බීරූට් පිපිරීමට අගමැති ඇතුළු 4 කට චෝදනා

ලෙබනනයේ බීරූට් වරායේ සිදුවූ පිපිරීමෙන් 200කට වැඩි පිරිසක් මියයෑම සම්බන්දව නොසැලකිලිමත්ව කටයුතු කිරීම යටතේ එරට හිටපු අගමැතිවරයාට සහ හිටපු ඇමතිවරුන් තිදෙනකුට එරෙහිව චෝදනා ගොනුකර තිබේ.
මෙසේ චෝදනා ගොනුකර ඇත්තේ එවකට අග්‍රාමාත්‍ය ලෙස කටයුතු කළ හසන් ඩයබ්, හිටපු මුදල් ඇමති අලි හසන් කලීල් සහ පොදු කාර්යයන් සම්බන්ද අමාත්‍යවරුන් දෙදෙනකු වන යූසෙෆ් ෆෙනියානොස් හා ගාසි සයිටර් යන මහත්වරුන්ට එරෙහිවය.
ඔවුන් අගෝස්තු මස 04 වන දින සිදුවූ විනාශකාරී පිපිරීම සම්බන්දව අධිචෝදනා ලැබූ පළමු දේශපාලනඥයින් වන අතර ලෙබනන ඉතිහාසයේ අග්‍රාමාත්‍යවරයෙකුට එරෙහිව අධි චෝදනා එල්ලවූ පළමු අවස්ථාව ද වෙයි.

Related posts