුතු කරනවා. පාස්කු ප්‍රහාරය නිසා ජනතාව අතර ආරක්ෂාව ගැන විශ්වාසය බිඳ වැටී තිබුණා.

අපි ආරක්ෂක හා බුද්ධි අංශ ප්‍රතිව්‍යුහගත කර සුරක්ෂතතාව ඇතිකර තිබෙනවා. ඕනෑම පුරවැසියෙකුට තමන්ගේ ආරක්ෂාව ගැන බිය නොවී කටයුතු කිරීමේ අවස්ථාව අපි ගොඩ නගා තිබෙනවා.ප

පාතාලය හා මත්ද්‍රව්‍ය උවදුරෙන් ජනතාව ගලවා ගැනීමට වැඩපිළිවෙළක් තිබීම ගැන ජනතා විශ්වාසය ගෙඩ නැගී තිබේනවා.

ගුණගරුක, විනය ගරුක සමාජයක් ගොඩ නැගෙනමින් තිබෙනවා. යහපත් දේශපාලන සංස්කෘතියක් ගොඩ නැගෙමින් තිබෙනවා.

රාජ්‍ය ආයතනවලට ප්‍රධානීන් පත්කිරීමට කමිටුවක් පත්කර තිබෙනවා. මෙහිදී පළපුරුදු කණ්ඩායමක් අපි පත්කළා. මේ ප්‍රතිපත්තිය අපි ඉදිරියට ගෙනියනවා.

අපි නිශ්පාදන ආර්ථිකයක් ගොඩනගමින් තිබෙනවා. ආනයන සීමා කළා. මෙරට වගා කළ හැකි බෝග ආනයනය සම්පූර්ණයෙන් නවතා දේශීය ගොවිය ආරක්ෂා කළා.

පොහොර නොමිලයේ ලබාදුන්නා. අතහැර තිබූ වගා ඉඩම් නැවත අස්වද්දනට ජනතාව උනන්දු කළා. කෘෂිකර්මානත්යට නව පනක් දුන්නා.

දේශීය ව්‍යාපාරිකායට බදු සහන දුන්නා. ව්‍යාපාරිකයා දිරිමත් කිරීමට පොලී අනුපාත අඩුකළා. අපි ජනතා විශ්වාසය තහවුරු වන ආකාරයට ජනතාවට සේවය කරනවා.

ජනවරම නිවරදිව අර්ථකතනය කිරීම වැදගත් වෙනවා. මා කෙරෙහි , අගමැතිතුමා කෙරෙහි දැක්වූ විශ්වාසයට අපි ස්තුතිය ප්‍රකාශ කරනවා.

මෙවැනි ජනවරමක් දුන්නේ කුමන අභිලාෂයක් නිසාද යන්න අපි දන්නවා. ඒ අභිලාෂයන් බිඳ වට්ටන්නේ නෑ. මහජන සේවකයෙකුගේ වගකීම ජනතා සේවයයි.

මේ සියලු තනතරු වරප්‍රසාද නොව වගකීම් බව මතක තබාගෙන වගකීම් ඉටකළ යුතුයි. මම රට පුරා සංචාරය කළා.

මේ සංචාරවලදී ජනතා අතරට ගොස් සෘජුවම ඔවන්ගේ ගැටලුවට සවන් දන්නා. මෙයින් බහුතරව පොදු ඉල්ලීම්. නිදහසින් පසුවත් ඒවා ඉටු වී නෑ.

වසර ගණනාවක් පුරා ඉඩම් නොමැති ජනතාව ඉන්නවා. ඔවුන්ට අපි ඔප්පු දෙනවා. පරම්පාරාවෙන් එන ඉඩම් වලින් හා වගා බිම් වලින් ඔවුන් ඉවත් කරන්නේ නෑ. අලි මිනිස් ගැටුම විසඳීමට කමිටුවක් පත්කර තිබෙනව.

බොහෝ පිරිසක් පානිය ජලය නොමැතිව පීඩා විදිනවා. ජාතික ප්‍රතිපත්තියක් ලෙස ඉදිරි වසර කිහිපය තුළ රටේ සෑම ප්‍ර දේශයකටම පානීය ජලය ලබාදීමට කටයුතු කරනවා.

දෙමාපියන ඉල්ලා සිටින්නේ සුදුසු පාසලක්. ප්‍රමාණවත් තරම් ජාතික පාසල් නෑ. පාසල්වල අඩුපාඩුකම් තිබෙන බව පේනවා.

විද්‍යා හා තාක්ෂණික විශයන් හදාරණ ලෙස දරුවන්ට කිව්වත් ඒ සඳහා පහසුකම් නෑ. දැරුවන්ගේ නිපුණතා වර්ධනයට උපකාර කිරීමට රජය දරණ වියදම අනාගතය වෙනුවෙන් කරන ආයෝජනයක්.

ග්‍රාමීය රෝහල් වල සම්පත් හා පහසුකම් අඩුයි. ඖෂධ ආනයනය කරනවා වෙනුවට ඖෂධ ලංකාවේ නිපදවීමට කටයුතු කරනවා.

ඖෂධ ආනයනයේදී සිදුවෙන අක්‍රමිකතා නැති කිරීමට කටයුතු කරනවා. ජනතාවගෙන් විශාල පිරිසක් ජීවත් වන්නේ ස්වයං රැකියාවෙන්

ගොවි ජනතාව ඉල්ලා සිටිනනේ පොහොර හා ජලයයි. මේ ගැටලු අපි විසඳනවා. රැකියා ගැටලුව විසඳීමට කෙටි කාලීන හා දිගු කාලීන වැඩසටහන් ක්‍රියාත්මක කරනවා.

දිළිඳු පවුල් ලක්ෂයකට රැකියා ලබාදෙනවා. උපාධිධාරීන් 60000කට රැකියා ලබාදෙනවා. රජයේ රැකියා ලබාදීමේදී දුප්පත්ම පවුල්වලට ප්‍රමුඛතාව දෙනවා.

රජයේ රැකියා ලබාදීමේදී සෑම පළාතකමට සමානව බෙදා දෙනවා. කිසිය ආයතනයට අනව්‍යශ ලෙස කර්ය මණ්ඩල බඳවා ගන්නේ නෑ.

සෑම අමාත්‍යාංශයක්ම ඒ ඒ ක්ෂේත්‍රය තුළ පෞද්ගලික අංශය සමග එක්ව රැකියා බිහි කරනවා. අපෙග් යුතුකම වන්නේ රැකියා බෙදාදීම නොව රැකියා උත්පාදනයයි.

ආර්ථික පුනර්ජීවනය වෙනුවෙන් අපි වෙනස්ව සිතිය යුතුයි.මෙවර අමාත්‍යාංශ වෙන් කළේ එම අරමුණු පෙරදැරිවයි.

ජනතා කේන්ද්‍රීය ආර්ථිකයක වැදගත්මක අපි තේරුම් ගෙන තිබෙනවා. දේශීය ආර්ථිකය ශක්තිමත් කිරීම මෙන්ම අපනයන ආදායම වැඩි කර ගැනීමත් අපේ මූලික ඉලක්කයක්.

තේ පොල් රබර් වලින් ලැබෙන ආදයම ගැන සතුටු විය නොහැකියි. තේ වගාව දියුණු කළ යුතුයි. වැසී ගිය තේ කර්මාන්ත ශාලා යළි විවෘ තරනවා.

ලංකාවේ තේ නාමයට තිබුණ පිළැගිනීම ශක්තිමත් කරනවා. පොල් අලුත් වගාවට දිරි දෙනවා. මෙරට රබර් භාවිත කිරීමට රබර් කර්මාන්ත කරුවන් දිරිමත් කරනවා. කටුපොල් වගාව නවත්වනවා.

අමාත්‍යාංශවලට වගකීම් පැවැරීමේදී යටිතල පහසුකම් සැපයීමට හා නිවාස ප්‍රශ්නවලට විසඳුම් සෙවීමට අදහස් කළා. විවිධ ක්ෂේත්‍රවලට රාජ්‍ය අමාත්‍යවරුන් පත්කළා.

අමාත්‍යාංශ නම් කිරීමේදී අධ්‍යාපන විශය එක් අමාත්‍යාංශයක් යටතට ගෙනවා. අපේ අනාගත ඉලක්ක සපුරා ගැනීමේදී තාක්ෂණික අධ්‍යාපනයට විශාල අවධානයක් යොමු විය යුතුයි.

උසස් පෙළ සිසුන්ට විශ්ව විද්‍යාල අවස්ථා වැඩිවන පරිදි පහසුකම් දිරිමත් කරනවා. පුනර්ජනනීය බලශක්ති මාර්ග ප්‍රවර්ධනයට වෙනම රාජ්‍ය අමාත්‍යාංශයක් ස්ථාපිත කළා.

ව්‍යාපාරිකයන්ට වෙළදපොළවල් සොයා ගැනීමට අමාත්‍යාංශ උපකාර කළ යුතුයි. ස්වාභාවික සම්පත් අපට තිබුණත් අගය එකතු කිරීමක් සිදුවන්නේ නෑ. ඒවා අපනයනය කිරීමේදී අගය එකතු කිරීමට කටයුතු කරනවා.

පාරම්පරික කර්මාන්ත නිසියාකාරව ගොඩ නැංවීමෙන් රැකිය අවස්ථා වැඩි කිරිමටත් අපනයන වැඩි කිරීමටත් කටයුතු කරනවා.

ජනතාවගේ ජීවන මට්ටම ඉහළ නැංවිය යුතුයි. ඒ සඳහා තාක්ෂණයෙන් යුත් නව ප්‍ර වේශයක් අවශ්‍යව තිබෙනවා.

ඉහළ ප්‍රමිතියෙන් යුත් බීජ දේශීය නිශ්පාදන කර ගොවීන්ට ලබාදෙනවා. අස්වනු නාස්තිය අවම කිරීමට කටයුතු කරනවා.

කිරි හා බිත්තර නිශ්පාදනය දිරිමත් කරනවා. ගොවිතැන කාබනික ගොවිතැනක් කරා යොමුකරනවා.

ධීවර කර්මාන්තය දියුණු කළ යුතුයි. මුහුදෙන් වටවූ රටක් ලෙස අප මාලු ආනයනය නතර කළ යුතුයි. අලුතෙන් වරායවල් ඉදිකරනවා.විදේශ යාත්‍රා වලින් ලංකාවේ මාලු අස්වැන්න සූරා කෑම අපි නතර කරනවා.

සෑම අමාත්‍යාංශයකටම විෂය පථය වෙන්කර තිබෙනවා. එහි කාර්ක්ෂමතාව අධීක්ෂණය කරනවා.

රාජ්‍ය සේවයෙන් තමන් බලාපොරොත්තු වන සේවය කාර්යක්ෂමව නොලැබෙන බවට ජනතාව කියනවා. ජනතාවට ලබාදෙන සේවාවන් කඩිනමින් ලබාදෙන ලෙස අමාත්‍යවරුන්ගෙන් ඉල්ලා සිටිනවා.

ජනතාවට සේවාවන් ලබාදිමේදී අනුගමනය කරන සාම්ප්‍රදායික ක්‍රියා වලින් වෙනුවට ජනතාවට කඩිනමින් සේවය කිරීමට නව ක්‍රම වේදනයන් හඳුනා ගත යුතුයි.

මේ සඳහා හැකි තාක් දුරට නව තාක්ෂණික විසඳුම් සොයා ගත යුතුයි. නාස්තිය හා දූෂණය පිටුදකින බවට අපි පොරොන්දු වුණා.

සියලු අමාත්‍යාංශ වල නාස්තිය හා දූෂණය නවතා දමනවා.ඒවට සම්බන්ධ පුද්ගලයිනට තරා තිරම නොබලා නීතිය ක්‍රියාත්මක කරනවා.

ඉලක්ක සපුරා ගැනීමේ ප්‍රගතිය නිරන්තරයෙන් පසු විපරම් කරනවා. අවශ්‍ය වෙනසම් කිරීමට මා කිසිවිටෙකත් පසුබට වන්නේ නෑ.

ජනතා නියෝජිතයන් බලය ලබාගැනීමෙන් පසුව ජනතාව අතරට යනනේ නෑ. අමාත්‍යවරුන් මන්ත්‍රීවරුන් නිරන්තරයෙන් ජනතාව අතරට ගොස් ඔවුන්ගේ ගැටලු විසඳිය යුතුයි.

19 වතාවක් සංශෝධනය වි ඇති අපගෙ ආණ්ඩුක්‍රම ව්‍යවස්ථාව නිසා ගැටලු රැසක් තිබෙනවා. අපගේ පළමු කාර්යයක් ලෙස අපි ජනතාවට පොරොන්දු වූ පරිදි 19 වැනි ව්‍යවස්ථා සංශෝධනය ඉවත් කරනවා.

ඉන් පසුව රටට ගැලපෙන නව ව්‍යවස්ථාවක් ගෙන එනවා. එක රටක් එක නීතියක් යන සංකල්පයට මූලිකත්වය දෙනවා.

අන්තවාදයට යට වන අස්ථාවර පාර්ලිමේන්තුවක් රටට සුදුසු නෑ. නව ව්‍යවස්ථාවක් සකස් කිරිමේදී මැතිවරණ ක්‍රමය වෙනස් විය යුතු වෙනවා.

මම මගේ රටට ආදරය කරනවා.

මම මගේ රට ගැන ආඩම්බර වෙනවා.

මට මගේ රට ගැන දැක්මක් තිබෙනවා.

අපේ අරමුණ ගුණ ගරුක දේශයක් ගෙඩ නැගීමට කටයුතු කරනවා

අපි ඉතිහාසයේ වැදගත් සංධිෂ්ඨානයකට පැමිණ තිබෙනවා. ජනතාව විශාල ජනවරමක් ලබාදී තිබෙනවා. කිසිම බලවේගයට යට නොවී සෞභාග්‍ය කරා ගෙන යෑමට අපි කටයුතු කළ යුතුයි.

අනාගත පරපුර වෙනුවෙන් වත්මන් පරපුරේ වගකීම් ඉටු කළ යුතුයි. අපි සියලු දෙනාම රට වෙනුවෙන් එකතු විය යුතුයි. ඒ සඳහා සියලු දෙනාමට ආරාධනා කරනවා.

Related posts

Leave a Comment