බොස්කෝ විදුහලේ දෙමහල් ගොඩනැගිල්ල දිරාපත්වීමෙන් දරුවන්ගේ ආරක්ෂාවට තර්ජනයක්

හැටන් බොස්කෝ විදුහලේ ද්‍රවිඩ අංශයේ හය හා හත ශ්‍රේණි පවත්වන ගොඩනැගිල්ල අබලන් බැවින් එහි  ඉගෙනුම ලබන තම දරුවන්ට නිසි ආරක්ෂාවක් නොමැති බවත් එම තත්වයන් මත තම දරුවන් පාසල් එවිමට නොහැකි බව පවසමින් එම සිසුන් 02වන දින නැවත නිවෙස් වෙත කැදවාගෙන යාමට එම දෙමාපියන් පියවර ගන්නා ලදි.

මේ පිලිබදව කරන ලද විමසිම්වලදි එම දෙමාපියන් පිරිසක් පවසන ලද්දේ බොස්කෝ විදුහලේ තෝමස් දෙමහල් ගොඩනැගිල්ලේ ඉහල මාලයේ වහලද ගැලවි ගොස් ඇති බවත් එහි පොලොවද ලැලිවලින් සකස් කර ඇති අතර එම ලැලිද මේ වන විට දිරා යමින් පවතින බවත්ය.

එම තත්වයන් පිලිබදව කරුනු දැක්විමෙන් පසු හිටපු අධ්‍යාපන රාජ්‍ය ඇමතිවරයකු වන වි. රාධා ක්‍රිෂ්නන් මහතගේ විමධ්‍ය ගත මුදලින් නව ගොඩනැගිල්ලක් මෙම විදුහලට ඉදි කර දුන්නද එම ගොඩ නැගිල්ල මේ වන තෙක් විවෘත කිරිමට පියවර නොගැනිමත් සමග තම දරුවන් විවිධ දුෂ්කරතාවයන්ට මෙන්ම විවිධ අවදානම්වලටද ලක්ව ඇති බවත්ය.

එම තත්වයන් මත මෙම නව ගොඩනැගිල්ල විවෘත කර එම ගොඩනැගිල්ලේ තම දරුවන් සදහා පංති ආරම්භ කරන ලෙස විදුහල්පතිගෙන් ඉල්ලිම් කලද මේ වන තෙක් එය සිදු නොකිරිම හේතුවෙන් තම දරුවන් පාසලෙන් රැගෙන යන බවද එම දෙමාපියන් වැඩි දුරටත් පවසන ලදි.

මේ පිලිබදව කරන ලද විමසිමකදි අදහස් දැක්වු එම විදුහලේ විදුහල්පති බාලසුබ්‍රමණියම් නරේන්ද්‍ර ජයන්තිනාත් මහතා පවසන ලද්දේ තෝමස් ගොඩනැගිල්ලේ හය හා හත ශ්‍රේණිවල සිසුන් 119 දෙනකු ඉගෙනුම ලබන බවත් එහි වහලය අබලන් විම සම්බන්දයෙන් හැටනස් කලාප අධ්‍යාපන අධ්‍යක්ෂ පි. ශ්‍රිධරන් මහතා වෙත කරුනු දැක්විමෙන් පසු ඔහු විසින් 20/08/2020 යන දිනයේදි මෙම වහලය සකස් කර දෙන ලෙස නුවරඑළිය දිස්ත්‍රික් ඉංජ්නේරු කාර්යාලය වෙත දන්වා යවා තිබුනද මේ වන තෙක් එය සිදුව නොමැති බවත්ය.

මෙම විදුහලේ ඉදිකරන ලද නව ගොඩනැගිල්ල එහි ඉදිකිරිම් කල කොන්ත්‍රාත්කරුවන් විසින් මේ වන තෙක් නිල වශයේ විදුහලට බාර දිමට පියවර ගෙන නොමැති බවත් එම තත්වයන් මත එම නව ගොඩනැගිල්ලේ පංති පවත්වා ගෙන යාමට නොහැකි බවද ඔහු පවසන ලදි.

එම නව ගොඩනැගිල්ලේ යතුරු හෝ තමන් සතුව නොමැති බවත් එම තත්වයන් මත එම ගොඩනැගිල්ලේ යම් යම් අඩුපාඩු පවතින්නේද යන්නවත් තමන් නොදන්නා බවත් එවැනි තත්වයන් මත මෙම සිසුන්ගේ දෙමාපියන්ගේ ඉල්ලිම් මත එම නව ගොඩනැගිල්ල නිල වශයෙන් තමන්ට බාර දෙන තුරු එහි පංති පැවැත්විමට තමන්ට කිසිසේත්ම නොහැකි බවත් ඔහු වැඩි දුරටත් පවසන ලදි.

මෙම තෝමස් ගොඩනැගිල්ල දැනට වසර 80ක් පමන පැරනි බවත් එම තත්වයන් තම මෙම ගොඩනැගිල්ල මුලුමනින් නවිකරනය කිරිමට පියවර ගත යු.තු බවද ඔහු තව දුරටත් පවසන ලදි.

මනුර සුදත් සෙල්ලහේවා – හැටන්

Related posts

Leave a Comment