අවිවාහක සිය නැගණිය බලහත්කාරයෙන් රැගෙන යාමට උත්සහ කළ බව කියන ව්යාපාරිකයෙකුට කැත්තකින් පහරදී බරපතල තුවාල සිදුකර ඝාතනය කිරීම සම්බන්ධයෙන් අත්අඩංගුවට ගෙන අධිකරණයට ඉදිරිපත් කළ සැකකාර තරුණයෙකු මේ මස (24දා)දක්වා රක්ෂිත බන්ධනාගාර ගත කරනා ලෙස අනුරාධපුර අතිරේක මහේස්ත්රාත් අතිරේක දිසා විනිසුරු හේමන්ත පුෂ්පකුමාර මහතා නියෝග කළේය.
රක්ෂිත බන්ධනාගාර ගත කෙරුණේ ඇලයාපත්තුව පොලිස් වසමේ ගල්කඩවල ගල්පොත්තේගම ලිපිනයේ පදිංචි ජේ.එම් මහේෂ් දුමින්ද යන අයයි.
කැති ප්රහාරයට ලක්විමෙන් ජීවිතක්ෂයට පත්වි ඇත්තේ සැලොන් හිස කෙයාර් ආයතනයේ හිමිකරුවූ අංක 345/ඒ හයිලෙවල් පාර නාවින්න මහරගම හා අංක 46/46 ෂිපින් ලංකා කුළුණ නවම්මාවත කොළඹ 2 ලිපිනයේ ආයතන පවත්වා ගෙන ගිය ප්රසිද්ධ කොණ්ඩා මෝස්තර නිර්මාන ශිල්පියෙකුවූ මල්ලවආරච්චිගේ පැතුම් නැමත්තායි.
ඝාතනයට ලක්වු ව්යාපාරිකයා පසුගිය (10දා) සවස ඇලයාපත්තුව ගල්පොත්තේගම වෙහෙරගල විහාරස්ථානය හා ගල්පොත්තේගම වැවේ වාන ආසන්නයේ පිහිටි සිරිසේනගේ නිවස ආසන්නයේදි 21 හැවරදි තරුණියගේ වැඩිමහල් සහෝදරයා විසින් එල්ල කළ දරුණු කැති ප්රහාරයට ලක්වි බරපතල තුවාල ලබා ඇලයාපත්තුව රජයේ රෝහලට ප්රතිකාර සදහා රැගෙන යමින් සිටියදි ජීවිතක්ෂයට පත්වි තිබුණි.
සැකකරු අධිකරණයට ඉදිරිපත් කළ ඇලයාපත්තුව පොලිසිය බී-වාර්ථාවක් මගින් අධිකරණයට කියා සිටියේ ඝාතනයට ලක්වු තරුණ ව්යාපාරිකයා මීට සති කිහිපයකට ඉහතදි සැකකරුගේ නැගණිය රැකියාවක් සදහා කොළඹට රැගෙන ගොස් ඇති අතර ඇය කරදර අධික බව කියමින් නැවත නිවසට පළාවිත් තිබෙනා බවයි.
එසේ නිවසට පැමිණි තරුණියව බලහත්කාරයෙන් නැවත කැටුව යාම සදහා ව්යාපාරිකයා තවත් මිතුරන් කිහිප දෙනෙකු සමග නිවසට පැමිණ ඇයව රැගෙන යාමට උත්සහ කළ අවස්ථාවේ ඊට ප්රකෝපවූ සහෝදරයා කැත්තෙන් කොට ව්යාපාරිකයාට බරපතල තුවාල සිදුකර ඇති බවත් කැති ප්රහාරයට ලක්වු තරුණයා නිවස ඉදිරිපිට පිහිටි වැට මතට ඇද වැටි අධික ලෙස රුධිරය වහනයවි මියගොස් ඇති බව පොලිසිය අධිකරණයට දැන්වුවේය.
සැකකාර තරුණයාගේ මව පොලිසියට ප්රකාශක් දෙමින් කියා ඇත්තේ මීට වසර ගණනාවකට ඉහතදි මරණයට පත්වූ පැතුම් නැමත්තා සිය සැමියා සමග ඈගෑළුම් කමක් ඇති කරගෙන නිවසේ කාලයක් වාසය කළ බවයි.
කාත්කවුරුවත් නොමැති ඔහුට සිය නිවසේදි හොදින් සැලකු බවත් පසුව ඔහු කොළඹ ප්රදේශයට ගොස් ව්යාපාරිකයෙකු වි ඇති බව ඇය පොලිසියට පවසා තිබුණාය.සිද්ධියවූ ස්ථානයේ තිබී පොලිසිය ප්රහාරයට යොදාගත් අඩි පහක් පමණ වන මිට සහිත කැත්තක් ලේ සාම්පල ඝාතනයට ලක්වු තරුණයාගේ සපත්තුවක් ඇද සිටි ඇදුම් ඇතුළු නඩු භාණ්ඩ කිහිපයක් පොලිස් බාරයට ගෙන තිබුණි.
සැකකරු රක්ෂිත බන්ධනාගාර ගත කළ විනිසුරුවරයා පශ්චාත් මරණ පරික්ෂණ වාර්ථාව මරණ පරික්ෂණ සාක්ෂි අධිකරණයට ඉදිරිපත් කරනා ලෙස ඇලයාපත්තුව පොලිසියේ ස්ථානාධිපතිවරයාට නියෝග කළේය.
ඝාතනය සම්බන්ධයෙන් තවදුරටත් පරික්ෂණ සිදුකර අධිකරණයට ඉදිරි දිනයේ ප්රගතිය දැක්වෙන වාර්ථාවක් ඉදිරිපත් කරනා ලෙස විනිසුරුවරයා වැඩිදුරටත් පොලිසියට නියෝග කළේය.
උතුරු මැද පළාත භාර ජේෂ්ඨ නියෝජ්ය පොලිස්පති කිත්සිරි ජයලත් මහතාගේ උපදෙස්මත කොට්ඨාශ බාර ජේෂ්ඨ පොලිස් අධිකාරි කීර්ති ලංකා ගීගනගේ මහතාගේ මෙහෙයවීම මත ඇලයාපත්තුව පොලිසියේ අපරාධ විමර්ශන අංශය වැඩිදුර පරික්ෂණ සිදුකරති.
අනුරාධපුර – මහේෂ් විජේසුරිය
