අනුබුදු මිහිදු මාහිමිපානන්ගේ ලංකා ගමනය සිහිපත් කෙරෙන පොසොන් උත්සවය වෙනුවෙන් පුරාණ චාරිත්ර වාරිත්ර සමග රතන සූත්රය ලක්ෂවාරයක් සජ්ජායනා කිරීම මෙන්ම වාර්ෂිකව පැවත්වෙන විදුලි ආලේක පූජාව පොසොන් පොහොය දිනයේ සිට සතියක් පුරාවට පැවත්වෙන බව මිහින්තලා රජමහා විහාරාධිපති හා භාරකාර ආචාර්ය පූජ්ය වලවාහැංගුණවැවේ ධම්මරථන නාහිමියන් පැවසූහ.
පවතින වසංගත රෝග අවධානම් තත්වය හමුවේ උත්සව නොපැවත්වුණත් පුරාණ රජ දවසේ සිට පැවති චාරිත්ර වාරිත්ර සියල්ලම ඉටුකරමින් පවතින රෝග බිය වසංගත තත්වය දුරුවේවායි ප්රාර්ථනා කරනා බව නාහිමියන් පැවසුහ.
ලබන මස පැවත්වීමට නියමිත පොසොන් පොහොය දින උත්සව සම්බන්ධයෙන් වැඩිදුරටත් අනුශාෂනාවක් කළ නාහිමියන්.මුළු ලෝකයම කොරෝනා වසංගතයෙන් බියට පත්වෙලා ඉන්නේ.බුදුන්වැඩි සමයේ ඇතිවූ විශාලා මහනුවර තුන් බිය මේ අවස්ථාවේ සිහිවෙනවා.
ලබන මස (20දා) ඉදලා දිවා රෑ නොකඩවා ලක්ෂවාරයක් රථන සූත්රය සජ්ජායනා කරමින් රටට ලෝකයට සෙත් ප්රාර්ථනා කරනවා මේ වසංගතය බුද්ධ බලයෙන් ඉක්මනින් ලොවින් තුරන්වේවා කියලා අපි ප්රාර්ථනා කරනවා.
ඊට අමතරව 1962 වසරේ ඉදලා අඛණ්ඩව සිදුකරනා විදුලි ආලෝක පූජාව පැවත්වෙනවා.මහා සංඝරත්නයේ තිස්නමක සහභාගිත්වයෙන් රථන සූත්රය සජ්ජායනය සිදුකෙරෙනවා.තාම පොසොන් උත්සවය වෙනුවෙන් මොන මොන කටයුතු සිදුකරනවද කියන එක තීරණය කරලා නෑ.
අතිගරු ජනාධිපතිතුමා ගරු අගමැතිතුමා ඇතුළු මැති ඇමතිවරුන් සමග පොසොන් උත්සවය පිළිබදව සාකච්ඡා සිදුකර නෑ.මිහිදු පෙරහැර පවත්වන්නේ නෑ කියන එක දැනට ස්ථිරවම තීරණය කරලා අවසන්.
රතන සූත්ර සජ්ජායනව ඇතුළු කටයුතු සදහා සහභාගිවන පනස් නමක් විෂයලා මහා සංඝරත්නය වෙනුවෙන් අවශ්ය දානය විහාරස්ථානයේදීම සකසනවා.ඒ සදහා මිහින්තලය ප්රාදේශිය මහ ලේකම් කාර්යාලය හා පොලිසිය අවශ්ය කටයුතු කරනවා.මහා සංඝරත්නයට අවශ්ය දානය හා සෙසු දෑ වෙනුවෙන් වියලි ආහාර හා වෙනත් ද්රව්ය පරිත්යාග සිදුකරන්න කැමති අයෙකුට ඒ පිං කටයුත්තට සහ සම්බන්ධවෙන්න පුළුවන්.
මිහින්තලා මහාසෑයේ සහ විහාරස්ථානයේ සෙසු ගොඩනැගිලි සුදු තීන්ත ආලේප කිරීම ආරම්භකර තිබෙනවා.අරලිය සමූහ ව්යාපාරයේ සභාපති ඩඩ්ලි සිරිසේන මහතා ඒ සියළුම කටයුතු වලට මූල්ය දායකත්වය ලබාදෙනවා.
මහ සෑයේ හතරැස් කොටුවට යනකම් තීන්ත ආලේපකර අවසන්.ගුවන් හමුදාපතිතුමාගේ උපදෙස් අනුව අනුරාධපුර ගුවන් හමුදා කදවුරේ නිලධාරින් එම කටයුතු සිදුකරනවා.සෙසු කටයුතු වලට යුදහමුදාව නාවික හමුදාව සිවිල් ආරක්ෂක බලකාය සමග පොලිසිය උදවු උපකාර කරනවා.
පොසොන් උත්සවයේ කටයුතු මොන ආකාරයෙන් සිදුවුනත් රටට ලෝකයට ඇතිවි තිබෙනා රෝග බිය විපතින් ඉක්මනටම සියළු දෙනාට මිදෙන්නට හැකි වේවායි පතමින් ලබන මස 20දා සිට අපි සියළුම දෙනා විහාරස්ථානයේ පමණක් නෙමෙයි සිය නිවසේත් රථන සූත්රය සජ්ජායනා කරමු යැයි නාහිමිපානන් පැවසුහ.
අනුරාධපුර – මහේෂ් විජේසූරිය
