දිස්ත්‍රික්ක අතර සංචරණයට දැඩි සීමා

කොවිඞ් 19 වසංගතය පාලනය කිරීමේ පියවරක් ලෙස දිස්ත්‍රික් අතර සංචරණය දැඩි ලෙස සීමා කිරීමට ජනාධිපති ගෝඨාභය රාජපක්‍ෂ මහතා පියවර ගෙන ඇත.

ඒ අනුව භාණ්ඩ බෙදා හැරීම, අත්‍යාවශ්‍ය සේවා හැර සෙසු කටයුතුවලදී දිස්ත්‍රික්ක අතර සංචරණය සීමා කෙරේ.
මේ කාලසීමාව තුළ සාමාන්‍ය පරිදි ඇඳිරි නීති බලපත්‍ර නිකුත් නොකරන ලෙසට ද ජනාධිපති ගෝඨාභය රාජපක්‍ෂ මහතා පොලීසියට උපදෙස් දුන්නේය.

කොවිඞ් 19 පිළිබඳව කිසිඳු අත්දැකීමක් නොතිබූ පෙර අවස්ථාවේ ඉතා හොඳින් ජනතාව ආරක්ෂා කර ගැනීමට රජයට හැකි වූ බැවින් එහිදී ගත් උපක්‍රම සහ ක්‍රමවේද මගින් වත්මන් තත්ත්වය පාලනයට පියවර ගත යුතු බව ද ජනාධිපතිවරයා මෙහිදී ප්‍රකාශ කළේය.

අඛණ්ඩව සහ නිරන්තරයෙන් අහඹු පරීක්ෂණ කිරීමේ වැදගත් බවත්, ඒවායේ ප්‍රතිඵල කෙටි වේලාවකදී ලබාදීමට හැකි උපරිම උත්සාහය ගත යුතු බවත් ජනාධිපති ගෝඨාභය රාජපක්‍ෂ මහතා පෙන්වා දුන්නේය.

Related posts