සහල් සැකසීමේ ආයතනයක ආරක්ෂිත ක්‍රමෝපායක් භාවිතා නොකිරිමෙන් තිදරු පියෙකුට අතක් අහිමි වෙයි

hand

ගනේවල්පොල කැකිරාව මාර්ගයේ පිහිටි මහපරිමාන සහල් සැකසීමේ ආයතනයක (රයිස් මිල්ස්) යන්ත්‍රයකට අත හසුවිමෙන් කම්කරුවෙකු බරපතල තුවාල ලබා ඇති අතර ඔහුගේ දකුණු අත වැලමිට අසලින් ගැලවියාම නිසා ප්‍රතිකාර සදහා කැකිරාව රජයේ රෝහලට ඇතුලත් කිරිමෙන් පසුව වැඩිදුර ප්‍රතිකාර සදහා දඹුල්ල මූලික රෝහලට ඇතුලත් කර තිබේ.

මෙම ආයතනය මහා පරිමාන අන්දමින් පවත්වාගෙන ගියත් සේවකයන්ගේ ආරක්ෂාව සදහා කිසිදු ආරක්ෂිත ක්‍රමෝපායක් භාවිතා නොකිරිම නිසා තිදරු පියෙකු වන කම්කරු සේවකයාට අත අහිමිවු බව සේවකයන් පිරිසක් අනාවරණය කළහ.ආයතනයේ සියළුම යන්ත්‍ර සූත්‍ර ඉතා අනාරක්ෂිත වූවත් සේවකයන්ට රක්ෂනාවරණයක්වත් ලබාදීමට පරිපාලනය කටයුතු කර නොමැති බව ඔවුන් කීහ.

අදාල සේවකයා මුට්ට කර ගැසීම (නාට්ටාමි) සදහා යොදවා සිටියත් ආයතන පරිපාලනය විසින් සහල් සැකසුම් මෝලේ විදුලියෙන් ක්‍රියාත්මක වන මෙවලමක් වන ඩයරයක් ඔහුට ශුද්ධ පවිත්‍ර කිරීමට පැවරිම නිසා අනතුර සිදුව තිබෙනා අතර සේවකයාගේ අත වැලමිට අසලින් ගැලවි ගොස් යන්ත්‍රය තුලට වැටි ඇති අතර පැය හතරකට පමණ පසුව ගැලවි ගිය අතෙහි කොටස සොයාගෙන තිබේ.

මෙසේ බරපතල තුවාල ලබා ඇත්තේ ආරුගම් සදාලිංගම් නැමති 55 හැවරදි තිදරු පියෙකි.සිදුවු අනතුර පිළිබදව අනාවරණය කළ සේවකයන්.අවාසනාවන්ත අනතුරට මුහුණ දුන්නේ රුපියල් 1000ක දෛයිනික වැටුපට මුට්ට කර ගහන සේවකයෙක්.

ඔහුට තියෙන්නේ මුට්ට කරගහන්න.නමුත් මේ සේවකයාව ඩයරය ශුද්ධකරන්න යොදවලා තියනවා.ආයතන පරිපාලනය කියනවා ඔහු බලෙන් වැඩේ කරේ කියලා.මත්පැන් බීලා හිටියේ කියලා බිව්වා කියලා දැන් වෙනම කථාවක් හදනවා.

කිසිම සේවකයෙකුට රක්ෂණ ආවරණයක් නෑ.සේවක භාරකාර අරමුදලට ගෙවිම් කරන්නෑ.මේ අනතුරට මුහුණ පෑ අහිංසක මනුස්සයා වැරදියි කියලා දැන් ඔක්කොම වාර්ථා හදනවා.

පොලිසිය රෝහල ඔවුන්ගේ අතට අරගෙන මුදලට යටකරලා කටයුතු කරනවා.සේවකයාට සාධාරණ වන්දියක් ලැබෙන්නේ නෑ.ඔහුට අන්තිමේදි අතක් නැතුව ජීවිතේ ඉදිරිය සිගමන් යදින්න වෙන්නේ.මොකද ඔහු කම්කරුවෙක් මුට්ට කර ගහන කෙනෙක්.මීට ඉස්සෙල්ලත් සේවකයන් දෙන්නෙක් අනතුරු වලට මුහුණ පාලා තුවාල ලබලා තියනවා.

මේ ආයතනය වැරදි රැසක් එක්ක යන ආයතනයක් කිසිම ආරක්ෂිත බවක් නෑ.ඒ නිසා වගකිවයුතු ආයතන රැසක් මේ ආයතනය ගැන හොයලා බලලා කටයුතු කරේ නැත්නම් තවත් ජීවිත විනාශ වෙන්න තියනවා.දරු පවුල් විනාශ වෙන්න අවස්ථාව ඇතිවෙනවා යනුවෙන් ඔවුන් පැවසූහ.

සේවක චෝදනා සම්බන්ධයෙන් සිදුකළ සොයා බැලිමෙදි අනතුර සිදුව තිබෙන ආයතනය වන බීටා සහල් සැකසුම් මධ්‍යස්ථානයේ අයිතිකරු වන ඒ.එච්.එම් අසාර් නැමත්තා මෙසේ පැවසුවේය.මම රියදුරන්ට විතරයි රක්ෂණ ආවරණ දාලා තියෙන්නේ.මේ සේවකයා බලෙන් ඩයර් එක සුද්ද කරන්න ගිහිල්ලා අත අහිමිකරගෙන.ඔහු බීලා ඉදලා තියෙන්නේ.

ඒකට සාක්ෂි තියනවා.අපි ඔහුට යන්ත්‍රය සුද්දකරන්න කිව්වේ නෑ.එයාට ඊ.ටී.එෆ් ඊ.පී.එෆ් අපි ගෙවන්න ඕන නෑ.ඒයා ස්ථිර සේවකයෙක් නෙමෙයි.අපි පොලිසියට මේ සියල්ල අනාවරණය කළා.මම මාධ්‍යට බය නෑ.පුළුවන් දෙයක් කරන්න.ඕනම් මාව උසාවි දායි යනුවෙන් පැවසුවේය.

සේවකයා බලහත්කාරයෙන් ඩයරය පිරිසිදු කළ බව ආයතන ප්‍රධානියා පැවසුවත් එම ආයතනයේ කළමනාකරු ලෙස පෙනී සිටි පුද්ගලයා කියා සිටියේ තුවාලකරු වන නාට්ටාමිවරයාට දිනපතා රුපියල් 500ක් ගෙවා එම යන්ත්‍රය ශුද්ධ පවිත්‍ර කරගන්නා බවයි.

අනුරාධපුර – මහේෂ් විජේසුරිය

Related posts