ශ්‍රී ලංකා කණ්ඩායම ලකුණු 209ක් විශිෂ්ට ජයග්‍රහණයක්

සංචාරක බංග්ලාදේශ කණ්ඩායම සමග පැවති දෙවන ටෙස්ට් තරඟයෙන් ශ්‍රී ලංකා කණ්ඩායම ලකුණු 209ක් විශිෂ්ට ජයග්‍රහණයක් ලබාගෙන තිබේ.

ශ්‍රී ලංකා කණ්ඩායම තම මුල් ඉනිම සඳහා කඩුළු 07කට ලකුණු 493 ලබා සිටියදී තම ඉනිම අත්හිටුවා පන්දුවට පහර දීමේ අවස්ථාව බංගලාදේශ පිලට ලබාදුන්නේය.

ඔවුන් තම මුල් ඉනිම සඳහා සියල්ලන් දැවී ලකුණු 251 ක් ලබාගත් අතර ශ්‍රී ලංකාව තම දෙවැනි ඉනිමට කඩුලු 9ක් දැවී ලකුණු 194 ක් ලබා සිටියදී ඉනිම අත්හිටුවීය.

බංග්ලාදේශය තම දෙවන ඉනිම සඳහා ලකුණු 227කට සියලු දෙනා දැවී යාමත් සමඟ ශ්‍රී ලංකාවට ලකුණු 209ක් ජයග්‍රහණයක් අත් විය.

ශ්‍රී ලංකාව වෙනුවෙන් තම පලමු ටෙස්ට් තරගයට සහභාගි වන ප්‍රවීන් ජයවික්‍රම මෙම තරඟයේ ඉනිම දෙකේදීම කඩුලු 11 ක් ලබා ගනිමින් විශිෂ්ඨ දක්ෂතා දැක්වූ අතර ඔහු තරගයේ වීරයා සම්මානයද දිනා ගනු ලැබීය.

මෙම තරගය සැලකෙන්නේ ලෝක ටෙස්ට් ක්‍රිකට් ශුරතාවලියේ අවසන් තරගය ලෙසයි.

මෙවර ශූරතාවලියේ ශ්‍රී ලංකාවට හිමිවූයේ 08 වන ස්ථානයයි. ඒ, තරග 12 කදී ජයග්‍රහණ 02 ක්, ජය පරාජයෙන් තොරව අවසන්වීම් 04 ක් සහ පරාජයන් 06 ක් ලැබීම හේතුවෙන්.

Related posts