ජනත නියෝජිතයින් රාජ්ය නිලධාරින්ගේ කාර්ය භාරය ඉටු කිරීම සඳහා සහාය ලබා දිය යුතු බවත් රාජ්ය නිලධාරින් ආරක්ෂා කර ගැනීමට මැදිහත් විය යුතු බවත් උතුරු මැද පළාත් ආණ්ඩුකාර මහීපාල හේරත් මහතා පවසයි.
උතුරු මැද පළාත් ආණ්ඩුකාරවරයා මේ බව පැවසුවේ පොලොන්නරුව දිස්ත්රික් සම්බන්ධීකරණ කමිටු රැස්වීම අමතමිණි. එහි දී වැඩි දුරටත් අදහස් දක්වමින් ඒ මහතා මෙසේ ද කීය.
“පෙරේදා කිසියම් පිරිසක් ජයන්තිපුර රෝහලේ කාර්ය මණ්ඩලවලට ගහලා බැලනලා තර්ජනය කරලා තියෙනවා.මේ ජයන්තිපුර මේ වගේ සිදු වීමක් වුණ දෙවන වතාව මේක.ඊයේ ජයන්තිපුර රෝහලේ සම්පූර්ණයෙන් ම වැඩ නැවැත්තුවා.පස්සේ අපිට පොලිසියේ ජ්යෙශ්ඨ පොලිස් අධිකාරී තුමාට කතා කරලා එතුමා වහාම මැදිහත් වෙලා මේක සමතයකට පත් කරන්න උදව් කළා.පස්සේ දවල් වෙනකොට යලි රෝහලේ කටයුතු ක්රියාත්මක කරන්න පුළුවන් වුණා.
පොඩ්ඩක් කරුණා කරලා අපේ ජනතා නියෝජිතයින් මෙවැනි අවස්ථාවල දී රාජ්ය නිලධාරින්ගේ කාර්යභාරය හරියාකාරව ඉෂ්ඨ කරන්න ඔබ තුමන්ලා සොයා බලන්න මේ වගේ වැඩ සිද්ධ වෙන්න දෙන්න එපා.විශේෂයෙන් සෞඛ්ය සේවයේ සේවාව ඉතාමත් ම අත්යවශ්ය කාල වකවානුවක අපි ඉන්නේ.
එහෙම වෙලාවක ඒ ආයතනවල නිලධාරින්ට හිරිහෑර කරන පොදු දේපලවලට හානි කරන කටයුතු සිද්ධ වෙනවා නම් ඉතාමත් ම වැරදියි.ඒ නිසා මේ ගරු සභාවෙන් ඉල්ලීමක් කරනවා හැම තැනකම රාජ්ය නිලධාරින් ගැන සොයා බලන්න.
ඒ අය හැම දේකටම සහභාගී වෙනවා.සංවර්ධන වැඩකටයුතු ක්රියාත්මක කරනවා.අපි ගන්නා තීන්දු තීරණ ක්රියාත්මක කරනවා.ඒ නිසා ඒ නිලධාරින් ආරක්ෂා කරන්න ඕන.ජයන්තිපුර රෝහලේ සිද්ධිය වැනි සිද්ධින් මින් ඉදිරියට දිස්ත්රික්කයේ නොවෙන්න ජනතා නියෝජිතයින් මේ ගැන සොයා බලන්න කියලා ඉල්ලීමක් කරනවා.”
පොලොන්නරුව දිස්ත්රික් සම්බන්ධීකරණ කමිටු රැස්වීම එහි සභාපති පාර්ලිමේන්තු මන්ත්රී අමරසිරි අතුකෝරල මහතාගේ ප්රධානත්වයෙන් පැවැත් විණ.පොලොන්නරුව මහ දිසාපති ඩබ්.ඒ .ධර්මසිරි මහතා ඇතුළු රාජ්ය නිලධාරින් පිරිසක් ද මෙම අවස්ථාවට සහභාගී වූහ.
ජයන්තිපුර රෝහලේ සෞඛ්ය සේවකයන්ට පෙරේදා කිසියම් පිරිසක් පහරදීම හේතුවෙන් එහි සියලු කාර්ය මණ්ඩල පෙරේදා(15) රාජකාරිවලින් බැහැර වීමට ක්රියා කර තිබිණි.
බණ්ඩාර මුදියන්සේ – පොලොන්නරුව
