accident

රට පුරා ව්‍යාප්තව පවතින මාරාන්තික වසංගතය පාලනය සදහා රටම අගුලා ලා තිබියදී මාර්ග අනතුරු වලින් හැටකට වැඩි පිරිසකට ජීවිතය අහිමිව ඇති බව හෙළි වී තිබේ.

මාර්ගයේ ඇති නිදහස අයුතු ලෙස භාවිතා කරමින් අපරික්ෂාකාරී ලෙස මෝටර් රථ සහ යතුරු පැදි ධාවනය කිරීම හේතුවෙන් නිරෝධායන ඇඳිරි නීතිය ආරම්භ වූ පසුගිය අගෝස්තු මස 20 දා සිට සැප්තැම්බර් මස 13 වන දා දක්වා සිදුවූ මාර්ග අනතුරු ප්‍රමාණය  63ක් බවයි පොලීසිය පවසයි.

එම අනතුරුවලින් 66 දෙනෙකු මියගොස් ඇති බව, පොලිස් මාධ්‍ය ප්‍රකාශක ජ්‍යේෂ්ඨ පොලිස් අධිකාරි නීතිඥ නිහාල් තල්දූව ප්‍රකාශ කර සිටියි.

මෙම අනතුරුවලට හේතුව අපරික්ෂාකාරී රිය පැදවීම බවත් සිදුවූ අනතුරුවලින් 56ක්ම අපරික්ෂාකාරී ලෙස රිය හා යතුරුපැදි ධාවනය මගින් සිදුවී ඇති බවත් ඔහු වැඩි දුරටත් සදහන් කරයි.

මාර්ග අනතුරුවලින් මියගිය 66 දෙනාගෙන් 31 දෙනෙකුම යතුරුපැදි කරුවන් වේ.

Similar Posts