පුවත් ළුලදරයි – දික්ඔය කසල ප්‍රශ්නයට විසදුම්

හැටන් දික්ඔය නගර සභා බල ප්‍රදේශය තුල පවතින කසල ප්‍රශ්නය විසදිම සදහා කසල කළමණාකරන රාජ්‍ය ඇමති නාලක ගොඩහේවා මහතාගේ හා වතු යටිතල පහසුකම් රාජ්‍ය ඇමති ජිවන් තොණ්ඩමන් මහතාගේ සහය මත ක්‍රමවත් වැඩ පිලිවෙලක් ඉදිරියේදි ක්‍රියාත්මක කිරිමට පියවර ගන්නා බව හැටන් දික්ඔය නගර සභාපති එස්. බාලචන්ද්‍රන් මහතා පවසයි.

හැටන් දික්ඔය නගර සභා බල ප්‍රදේශය තුල දිනෙන් දින උග්‍රවන කසල ගොඩ ගැසිම් හේතුවෙන් මෙම ප්‍රදේශයේ ජනතාව විවිධ දුෂ්කරතාවයන්ට පත්ව ඇති අතර එම තත්වයන් හේතුවෙන් ප්‍රදේශයේ ජනතාවගේ සෞඛ්‍යටද විවිධ තර්ජන එල්ලවිමේ අවදානමක්ද හට ගෙන ඇත.

මෙම තත්වයන් පිලිබදව කරන ලද විමසිමකදි එම කසල ප්‍රශ්නය පිලිබදව වැඩි දුරටත් අදහස් දැක්වු එස්. බාලචන්ද්‍රන් මහතා මම නගර සභාවේ සභාපතිධුරයට පත් වෙන්න පෙර සිටම මෙම කසල ප්‍රශ්නය පැවතුනා වසර සියයක් පමන ප්‍රදේශයේ එකතුවන කසල බැහැර කරන ස්ථානයේ කසල බැහැර කිරිමට විරුද්ධව එම ප්‍රදේශයේ පිරිසක් 2012 වර්ෂයේදි විවිධ උද්ගෝෂන කරමින් පසුව අධිකරණයේ නඩු පවරා එම ස්ථානයේ කසල බැහැර කිරිමට එරෙහිව වාරණ නියෝගයක් ගෙන තිබෙනවා.

එම ස්ථානයේ කසල දහනය කිරිම සදහා දහකයක්ද (පොරනුවක්) තිබුනද හිටපු සභාපතිවරයෙක් එය කඩා දමා එම ස්ථානය පිටස්තර අයට ලබා දිමත් සමග එම ස්ථානය නගර සභාවට අහිමි වුනා එමෙන්ම හැටන් කැම්ප්වැලි ප්‍රදේශයේද නගර සභාවේ ඉඩමක් කසල දැමිමට වෙන් කර තිබුනත් එම ස්ථානයද හිටපු සභාපතිවරයෙක් නගර සභාවේ නිලධාරින්ට බේදා දිමෙන් එම ස්ථානයත් අහිමි වුනා.

එම තත්වයන් මත නගර සභා බල ප්‍රදේශයේ කසල බැහැර කිරිමට නිසි ස්ථානයක් නොමැති විමයි අද තියෙන විශාල ප්‍රශ්නය පසු ගිය කාලයේ කසල බැහැර කිරිමට තිබු ස්ථාන පිටස්තර අයට දෙන විට මේ නගරයේ ජනතාව එයට විරෝධයක් දැක්විමට ඉදිරිපත් වෙලා නැහැ එදා එසේ මේ ජනතාව ඉදිරිපත් වුනානම් අද මේ ප්‍රශ්නය ඇතිවෙන්නෙත් නැහැ.

හැටන් දික්ඔය නගර සභා බල ප්‍රදේශයට අයත්ව තිබි පසු ගිය සිමා නිර්ණයන් කිරිමේදි දුබුරුගිරිය, ආරියගම,ගාමිනි පුර, වීරතුංග පුර, පොන්නගර් යන ප්‍රදේශවල කොටස් අඹගමුව හා නොර්වුඩ් ප්‍රාදේහීය සභාවලට අයත් වුවත් එම කොටස්වල කසලද එකතු කිරිමට සිදුව ඇත්තේ අපිටයි.

මෙම සියලු කරුනු මත මෙහි කසල ප්‍රශ්නය දිනේ දින උග්‍ර වෙනවා එත් නගර සභාවක් ලෙස මෙයට විසදුම් සෙවිමට අපි පියවර ගන්නවා එහි එක් පියවරක් ලෙස බදු ක්‍රමය යටතේ රොසැල්ල ප්‍රදේශයේ කදු මුදුනක ඉඩමක් ලබා ගත්තා එත් එහි කසල දමනවාට එම ප්‍රදේශයේ පිරිසක් විරුද්ධ විමත් සමග එයත් අත් හැර දැමිමට සිදු වුනා.

වත්මන් ජනාධිපති ගෝඨාභය රාජපක්ෂ  මහතා ආරක්ෂක ලේකම් ලෙස කටයුතු කරන කාලයේ සිටම මේ කසල හේතුවෙන් සිදුවන අගතිය පිලිබදව දැනගෙන සිටියා එම නිසායි මෙවර කසල කළමණාකරනය සදහාම වෙනම රාජ්‍ය අමත්‍යධුරයක් ඇති කර එම තනතුර සදහා නාලක ගොඩහේවා මහතා පත් කර තියෙන්නේ.

එම තත්වයන් මත ඉදිරියේදි  ලංකා කම්කරු කොංග්‍රසයේ මහ ලේකම් වතු යටිතල පහසුකම් රාජ්‍ය ඇමති ජිවන් තොණ්ඩමන් මහතා සමග නාලක ගොඩහේවා මහතා හමුවි හැටන් දික්ඔය නගර සභා බල ප්‍රදේශයේ කසල ප්‍රශ්නය පිලිබදව සකච්චා කර මෙයට විසදුමක් ලබා ගැනිමට හැකි වෙනු ඇතැයි මා විස්වාස කරනවා.

කෙසේ වුවත් මෙම කසල ප්‍රශ්නය නගර සභාවට පමනක් තනිව විසදන්න බැහැ අපි කොයි තරම් උත්සහා කලත් ප්‍රදේශයේ ජනතාවගේ සහය නැතිනම් මෙය කරන්න බැහැ එම නිසා මේ සදහා ජනතා සහය අවශ්‍යයි එම නිසා ප්‍රදේශයේ ජනතාවගෙන් මා ඉල්ලා සිටින්නේ අඩු තරමින් කසල වෙන්කර දිමට හෝ පියවර ගන්න කියලයි.

මනුර සුදත් සෙල්ලහේවා – හැටන්

Related posts

Leave a Comment