මිහින්තලා පුණ්‍ය භූමියේ බුදු දහමට නිගාදෙන පිරිසක්

මිහින්තලය පුණ්‍ය භූමිය කේන්ද්‍ර කරමින් අභිධර්මය උගන්වන බව කියමින් බුදු දහමට නිගා දෙමින් සිදුකරනා මිත්‍යා දෘෂ්ඨික ඇදහිලි ක්‍රමවලට තමන්වහන්සේ දැඩිව අප්‍රසාධය පලකරනා බවත් බෞද්ධ ආගමිකයන්ට බුදුදහම පිළිබදව වැරදි අවබෝධ දෙමින් දේශනාවන් සිදුකරනා පිරිසක් සම්බන්ධයෙන් තමන්ට පැමිණිලි රැසක් ලැබි ඇති බව මිහින්තලා රජමහා විහාරාධිපති ආචාර්ය පූජ්‍ය වලවාහැංගුණවැවේ ධම්මරථන නාහිමිපානන් පැවසුහ.

රජ්‍ය සේවයේ යෙදෙනා නිලධාරිනියක් ඇතුළු පිරිසක් මිත්‍යා මතදරමින් බුදුදහම විකෘති කරමින් ඉගැන්විමක් සිදුකරනා බවට මව්බිම පුවත්පතට මිහින්තල නගරයේ පදිංචිකරුවන් විශාල පිරිසක් තොරතුරු ලබාදිම සම්බන්ධයෙන් අනුරාධපුර මහ දිසාපතිවරයා ඇතුළු රාජ්‍ය නිලධාරින් විශාල පිරිසකගේ සහභාගිත්වයෙන් පැවති රැස්මිමකදි මව්බිම දිනපතා පුවත්පත කල විමසීමට උන්වහන්සේ පිළිතුරු ලබාදෙමින් මේබව පැවසුහ.

ඒ සම්බන්ධයෙන් නාහිමිපානන්ගෙන් විමසීමත් සමග එම ස්ථානයට පැමිණ සිටි රාජ්‍ය සේවිකාව එක්වරම කලබලවි එවැනි කටයුත්තක් සිදුනොවනා බවත් මාධ්‍ය අසත්‍ය අභූත චෝදනා නගමින් විකෘති අදහස් පලකරනා බව පැවසුවාය.ඊට පිළිතුරු දුන් නාහිමිපානන් මෙසේ පැවසුහ.මාධ්‍ය කියන්නේ බොරුවක් නෙවෙයි මටත් පැමිණිලි රැසක් තියනවා.

බුදුන් ඉපදුනේ ඉන්දියාවේ නෙමෙයි ලංකාවේ පිළිමවලට ගස්වලට වැදලා වැඩක් නෑ වැනි මිථ්‍යා දෘෂ්ඨික අදහස් පතුරවමින් ථෙරවාදි බුද්ධ දර්ශනයට නිගාකරනා ආකාරයක් තමයි එයින් සිදුවෙනවා කියලා මට දැනගන්න ලැබු‍ණේ.

විවිධ පිරිස් ගිහිල්ලා මේ ස්ථානයේ සිදුවන දේවල් මට පටිගත කරලා ගෙනල්ලා දීලා තියනවා.එහි ඉගැන්වෙන අභිධර්මයක් නෑ.මාධ්‍යවේදියා කියනදේ බොරුවක් නෙමෙයි.

එහිදි මව්බිම මේ සම්බන්ධයෙන් පොලිස්ථානය දක්වා දුරදිග ගිය සිදුවිමක් තිබෙනා බව අනාවරණය කල අතර මිහින්තලය පොලිසියේ ස්ථානාධිපතිවරයාගෙන් ඒ පිළිබදව විමසුවිට ඔළුව සොලවමින් එවැනි පැමිණිල්ලක් ලැබි නැති බව කිවේය.එහිදි රැස්විමට සහභාගිවු රශ්මි මහතා කියා සිටියේ මාධ්‍ය අනාවරණය කල සිදුවිම සත්‍ය බවයි.

මේ සම්බන්ධයෙන් මිහින්තලය ප්‍රාදේශිය මහලේකම් සිරිමෙවන් ධර්මසේන මහතා දැනුම්වත්ද යන්න සම්බන්ධයෙන් නාහිමිපානන් විමසුවිට එවැන්නක් දන්නේ දැන්බව ඔහු පැවසුවේය.

මේවනවිට මිථ්‍යාමත ඉදිරිපත් කරමින් බුදුදහමට නිගාදෙන ආගමක් ප්‍රචිලිත කිරීම සම්බන්ධයෙන් මිහින්තලය නගරවාසින් විශාල පිරිසක් විරෝධය පලකරනා අතර මිහින්තලය නගරයට කිසිදු සේවාවක් නොකරනා ප්‍රාදේශිය ලේකම්වරයා මිහින්තලය පොලිසියේ ස්ථානාධිපතිවරයා ඇතුළු පිරිස ඉවත් කිරිමට කටයුතු සිදුකරනා ලෙස දන්වමින් ජනාධිපතිවරයාට ලිපියක් යොමුකරනා බව ඔවුන් පැවසුහ.

අභිධර්මය ඉගැන්විම කරනා බව කියනා පුද්ගලයා මිහින්තලා රජමහා විහාරාධිපති නාහිමිපානන් බැහැදැකිමට එම අවස්ථාවේ පැමිණියත් උන්වහන්සේ එම පුද්ගලයාව හමුවිම ප්‍රතික්ෂේපකල අතර ඔහු කවුද මේවා කියන්නේ අපි අභිධර්මය උගන්වන්නේ යනුවෙන් මාධ්‍යට පැවසුවේය.

මහේෂ් විජේසූරිය – අනුරාධපුර

Related posts

Leave a Comment