වතුකර ජනතාවගේ ආර්ථික තත්වයන් නගා සිටිමේ අරමුණ මත එම පිරිස් විවිධ ස්වයං රැකියා සදහා යොමු කිරිමට හැටන් සිටික් ආයතනය මගින් පියවර ගෙන ඇත.
ඒ අනුව එම පිරිසට විවිධ ස්වයං රැකියා හදුන්වා දිම පුහුණුව ලබා දිම හා එම ස්වයං රැකියාවන් සදහා අවශ්ය මුල්ය ණය පහසුකම් ලබා දීම හැටන් සිටික් ආතනයේදි 26වන දින සවස සිදු කරන ලදි.
එහිදි හදුන්කුරු, සබන් සැදිම පිලිබදව දිනක පුහුණුවක් ලබා දිමට පියවර ගත් අතර මැහුම් කර්මාන්තය, සත්ව පාලනය, බිම් මල් හා එළුවළු වගාව, කේක් කර්මාන්තය, මෙන්ම පුහුණුව ලබන හදුන් කූරු හා සබන් නිස්පාදනය සදහා එක් අයකුට රුපියල් තිස්පන්දාහාක (35000/=) ණය මුදලක් ලබා දිමටද පියවර ගන්නා ලදි.
මේ පිලිබදව අදහස් දැක්වු හැටන් සිටික් ආයතනයේ නුවරඑළිය දිස්ත්රික් සම්බන්ධිකාරක එස්. නිකලස් මහතා පවසන ලද්දේ වතුකර ජනතාවගේ ආර්ථික තත්වයන් නගා සිටුවිමේ අරමුණ මත මහනුවර කරිටාස් සිටික් ආයතනයේ අධ්යක්ෂ ගරු ඩෙස්මන් පෙරේරා පියතුමන්ගේ උපදෙස් මත හා හැටන් සිටික් ආයතනයේ නුවරඑළිය දිස්ත්රික් අධ්යක්ෂ හැටන් සිරි කුරුෂ දේවස්ථානයේ ප්රධාන පුජක ගරු නියුමන් පිරිස් පියතුමන්ගේ අධික්ෂනය මත මෙම වැඩ සටහන ක්රියාත්මක කරන බවත්ය.
මෙහිදි මෙම ස්වයං රැකියාලාභින් සදහා ලබා දෙන ණය මුදල වසරක කාලයක් තුලදි එම අය ගෙවා නිමකල යුතු බවත් මෙහි ප්රථම අධියර ලෙස ස්වයං රැකියාලාභින් පනස් දෙනකුට ණය ලබා දිමට පියවර ගන්නා බවත් මෙම වැඩ සටහන ඉදිරියේදිද අඛන්ඩව කර ගෙන යන බවත්ය.
මෙම අවස්ථාවට හැටන් සිටික් ආයතනයේ නුවරඑළිය දිස්ත්රික් සම්බන්ධිකාර ඒ. දර්ශණි මහත්මියද එක්ව සිටි අතර හදුන්කූරු හා සබන් හැදිම පිලිබද වැඩ මුළුව ඩයගම මිස්ට්රි ආයතනයේ උපදේශකවරුන් වන රාජ් කුමාර මහතා හා එස්. රමණි මහත්මිය විසින් සිදු කරන ලදි.
මනුර සුදත් සෙල්ලහේවා -හැටන්
