වතු කම්කරුවන් ආර්ථික ප්රශ්නවලින් මිරිකෙන විට වතු කරයේ සමහර තැරවුකරුවන් විසින් සිදු කරනු ලබන මිනිස් ජාවාරම් හේතුවෙන් වතු කරයේ තරුණ ජිවිත අකාලයේ විනාශයට පත්විමේ අවදානමක් පවතින බව ශ්රිලංකා නිදහස් සේවක සංගමයේ සම්බන්ධිකරණ ලේකම්, ශ්රිලංකා නිදහස් පක්ෂ නුවරඑළිය දිස්ත්රික් සංවිධායක හා මස්කෙළිය ප්රාදේශීය සභාවේ උප සභාපති පී. ප්රදිපන් මහතා පවසයි.
හැටන් නගරයේ පිහිටි ඔහුගේ කාර්යාලයේදි 28වනදින මාධ්ය වෙත අදහස් දක්වමින් මේ බව පැවසු ප්රදිපන් මහතා එහිදි වැඩි දුරටත් මෙසේ පවසන ලදි.
මේ වන විට වතුකරයේ කම්කරු ජනතාව දැඩි ලෙස ආර්ථික වශයෙන් ප්රිඩාවන්ට පත් වෙලා ඉන්නේ එම තත්වයන් මත බොහෝ දෙනකුට තුන් වේලට කන්න නැහැ පාසල් යන වයසේ බොහෝ දරුවන්ට පාසල් යන්න තත්වයක් නැහැ මෙම තත්වයන් මත වතුකරයේ තරුණ තරුණියන් බොහෝ පිරිසක් දැඩි අසහනයකින් ඉන්නේ.
මෙම තත්වයන් තුලින් වැඩි වාසියක් ලබා ගැනිමට බලා සිටින වතු ආශ්රිත සමහර තැරවුකරුන් මෙම තරුණ පිරිසට සුරංගනා ලෝක මවා පාමින් ඔවුන් විවිධ ස්ථානවලට අලෙවි කිරිමේ මිනිස් ජවාරම් සිදු කිරිමත් සමග මේ තරුණ පිරිසගේ ජිවිත දැඩි අවදානමකට ලක් වෙලා තියෙනවා.
සමහර තැරවුකරුවන් වීශේෂයෙන් තරුණියන් පාසල් යන වයසේ දැරියන් පවා නිවාසවල මෙහෙකාර සේවයන්ට රැගෙන යන අතර සමහර තැරවුකරුවන් ලබාල තරුණියන් පවා ගනිකා වෘත්තිය සදහා යෙදවිමටත් පියවර ගෙන තිබෙන බව වතුකරයේ සමහර පිරිස් පවසනවා.
මෙසේ ගනිකා සේවයේ යොදවන තරුණියන් පිලිබදව නිසි තොරතුරු ලබා දිමට මේ කිසිවෙක් ඉදිරිපත් නොවන්නේ එම තත්වයන් තුලින් ඔවුන්ට විවිධ ප්රිඩාවන්ට විවිධ තර්ජනවලට ලක් වෙන්න වෙයි කියන බයට මෙන්ම ලැජ්ජාවටයි එහෙත් මෙම තත්වයන් ඉදිරියටත් මෙසේ පැවතියහොත් එය වතුකරයේ තවත් විශාල ඛෙදවාචකයක් වෙන්නත් පුලුවන්.
පසු ගිය වර්ෂයේ ඩයගම ඉෂාලනි දැරිය මිය ගියෙත් මේ වසරේ පසු ගිය දිනක පිහිනුම් තටාකයක් සුද්ධ කිරිමට ගොස් මස්කෙළිය මෝකා වතුයායේ රමණි කියන දැරිය මිය ගියෙත් වතු කරය තුල සිදුවන මේ මිනිස් ජවාරම්වල ප්රථිපලයක් ලෙසයි.
එම නිසා මෙම තත්වයන් පිලිබදව දැඩි අවදානයක් යොමු කල යුතුයි අඩු තරමින් මෙසේ වතුකරයේ තරුණ පිරිස මිනිස් ජවාරම් සදහා රැගෙන යන පුද්ගලයන් පිලිබදව හෝ නිසි තොරතුරු රහසිගතව හෝ ලබා දිමට පියවර ගන්නේ නම් ඒ පිලිබදව අපිටද සොයා බලන්න පුලුවන්.
එමෙන්ම පාසල් යායුතු වයසේ දරුවන් පාසල් නොයාම පිලිබදවත් නිසි අවදානයක් යොමු කල යුතුයි එමෙන්ම මේ වතු කරයේ වතු කම්කරුවන්ගේ ජිවන තත්වයන් නගා සිටුවිම සදහා ඔවුන්ගේ ආර්ථිකය වැඩි දියුනු කිරිමටත් යම් සැලසුමක් ක්රියාත්මක කල යුතුයි ඒ සදහා අදාල බලධාරින්ගේ දැඩි අවදානයක් යොමු කිරිමටද පියවර ගත යුතුයි.
මනුර සුදත් සෙල්ලහේවා
