හැටන් රුවන්පුර ශ්රි වීජයමංගලාරාම විහාරාධිපති නුවරඑළිය දිසාවේ උප ප්රධාන සංඝනායක පුජ්ය පන්නගමුවේ දයාවංශ හිමියන්ගේ පැවිදි දිවියට මේ වන විට වසර 50ක් පිරි ඇති බව එම විහාරස්ථානයේ දායක සභාවේ ලේකම් ඩබ්ලිව්. එම්. බංඩාර මහතා පවසයි.
මේ පිලිබදව වැඩි දුරටත් අදහස් දැක්වු බංඩාර මහතා පවසන ලද්දේ 1973 වර්ෂයේදි තිස්සමහරාම දෙබරවැව පට්ටිමහරාම විහාරස්ථානයේදි රුහුණු මහගම් පත්තුවේ ප්රධාන අධිකරණ සංඝනායක පුජ්ය තංගල්ලේ සිරි සුනන්ද නායක හිමියන් යටතේ පැවදි දිවියට එක්වු පුජ්ය පන්නගමුවේ දයාවංශ හිමියන් වටවල ශ්රි බුද්ධාරාම විහාරාධිපති පුජ්ය තංගල්ලේ ඥනානන්ද හිමියන්ගේ අවවාද අනුසාසනා හා ඉල්ලිම මත 1987 වර්ෂයේදි රුවන්පුර ප්රදේශයට වැඩම කල බවත්ය.
කඩිනම් මහවැලි ව්යාපායට කොත්මලේ තම ඉඩම් පරිත්යාග කල පවුල් 109ක් වෙනුවෙන් මෙම රුවන් පුර මහාවැලි ජනපදය ආරම්භ කල බවත් තමන් වෙනුවෙන් එදා වැඩම කල පන්නගමුවේ දයාවංශ හිමියන් කුඩා බුදු මැදුරකින් හා කුඩා ලැලි මඩුවකින් සමන්විත මෙම විහාරස්ථානයේ සිට ඉතාමත් දුෂ්කරතා මෙන්ම දැඩි අසීරුතා මධ්යයේ තම ගම්වැසියන් සදහා විශාල සාසනික සේවාවක් කල බවත්ය.
මහවැලි ජනපද විදුහලේ බුද්ධාම හා ඉංග්රිසි ගුරුවරයකු ලෙසද කටයුතු කල උන්වහාන්සේගේ දැඩි කැපවිම මත හැටන් හා තවත් ප්රදේශවල දානපතියන්ගේ ආධාර උපකාර මත මේ වන විට ත්රිවිධ චෛත්යන්ගෙන් සමන්විත අංග සම්පුර්ණ විහාරස්ථානයක් බවට මෙම පිංබිම පත් කිරිමට දයාවංශ හිමියන් පියවර ගත් බවත් ප්රදේශයේ ජනතාවගේ දියුණුව වෙනුවෙන් නිරන්තරයෙන් කටයුතු කල බවත් එහි ආනිසංස මත පන්නගමුවේ දයාවංශ හිමියන්ට තවත් දිගු කාලයක් තම ප්රදේශවාසින්ට මෙන්ම සාසනයට සේවය කිරිම ශක්තිය ලැබේවායි තමන් ප්රාර්ථනා කරන බවද බන්ඩාර මහතා වැඩි දුරටත් පැවසිය.
මනුර සුදත් සෙල්ලහේවා – හැටන්
