මැතිවරණයේ ඡන්ද ගණන් කිරීම ඇරඹේ

මහ මැතිවරණයේ ඡන්ද ගණන් කිරීම අද උදෑසන 7 සිට ආරම්භ වූ බව ජාතික මැතිවරණ කොමිෂන් සභාව පවසයි.

අදියර තුනකින් ඡන්දය ගණන් කිරීම සිදු කෙරෙන බවද මැතිවරණ කොමිසමේ සභාපතිවරයා පැවසුවේ ය.

9 වැනි පාර්ලිමේන්තුව සඳහා සභිකයින් තෝරා ගැනීමේ ඡන්ද විමසීම ඊයේ උදෑසන 7 සිට පස්වරු 5 දක්වා මධ්‍යස්ථාන 12,985 කදී පැවැත්විය.

මෙවර මැතිවරණය සදහා ඡන්දය ප්‍රකාශ කිරීමට සුදුසුකම් ලැබු සංඛ්‍යාව එක් කෝටි හැට දෙලක්ෂ හැටතුන්දහස් අටසිය අසුපහකි.

ප්‍රකාශිත ඡන්ද ප්‍රතිශතය 71 % ක් බව ද කොමිසම පැවසුවේ ය.

පිළිගත් දේශපාලන පක්ෂ 40 කින් සහ ස්වාධීන කණ්ඩායම් 312 කින් අපේක්ෂකයින් 7452 කු මැතිවරණයට තරග කළ අතර මහජන ඡන්දයෙන් පාර්ලිමේන්තුවට තෝරා ගැනෙන නියෝජිතයින් සංඛ්‍යාව 196 කි.

Related posts

Leave a Comment