ප්‍රාදේශිය ලේකම් කාර්යාලක සේවක සේවිකාවන් පැදුරු සාජ්ජයක

කොරෝනා වෛයිරසය පැතිර යමින් තිබියදි සෞඛ්‍ය අංශ ලබාදෙන සෞඛ්‍ය උපදෙස් පිළිනොපදිමින් අනුරාධපුර නගර ආසන්නයේ පිහිටි ප්‍රාදේශිය මහ ලේකම් කාර්යාලක සේවක සේවිකාවන් රැසකගේ සහභාගිත්වයෙන්  මත්පැන් සහිත පැදුරු සාජ්ජයක් පැවත්වුණු බව ඊට විරෝධය දැක්වු සේවකයන් පිරිසක් අනාවරණය කළහ.

අදාල ප්‍රාදේශිය මහ ලේකම් කාර්යාලයේ සංවර්ධන අංශයේ ප්‍රධානියෙකු විසින් කොන්ත්‍රාත්කරුවන් පිරිසකගෙ අනුග්‍රහය ලබාගෙන පැදුරු සාජ්ජය පවත්වා තිබු අතර පෙරේදා (27)රාත්‍රී දහය පමණ වන තුරු මතට ලොල්වූවන් මදුවිත තොලගාමින් පැදුරු සාජ්ජය පැවත්වු අතර අදාල ප්‍රාදේශිය ලේකම් කාර්යාලයේ පිහිටි ගොඩ නැගිල්ලක මත්පැන් සාජ්ජය සංවිධානය කර තිබුණි.

අනුරාධපුර නගරයේ කොරෝනා ව්‍යාප්තිය වැඩිවි තිබෙන හා අනුරාධපුර නගරයේ එක් කොටසක් හුදකලා කර තිබෙන අවධියක අදාල රාජ්‍ය සේවකයා සිය හිතුමතයට මෙම සාජ්ජය පවත්වා තිබු අතර කාර් යාලයේම පැදුර සාජ්ජ පවත්වමින් මත්පැන් පානය කිරිමට සැලස්වීම සේවකයන් විශාල පිරිසකගේ දැඩි අප්‍රසාදයට හේතුවි තිබුණි.

සාජ්ජය ආරම්භයට ප්‍රාදේශිය මහ ලේකම් කාර්යාලයේ ප්‍රධානියා වන ප්‍රාදේශිය ලේකම්වරයා පැමිණ සිටි බව සේවකයන් අනාවරණය කළ අතර නමුත් ඔහු එතරම් වේලාවක් සාජ්ජයේ රැදිනොසිට නිවෙස කරා ගිය බව සේවකයන් පිරිසක් අනාවරණය කළහ.

මෙම සාජ්ජයට ප්‍රාදේශිය මහ ලේකම් කාර්යාලයේ සේවයේ නියුතු සේවකයන් විශාල පිරිසකට ඇරයුම් කර තිබුණත් ඔවුන් පවතින අවධානම් තත්වය සමග ඊට සහභාගිවි නොතිබු අතර සංවර්ධන අංශයේ සේවිකාවන් ඇතුළුව 50 දෙනෙකුට අධික පිරිසක් ඊට එක්ව සිටි බව අනාවරණය වූහ.

සංවර්ධන අංශයේ ප්‍රධානියාගේ බලපෑම් හමුවේ ඇතැම් සේවිකාවන් කුඩා දරුවන්ද රැගෙන සාජ්ජයට එක්ව සිටි බවත් එසේ නොපැමිණ පිරිස්වලට රාජ්‍ය සේවකයන්ට අනුමත නිවාඩු ලබාගැනීමේදි ඒවා අනුමත නොකිරීම ඇතුළු පළිගැනිම් වලට බියෙන් බොහෝ සේවක සේවිකාවන් නොසතුටින් ඊට එක්ව සිටි බව සිද්ධිය අනාවරණය කළ පිරිස පැවසුහ.

හතර වටෙන්ම කොරෝනා ව්‍යාප්ත වෙනවා.ආයතනවල ප්‍රධානින් බාල් නටනවා.පිරිමි නිලධාරින් විතරක් නෙමෙයි කාන්තා නිලධාරින්ටත් මත්පැන් සහිත පැදුරු සාජ්ජයට සහභාගිවන ලෙස බලකර තිබුණා.මේ පවතින තත්වයත් එක්ක මත්පැන් සජ්ජ හා වෙනත් විනෝද උත්සව පවත්වලා වෙන්නේ තවත් කොරෝනා රෝගින් වැඩිවෙන එක.

රජය උපදෙස් දෙනවා පරිස්සමින් ආරක්ෂිතව කටයුතු කරන්න කියලා.ආයතනයට රාජකාරියක් කර ගන්න එන මිනිස්සුන්ට දහ අට නීති. නමුත් මේ උසස් නිලධාරින් අනිත් මිනිස්සුන්ගේ ජීවිතත් අවධානමේ දමලා මත්පැන් සාද පවත්වනවා.

ප්‍රාදේශිය ලේකම්වරයා කියන නිලධාරියාට තිබ්බා මේවගේ අවධානම් කටයුතු මේ දිනවල පවත්වන්න එපා කියලා නවත්වන්න නමුත් එයත් ඇග බේරගෙන වැඩ යනුවෙන් ඊට විරෝධය එල්ල කළ පිරිසක් පැවසුහ.

අනුරාධපුර – මහේෂ් විජේසුරිය

 

Related posts