රක්ෂිත බලහත්කාරයෙන් ව්‍යාපාර කටයුතු වලට යොදාගනියි

අනුරාධපුර බුද්ධගයා මාවතේ පිහිටි ස්ථාන දෙකක රක්ෂිත කොටස් දෙකක් බලහත්කාරයෙන් සිය ව්‍යාපාර ස්ථාන වලට ඈදාගැනිමට අනුරාධපුර නගරයේ කෝටීපති ව්‍යාපාරිකයෙකු කටයුතු කර ඇතත් වගකිවයුතු අංශ ඊට කිසිදු පියවරක් නොගන්නා බව පවසමින් බුද්ධගයා මාවත සුරැකිමේ පදනම උතුරු මැද පළාත් ආණ්ඩුකාර මහීපාල හේරත් මහතාට ලිඛිත පැමිණිල්ලක් ඉදිරිපත් කර තිබේ.

බුද්ධගයා මාවතේ පදිංචිකරුවන් හැට පස් දෙනෙකු සිය විරෝධය පලකරමින් අත්සන් යෙදු පෙත්සමක් බුද්ධගයා මාවත සුරැකීමේ පදනමේ කැදවුම්කරු නන්දන රත්නවීර මහතා ආණ්ඩුකාරවරයාට යොමුකර තිබේ.එම ස්ථානයේ අපද්‍රව්‍ය කාණු පද්ධතියේ නළ මාර් ග හා විදුලි ට්‍රාන්ස්ෆෝමරයේ අර් ත් වයර් පොලවට සම්බන්ධකර තිබෙන ස්ථානයක් බවත් නිරික්ෂණය කර ගැනීමට හැකිවිය.

මෙම ස්ථානයේ දශක ගණනාවක සිට මගී ආවරණයක් පැවති අතර එය අබලන්වීම නිසා අළුත් වැඩියාවට ගැලවු අවස්ථාවේ පෞද්ගලික වෙළද ආයතනයක් ඉදිකරනා ව්‍යාපාරිකයා එම කොටස කඩිනමින් ඉන්ටර් ලොක් ගල් අල්ලා බලහත්කාරයෙන් අල්ලාගෙන තිබේ.

අදාල ව්‍යාපාරිකයා අනුරාධපුර පැරණි නුවර පාරේ නෙළුම්කුලම ප්‍රදේශයේ කර් මාන්ත ශාලාවක් පවත්වාගෙන යන අතර ඔහු බුද්ධගයා මාවතේ ස්ථාන දෙකක රක්ෂිත කොටස් සිය වෙළද ව්‍යාපාරික ස්ථාන සදහා බලහත්කාරයෙන් අල්ලාගෙන තිබේ.

ඊට විරෝධය පලකරන බුද්ධගයා මාවත සුරැකිමේ පදනමේ සාමාජිකයන් පිරිසක් මෙසේ පැවසූහ.මේ ව්‍යාපාරිකයා මයිලගස්හංදියේ තිබ්බ විදුලි ට්‍රාන්ෆෝමරය කොටසත් බලහත්කාරයෙන් අල්ලාගෙන ඉන්ටර් ලොක් ගල් අල්ලලා.ව්‍යාපාර ස්ථාන ඉස්සරහින් පදිකයන් යන පාරේත් ඉන්ටර් ලොක් ගල් අල්ලලා.පාර අයිනේ කිසිම කොනෙකුට වාහනයක් නවත්වන්න බෑ අපේ ආයතනයේ කොටසක් කියලා කෑගහනවා.

දැන් කඩ පනහ විජයපුර බස් නැවතුම් තිබ්බ ස්ථානයත් අල්ලගෙන අලංකාර කරන්න කියලා.මුළු නගරයම දැන් පොලවක් නැති තරමට ඉන්ටර් ලොක් වෙලා.

මේ පිළිබදව නාගරික කොමසාරිස් රුවන් විජේසිංහට පැමිණිලිකරාම කියනවා අනුන්ට ඊර් ෂ්‍යා නොකර පාඩුවේ ඉන්න කියලා.මේ තැනක අහිංසක වෙළෙන්දෙක් වඩේ තට්ටුවක් කෑම ටිකක් දාගත්ත නම් ඒ මනුස්සයාව පන්නනවා.කෝටිපති ව්‍යාපාරිකයන්ට ඕන තැනක් අල්ල ගන්න පුළුවන් ඒවා පේන්නේ නෑ.

මේකේ ඉන්න රාජ්‍ය නිලධාරින් බහුතරය පිටින් ආපු මිනිස්සු.ඒ මිනිස්සුන්ට මේ නගරය විනාශ වුනාට කිසිම ප්‍රශ්නයක් නෑ.සේවා කාලය අවසන් කරලා ගම් රටවල් වලට යයි.නමුත් අපේ දරුවෝ මුණුපුරෝ මේකේ ජීවත් වෙන්න ඕන.ඒ නිසා අදාල බලධාරින් මේ ක්‍රියාවන් වහාම නවත්වන්න පියවර ගන්න ඕන යනුවෙන් ඔවුන් පැවසූහ.

මෙම මාර් ගය පළාත් මාර් ග සංවර් ධන අධිකාරියට අයත් වන එකක් අතර ප්‍රදේශය භාර ඉංජිනේරූවරියගෙන් දුරකථනයෙන් කළ විමසීමකදි එම කොටස පළාත් මාර් ග සංවර් ධන අධිකාරියට අයිති නැති බව කීවාය.එම කොටස අනුරාධපුර මහ නගර සභාවට හෝ වාරිමාර් ග දෙපාර් තුමේන්තුවට අයිතිවිය හැකි බවත් එහි හිමිකරුවන් කවුරුන්ද යන්න නොදන්නා බවත් ඇය පැවසුවාය.

අනුරාධපුර මධ්‍යම විශේෂ – බී.මහේෂ් විජේසුරිය

Related posts