රාජ්‍ය සේවකයින් වැ‍ටුපක් හිමිවෙනවා වගේම පිනකුත් කරගන්නවා

රාජ්‍ය සේවකයාට මේ වන විට රාජ්‍ය සේවයට වඩා වෙනත් කාර්යයන් කිරීමට සිදුව ඇති බවත් පැළ සි‍ටුවීම පවා ඔවුන්ට ම කිරීමට සිදුව ඇති බවත් අස්ගිරිපාර්ශවයේ අනුනායක පොලොන්නරුව සොළොස්මස්ථානාධිපති වේඬරුවේ ශ්‍රී උපාලි අනු නාහිමියෝ පවසති.

උන් වහන්සේ මේ බව පැවසුවේ ශ්‍රී ලංකා පොලිසියට වසර 155ක් පිරීම නිමිත්තෙන් ඊයේ(08) පැවති රුක් රෝපණ වැඩසටහනක අනුශාසනාවක් සිදු කරමිනි. ගල්විහාර පුදබිම ආශ්‍රිතව මෙම රුක් රෝපණ වැඩසටහන සංවිධානය කර තිබිනු අතර එහි දී උන්වහන්සේ මෙසේ ද කීහ.

“අද රාජ්‍ය සේවකයාට රාජ්‍ය සේඅය හැර වෙනත් කාර්යයන් කරන්න සිදු වෙලා තියෙන්නේ.පැල හි‍ටුවන්න වෙලා තියෙන්නේත් රාජ්‍ය සේවකයාට.කොහොම වුණත් රාජ්‍ය සේවකයා කියන්නේ සේවයට වැ‍ටුපක් හිමිවෙනවා වගේම පිනක් ද සිදු කරන්න පුලුවන් තනතුරක්.

දිනක් දෙවියන් බුදුන්වහන්සේගෙන් විමසනවා රෑ දවල් පිංසිදු වන කටයුතු මොනවාද කියලා.බුදුන්වහන්සේ දේශනා කරනවා මල්පල දරන උයන් ඉදි කරන්න.ඒ වගේම වන වගාව ගහකොළ හිටවන්න ඕන.ඒදඬු පාළම් තනවන්න ඕන.පැන්හල්,පොකුණු ආදිය ඉදි කරන අයට දිවා රාත්‍රී පිං සිද්ධ වෙනවා කියලා දේශනා කළා.

අද මේ රුක් රෝපණය සිදු කරන්නේ ඒ දේශනාවේ සඳහන් එක් පිංකමක් වන වන වගාවයි.මෙය මහා පිංකමක්.පස්වන වියවසේ ෆාහියන් හාමුදුරුවෝ එක් තැනක සඳහන් කරනවා රජරට අවුරුද්ද පුරාම ගස්වැල් සුපුෂ්පිතව පැවතියා  කියලා.අද 21 වන සිය වසේ ඉන්න අපි අද රජරට දකින්නේ එහෙම එකක් නෙමෙයි.

දැන් අනිත් ආගම්වලත් ගස් සි‍ටුවීම කරනවා.පල්ලියේ නත්තල් ගස් හිටවනවා.හැබැයි මලුත් නෑ ගෙඩිත් නෑ.පංසල්වල හිටවන්නේ මල් ගෙඩි හටගන්නා ගස්වැල්.මොකද කුරුල්ලෙකුට හරි ඇවිත් ගිමන් නිවා ගන්න විතරක් නෙමෙයි කුසට ආහාරත් ලැබෙනවා.නාගස එක අතකින් පූජනීයයි.

නා වෘක්ෂය කියන්නේ අනාගත බුදුවරුන්ට සෙවන ලබා දෙන වෘක්ෂයක්.නාමල වන්දනාව ට පූජාවට සුදුසුයි.ඉතාම අගය කොට සලකනවා මේ රුක් රෝපණය.අවුරුදු 155ක් පමණ සපුරණ පොලිස් දෙපාර්තමේන්තුවේ 85000ක් පමණ සේවය කරනවා 492ක් පමණ පොලිස් ස්ථාන තියෙනවා.පොලිසිය තිබෙන්නේ සාමය හා නීතිය ආරක්ෂා කරන්න.

ඒ කාර්යය ප්‍රධාන කොට ගෙන මේ රටේ වැලි,මේ රටේ පස්,මේ රටේ ගස්,මේ රටේ සත්තු ආරක්ෂා කරන්නත් පොලිසියට ලොකු සටනක් කරන්න සිදු වෙලා.ගස් කැපීමට ප්‍රවනතාවක් දක්වන මේ කාලේ අපි මේ කරන්නේ ඊට ප්‍රතිවිරුද්ධ දෙයක්.ගස් හිටවන එක.අපි  මාර්ගය සකස් කරලා තියෙනවා.

දැන් අවශ්‍ය හෙවනයි.ඒ සඳහා පැළ සි‍ටුවලා මේ කරන පිංකම පොලිස්පතිතුමාගේ සිට සියලු නිලධාරීන්ට හිමි වෙනවා.අපිට දැනෙනවා සෙල්ල කතරගම යනකොට කුරුණෑගල යනකොට වන රක්ෂිත මැදින් යනකොට දැනෙනේ සිසිලස.ගහක අත්තක් කපන එක පවා බුදුන්වහන්සේගේ ධර්මයෙන් අවධානය යොමු කරලා තියෙනවා.

උප සම්පදා භික්ෂුවකට ගහක අත්තක් කැපුවත් ඇවතක් විදිහටයි සලකන්නේ ගස්වැල් කියන ඒවා සජීවි ප්‍රාණයක් ඇති දෙයක් විදිහටයි සලකන්නේ.ගස්කොලන් ආරක්ෂා කර ගැනීම ගස්කොළන් රෝපණය කිරීම අද අත්‍යවශ්‍ය වෑයමක්.පොලොන්නරුව ජ්‍යෙශ්ඨ පොලිස් අධිකාරි තුම,පොලොන්නරුව පොලිසියේ මූලස්ථාන පොලිස් පරික්ෂකතුමා ඇතුලු සියලු දෙනාම මේ වෙලාවේ ඉතාම වටිනා කාර්යයක් කළේ.ඒක මම අගය කරනවා.”

මෙම අවස්ථාවට පොලොන්නරුව මහ දිසාපති ඩබ්.ඒ ධර්මසිරි.පොලොන්නරුව ජෙශ්‍යශ්ඨ පොලිස් අධිකාරි ඕෂාන් හේවාවිතාරණ,පොලොන්නරුව මූලස්ථාන පොලිසියේ ස්ථානාධිපති මු.පො.ප.ආලෝක බණ්ඩාර මහතා ඇතුලු පිරිසක් ද එක්ව සිටිය හ.පින්තූරවල දැක්වෙන්නේ රුක් රෝපනයේ හා අනුශාසනාවේ අවස්ථා කිහිපයකි.

ඊෂා මුදියන්සේ – පොලොන්නරුව

Related posts