මිහින්තලා මහා සෑයේ තීන්ත ආලේප කිරිමට අරලිය සහල් එකතුවෙයි

mihinthale

මිහින්තලා මහා සෑයේ තීන්ත ආලේප කිරිමේ පරමාර්ථය හා අධිෂ්ඨානය වනුයේ රටේ තිබෙන කොවිඩ් 19 වෛරස තත්වය තුරන්වී ගොස් රට වැසියන්ට මෙන්ම ලෝකවාසි සියළුම දෙනාට රෝග බියක් නොමැතිව නිදහසේ ජීවත්වීමට කලක් උදාවීම පමණක්ම බවත් තමන් එම පුණ්‍ය කටයුත්තට මුලපිරුවේ වෙනත් කිසිදු අපේක්ෂාවකින් නොවන බව අරලිය සහල් සමූහ ව්‍යාපාරයේ සභාපති ඩඩ්ලි සිරිසේන මහතා පවසයි.

වසර තුනකට ආසන්න කාලයක් සුදු තීන්ත ආලේප නොකිරීම නිසා දුර්වර්නවි ඇති බුදුන්ගේ ඌර්ණ රෝම ධාතුන්වහන්සේ තැම්පත්කර තිබෙන මහා සෑයේ සුදු තීන්ත ආලේප කිරීමේ පුණ්‍ය මහෝත්සවයට සිය පූර්ණ මූල්‍ය දායකත්වය ලබාදෙමින් පැවති උත්සවයේදි ඒ මහතා මේ බව පැවසුවේය.

මිහින්තලා රජමහා විහාරාධිපති භාරකාර ආචාර්ය පූජ්‍ය වලවාහැංගුණවැවේ ධම්මරථන නාහිමිපානන්ගේ අනුෂාශනාව පරිදි උත්සවය පැවත්වුණි.එහිදි වැඩිදුරටත් කථා කළ අරලිය සහල් සමූහ ව්‍යාපාරයේ සභාපති ඩඩ්ලි සිරිසේන මහතා.

මට මිහින්තලය රජමහා විහාරයේ නායක ස්වාමින්වහන්සේ කථා කරලා ඇහුව මෙන්න මෙහෙම කටයුත්තක් තියනවා ඔබතුමාට දායකත්වයක් දෙන්න පුළුවන්ද කියලා.මම දෙපාරක් හිතුවේ නෑ මම කිවුවා ස්වාමින්වහන්ස ඔබ වහන්සේ කරන ඉල්ලීම මට අහක දාන්න බෑ මම ඒ කටයුත්තට මුල පුරන්නම් කියලා.

මට වෙනත් කිසිදු අපේක්ෂාවක් නෑ.මේ කොරෝනා ව්‍යසනයෙන් රටත් රට වැසියනුත් ලෝකවාසි සියළුම දෙනාත් ආරක්ෂාවෙලා මේ වසංගතය දුරු වෙන්න කියලා මම පුණ්‍ය කටයුත්ත ආරම්භ කරද්දීම ප්‍රාර්ථනා කළා.නායක ස්වාමින්වහන්ස මේ මහසෑය සේල චෛත්‍ය ඇතුළු විහාරස්ථානයේ ගොඩ නැගිලි සියල්ලේම සිදු තීත්ත ආලේප කිරීම මින් ඉදිරියට දිගටම මා ඇතුළු මගේ ආයතනයෙන් සිදුකරන්න මම තීරණය කළා.

ගරු ජනාධිපතිතුමා අගමැතිතුමා ඇතුළු ආණ්ඩු පක්ෂයට ආරක්ෂක ලේකම්තුමාට රට වෙනුවෙන් සිදුකරන සියළුම කටයුතු සාර්ථක වෙන්න කියලා මම මේ අවස්ථාවේ ඉල්ලා සිටිනවා යනුවෙන් ඩඩ්ලි සිරිසේන මහතා පැවසුවේය.

මෙම අවස්ථාවට වැඩමවාවදාල මහාචාර්ය මැදගොඩ අබේතිස්ස නාහිමිපානන්.මිහින්තලය කියන්නේ අපේ ආගමේ තිඹිරිගෙයවත් තොටිල්ලවත් නෙමෙයි.මම දකින්නේ මෙතන තමයි අපේ ආගම ආරම්භ වුණු ගර්භාෂය තියෙන්නේ.

අපේ ආගම විනාශ කරන්න බලාගත්ත පිරිසක් ඉන්නවා.රාජ්‍ය නොවන සංවිධාන වල ඇතමුන්ට ඒ අවශ්‍යතාව තියනවා.තිස්දහසක් වන මහා සංඝයා අතරේ වැරදි වැඩ කරන අතලොස්සක් ඉන්නවා.ඒ කෙනෙක් වැරද්දක් කරපු ගමන් අපේ බෞද්ධයෝම ඒක වීඩියෝ කරලා ප්‍රසිද්ධ කරනවා.මුළු සංඝ පරපුරමට නිගාවක් ඇ.තිවෙන විදියට.

මොන ප්‍රශ්නය ඇතිවුණත් අපි බුදුන්ගේ ධාතුන්වහන්සේලා වැඩ ඉන්න මහාසෑයන්වල දිය සෙවල බැදෙන්න දෙන්නෑ.ඩඩ්ලි සිරිසේන මහත්තයා අද ආරම්භ කළේ හොද පුණ්‍ය කටයුත්තක් යනුවෙන් උන්වහන්සේ පැවසූහ.

අනුරාධපුර – මහේෂ් විජේසූරිය

Related posts