නිදහස් වෙළඳ කලාපයේ ඇතැම් කර්මාන්තශාලා හිමියන් සේවිකාවන් පීඩාවට පත් කරමින් ස්ව කැමැත්තෙන් අස් වී යන තැනට කටයුතු කරමින් සිටින බව වාර්තා වේ.
කොවිඞ් 19 වසංගතය ව්යාප්තිය පාලනය කිරිමට මාර්තු මාසයේදි වසා දැමුණු ලංකාවේ සියලුම කර්මාන්තශාලා, ඇඟලුම්කම්හල් විවෘත වන්නට පටන් ගත්තේ ටිකෙන් ටිකය.
මේ වසා දැමුණු කාලයේ බොහෝ කර්මාන්තශාලා වලින් සේවකයින්ගේ මාසික වැටුප ලබා දිමට ක්රියා කළද ඇතැම් කර්මාන්තශාලා වලින් ලබා දි තිබුණේ නැත.
ඒ ආදායමක් නොමැතිව වැටුප් ගෙවිමට නොහැකි බව පවසමිනි.
මාස ගණනක් එක දිගට වසා දැමුණු මේ කර්මාන්තශාලා විවෘත කිරිමට පටන් ගත්තේම එහි හිමිකරුවන් තමන්ට සිදු වු පාඩු ගැන කථා කරන්නට විය.
මෙහිදි ඇතැම් කර්මාන්තශාලා හිමියන් සේවකයින්ට ස්ව කැමැත්තෙන්ම ඉවත් වීමට ඉඩ දි වන්දි මුදල් ලබා දිමට තීරණය කර තිබුණි. එමෙන්ම වසරකට අඩු සේවා කාලයක් ඇති සේවකයින් ඉවත් කිරිමටද ඇතැම් කම්හල් පියවර ගෙන තිබු අතර මේ පිලිබඳ නිදහස් වෙළඳකලාප වෘත්තිය සමිති විසින් කම්කරු අමාත්යවරයාගේ අවධානය යොමු කිරිමට මෙහිදි පියවර ගනු ලැබුණි.
එහිදි සේවකයින් ඉවත් නොකිරිමට කර්මාන්තශාලා හිමියන් එකඟ වී තිබුණි.
නමුත් මේ වන විට කොන්ත්රාත් පදනම මත සේවයේ යෙදී සිටින වසරක සේවා කාලය අඩු සේවක සේවිකාවන් මෙතෙක් කලක් සේවය කළ අංශ වලින් ඉවත් කර ඔවුන්ට වැඩ කිරිමට අපහසු ස්ථාන වලට යොමු කරමින් සිටින බව වාර්තා වේ. විශේෂයෙන්ම තරුණියන්ට කිරිමට ඉතාමත් අපහසු කාර්යයන් වල යොදවනු ලබන බව පැවසේ.
මෙහිදි එම තරුණියන් අඬමින් තමන්ට වෙනත් අංශයක් ලබා දෙන ලෙස ඉල්ලා සිටින බවත් නමුත් එම මානව සම්පත් අංශ මඟින් එය කිසිදු තැකීමකට ලක් නොකරන බවද පැවසේ.මේ නිසා ඇතැම් සේවිකාවන් විසින් මේ වන විට ඉල්ලා අස්වීමේ ලිපි භාර දෙමින් සිටින බවද නිදහස් වෙළඳකලාප ආරංචි මාර්ග පවසයි. මෙම සේවිකාවන් නවකයින් නිසා මේ වනතුරුත් කිසිදු වෘත්තිය සමිතියක සාමාජිකාවන් නොවන පිරිසක් වීමද විශේෂත්වයකි.
කොන්ත්රාත් පදනම සිටින සේවක සේවිකාවන් සියලු දෙනා මේ වන විට සේවයට කැඳවා ඇති නමුත් වෘත්තිය සමිති වල සාමාජික සාමාජිකාවන් සියලු දෙනාම මේ වනතුරුත් සේවයට කැඳවා නොමැති බවද පැවසෙන අතර කර්මාන්තශාලා හිමියන් මේ සැරසෙන්නේ කොන්ත්රාත් පදනම නිසා රැකියාවෙන් ඉවත් කිරිමට නොහැකි තරුණියන්ට රැකියාව එපා වී ඉවත්ව යන තත්ත්වයට පත් කිරිමටදැයි බොහෝ දෙනා සැක පළ කරයි.
ශානිකා
