මැණික් පොකුරටත් කොවිඩ් පොකුර බලපායි

manikpokura

අමෙරිකා එක්සත් ජනපදයේ ලොස්ඇන්ජලීස්, ස්විස්ටර්ලන්තයේ ජිනීවා, හොංකොං සහ ඩුබායි වැනි නගරවල ලෝකප්‍රසිද්ධ මැණික් වෙන්දේසි සංවිධානය වුවත් මේවන විට පවතින ගෝලීය වසංගත තත්ත්වය හමුවේ එම වෙන්දේසි සහ මැණික් ප්‍රදර්ශන නොපැවැත්වෙන බව ගෙවුඩ පිිළිස්සීමේ විශේෂඥ පුන්සිරි තෙන්නකෝන් මහතා පවසනවා.

මැණික් ව්‍යාපාරිකයන්ගේ සහ පතල්කරුවන්ගේ සංගමයේ සභාපතිවරයා වන්නේ ද තෙන්නකෝන් මහතා යි.

ඔහු වැඩිදුරටත් පෙන්වා දෙන්නේ ඉහත කී නගරවල මැණික් වෙන්දේසි සහ ප්‍රදර්ශන පැවැතියේ නම්, පසුගිය දා ප්‍රසිද්ධියට පත් මෙරටින් හමු වූ විශාලතම නිල් මැණික් පොකුර ඉතා ඉහළ මිලකට වෙන්දේසි කොට උපරිම මිලක් ලබා ගැනීමට හැකියාව තිබූ බව යි.

කෙසේ වෙතත් මැණික් හා ස්වර්ණාභරණ අධිකාරි ආරංචි මාර්ග පවසා සිටියේ මෙම මැණික් පොකුර චීනයේ පැවැත්වෙන වෙන්දේසියකට ඉදිරිපත් කිරීමේ සූදානමක් පවතින බව යි.

Related posts