හිමිනමකට කළු තෙල් ප්‍රහාරයක්

දිගු කළක සිට පවතින ආරවුලක් හේතුවෙන් විහාරස්ථානයක වැඩ වසන හිමිනමකට කළු තෙල්වලින් සිරුරට ප්‍රහාරයක් එල්ල කිරීමේ චෝදනාවට යුදහමුදා සෙබළෙකුගේ බිරිය සමග ඇගේ මව කහටගස්දිගිලිය පොලිසියේ නිලධාරින් විසින් අත්අඩංගුවට ගෙන තිබේ.

කහටගස්දිගිලිය කොක්මඩුව දෙඹල්ගල වැඩ වසන තරුණ හිමිනමකට රාත්‍රීයේ කළු තෙල් ප්‍රහාරය එල්ලවි ඇති අතර සැකකාර 28 හැවරදි දෙදරු මව ඊට අනුබලදුන් ඇගේ මව පොලිසිය මගින් අත්අඩංගුවට ගෙන තිබේ.

විහාරවාසිව සිටින හිමිනම සමග කළු තෙල් ප්‍රහාරය එල්ල කළ 28 හැවරදි කාන්තාව මීට කළකට පෙර අනියම් සබධතාවක් පවත්වා ඇති බවත් එම සම්බන්ධතාව අත්හැරීම නිසා ප්‍රහාරය එල්ලවි ඇති බව පොලිසිය සිදුකළ පරික්ෂණ වලදි අනාවරණයවි තිබේ.

කාන්තාවගේ පවුලේ උදවිය හා විහාරස්ථානයේ වැඩවසන හිමිනම සමග පසුගිය කාලය පුරාම ආරවුල් පැවත ඇති අතර පහරදීම් රණ්ඩු සරුවල් අයුතු ඇතුල්වීම් ඇතුළු චෝදනාවන් සම්බන්ධයෙන් කහටගස්දිගිලිය පොලිස්ථානයට දෙපාර්ශවයෙන්ම පැමිණිලි ලැබි තිබු අතර උතුරු මැද පළාත භාර නියෝජ්‍ය පොලිස්පතිවරයාටත් ආරවුල් සම්බන්ධයෙන් මීට සති කිහිපයකට පෙර පැමිණිලි ලැබි තිබුණි.

කහටගස්දිලිය පොලිසිය නිසි විමර්ශන සිදුනොකරන බව පවසමින් හිමිනම විසින් පැමිණිලි සිදුකිරීම නිසා නියෝජ්‍ය පොලිස්පතිවරයා විසින් වෙනත් පොලිස් කණ්ඩායමක් යොදා පරික්ෂණ පවත්වා තිබුණි.

කාන්තාව හා හිමිනම අතර කළක සිට පවතින අනියම් ඇසුර නිසා සාමය කඩවි තිබු බවත් කාන්තාවගේ සැමියා වන යුදහමුදා සෙබළාත් ඇය හැරදමා ගොස් ඇති බව පොලිසිය පවසයි.

දිගින් දිගටම ආරවුල් ඇතිවීම නිසා යුද හමුදා සෙබළා සිය බිරිද හැරදමා ගොස් ඇති බව කියන පොලිසිය පසුව අනියම් සබධතාව පැවත්වු හිමිනමත් ඇය අතහැරීමට කටයුතු කිරීම නිසා කාන්තාව ඊට උරණවි කළු තෙල් ගැසීම සිදුකර තිබෙනා බව පොලිසිය සිදුකළ පරික්ෂණ වලදි අනාවරණය වි තිබුණි.

තරුණ කාන්තාවගේ මවත් අනියම් පෙමට අවස්ථාව සලසා ඇති බව පොලිසියට පරික්ෂණ වලදි අනාවරණයවී තිබෙනා අතර දියණියගේ විවාහය දෙකඩවීම හා හිමිනමත් අහක බැලීම නිසා කළු තෙල් බාල්දියක පුරාවා ගෙන ගොස් ආවස ගෙයි සිටි හිමිනමට ගසා ඇති බව පොලිසිය පවසයි.සැකකරුවන් දෙදෙනා ප්‍රහාරයට රැගෙන ගිය කළු තෙල් බාල්දිය පොලිසිය මගින් අත්අඩංගුවට ගෙන තිබුණි.

අනියම් පෙම පැවත්වු හා ඊට ආධාර අනුබලදුන් මව අත්අඩංගුවට ගෙන අනුරාධපුර ප්‍රධාන මහේස්ත්‍රාත් අධිකරණයට ඉදිරිපත් කළ අවස්ථාවේ සැකකරුවන් දෙදෙනා රුපියල් ලක්ෂය බැගින්වූ ශරිර ඇපමත මුදාහැර තිබුණි.

කහටගස්දිගිලිය පොලිසියේ වැඩ බලන ස්ථනාධිපති ප්‍රධාන පොලිස් පරික්ෂක හේරත් මහතාගේ උපදෙස්මත විවිධ පැමිණිලි අංශයේ ස්ථානාධිපති උප පොලිස් පරික්ෂක රත්නායක මහතා ඇතුළු නිලධාරින් පිරිසක් සැකකරුවන් අත්අඩංගුවට ගෙන තිබුණි.

අනුරාධපුර – මහේෂ් විජේසූරිය

Related posts