දරුවො කියන්නෙ රටේ අනාගතයයි. යහපත් දරු පරපුරක් ඇතිකර ගත නොහැකිවුනොත් යහපත් සමාජයක්, යහපත් හෙට දවසක් පිළිබද බලාපොරොත්තු තබාගත නොහැකි, යැයි. කාන්තා , ළමා සංවර්ධන , පෙර පාසල්, ප්රාථමික අධ්යාපන, යටිතල පහසුකම් හා අධ්යාපන සේවා රාජ්ය අමාත්ය පියල් නිශාන්ත ද සිල්වා මහතා කීවේය.
රාජ්ය අමාත්ය පියල් නිශාන්ත ද සිල්වා මහතා පිළිගැනිම සදහා පසුගිය 26 දා බේරුවල, මස්සල මං සන්දියේ දි පැවති උත්සවයක් අමතා ඔහු මේ බව කීවේය. අතිගරු ජනාධිපතිතුමා මට ලබාදී තිබෙන්නේ මේ රටේ වැඩිම වගකිමක් තිබෙන අමාත්යාංශයක්. මේක අමාත්යාංශයක් නෙමෙයි, අනාගතය නිර්මාණය කරන යතුරක්.අනාගතය කියන්නෙ අද දවසේ අපේ දරු පරපුරයි.
අද අපේ රටේ අනාරක්ෂිතම පිරිස බවට පත්ව තිබෙන්නෙ දරුවන් බව දිනපතා අපට අසන්නට – දකින්නට ලැබෙන තොරතුරු මගින් හෙළිවෙනවා. දිනකට මගේ අමාත්යාංශයට ලැබෙන ළමා අපචාර, ළමා හිංසන ප්රමාණය ඉතා විශාලයි. මේක හොද තත්වයක් නෙමෙයි. හිංසනයට, පීඩාවට, අපචාරයට ලක්වන දරුවන්ගෙන් බිහිවෙන්නෙ යහපත් සමාජයක් නෙමෙයි. යහපත් සමාජයක් ඇති කිරිමට නම් දරුවන්ට යහපත් ළමා කාලයක් ලබාදියයුතුයි.
පසු ගිය දින කීපයේ මම මේ පිළිබද සොයා බැලුවා. ඇත්තටම මේක සරල නැහැ. මේක එක් අයෙකුට, දෙන්නෙකුට බාර දිල අත පිසදාගන ඉන්න පුළුවන්කමක් නැහැ. මේක සමාජමය වගකිමක්, බරපතල කාරණයක්, පිටතින් බැලුවට වඩා දේවල් අතුලතින් පේනවා. කලයුතු දේවල් රාශියක් තිබෙනවා. ප්රතිපත්තිමය තීන්දු තීරණ පවා ගන්න වේවි.එහෙම තීන්දු අරගන හෝ අති ගරු ජනාධිපති ගෝඨාභය රාජපක්ෂ මැතිතුමා ඉදිරිපත් කල සෞභාග්යදැක්ම යථාර්තයක් බවට පත්කිරිමට කටයුතු කරනවා.
මා පිළිබද අති ගරු ජනාධිපති ගෝඨාභය රාජපක්ෂ මැතිතුමාත්, ගරු අගමැතිතුමාත්, බැසිල් රාජපක්ෂ මැතිතුමා තැබු විශ්වාසය නිසා මේ රට , මේ සමාජය වෙනස් කළ හැකි භාර ධූර වගකිමක් මට ලබාදී තිබෙනවා. එය ඒ ආකාරයෙන්ම ඉටුකිරිමට ඇප කැපවි මගේ උපරිම ශක්තිය යොදවනවා.
මගේ දිස්ත්රික්යේ , මගේ ආසනයේ . මාව විශ්වාස කළ ජනතාවට උපරිමයෙන් මගේ යුතුකම් හා වගකීම් ඉටුකිරිමට පොරොන්දුවෙනවා. අපට දැන් වැඩ කරන, වැඩ කල පලපුරුද්ද තියෙන නායකත්වයක් ලැබි තිබෙනවා. දිස්ත්රික්කයේ ජනතාව සමග මම ඉන්නවා.ගමේ පාර, බෝක්කුව, පාලම හදල දෙන්න දැන් අපට ආණ්ඩුවක් තියෙනවා. වැඩ කරන යුගයක් උදාවෙලා තියෙනවා.
සෝමරත්න පොද්දෙණිය – මීගහතැන්න
