කඩුවකින් පහරදි පුද්ගලයෙකු ඝාතනය කර ඔහුගේ ත්රීරෝද රථය ගිනිතබා විනාශ කිරිමේ චෝදනාවට සැකපිට අත්අඩංගුවට ගෙන අධිකරණයට ඉදිරිපත් කළ දෙදරු පියෙකු ලබන මස(3දා)දක්වා රක්ෂිත බන්ධනාගාර ගතකරනා ලෙස අනුරාධපුර ප්රධාන මහේස්ත්රාත් අතිරේක දිසා විනිසුරු නාලක ජයසූරිය මහතා (19දා) නියෝග කළේය.
මෙසේ රක්ෂිත බන්ධනාගාර ගතකෙරුණේ හීනාබෝවාගම හිදෝගම ලිපිනයේ පදිංචි එච්.බී.වීරසූරිය යන සැකකරුයි.ඝාතනයට ලක්වි තිබුණේ හීනාබෝවගම හිදෝගම ලිපිනයේ පදිංචිව සිටි විවාහක 45 හැවරදි රන්දේවයාලගේ මහින්ද නැමත්තායි.
සැකකරු අධිකරණයට ඉදිරිපත් කළ හිදෝගම පොලිසියේ අපරාධ නඩු මෙහෙයුම් අංශය කියා සිටියේ දිගු කළක සිට පවතින අනියම් සම්බන්ධතාවයක් හේතුවෙන් ඝාතනය සිදුව තිබෙනා බවයි.
මරණකරු සැකකරුගේ නිවසට ආසන්නයෙන් පදිංචිව සිටිනා බවත් ඔහු සැකකරුගේ බිරිද සමග කලක සිට අනියම් සබධතාවක් පවත්වා තිබෙනා බවත් ඔහු විටින් විට ඝාතනය සිදුකළ සැකකරු අවඥාවට ලක්කරමින් කටයුතු කිරීම නිසා සැකකරු ඊට දැඩි කෝපයෙන් සිට ඇති බව පොලිසිය සිදුකළ පරික්ෂණ වලදි අනාවරණයවු බව අධිකරණයට දැන්වූවේය.
මරණකරු විසින් සිද්ධියවූ දිනයේ සැකකරුට මම උඹේ ගෑනිව ත්රීවිල් එකේ දාගෙන යනවා යනුවෙන් පවසා තිබෙනා බවත් ඉන්කෝපව සිටි සැකකරු මරණකරු ත්රීරෝද රථයෙන් නිවස දෙසට පැමිණෙමින් සිටියදි රථය නවතා කඩුවකින් අමානුෂික අන්දමින් පහරදි ඇති බව පොලිසිය අධිකරණයට දැන්වූවේය.
සැකකරු මරණකරුට ත්රීරෝද රථය තුලදීම පහරදි ඇති බවත් ඔහු ප්රහාරයෙන් බේරීම සදහා ඉන් ඉවතට පැන දිව යන අවස්ථාවේ බිම ඇදවැටී ඇති බවත් ඒ අවස්ථාවේ සැකකරු පසුපස පන්නාගෙන පැමිණ ඔහුට දරුණු ලෙස කඩු ප්රහාරයන් එල්ලකර තිබෙනා බව පොලිසිය අධිකරණයට දැන්වුවේය.
පසුව ඝාතනය සිදුකළ පුද්ගලයා ත්රීරෝද රථය දෙසට පැමිණි අවස්ථාවේ ඔහුගේ රථයේ රියදුරු අසුනේ බිරිදගේ සායක් තිබෙන අයුරු දැක තවත් කෝපවී නිවසේ තණකොළ කපන මැෂිම ක්රියාත්මක කිරීමට ගෙනවිත් තිබූ පෙට්ට්රල් ඉන්දන බෝතලය රැගෙනවිත් රථයට හලා ත්රීරෝද රථයට ගිණි අවුළුවා විනාශ කර තිබෙනා බව පොලිසිය අධිකරණයට දැන්වූවේය.
නඩු භාණ්ඩ වශයෙන් කඩුවක් සැකකරු ඇද සිටි ලේ තැවරුනු ඇදුම් ඝාතනයට ලක්වු පුද්ගලයාගේ ඇදුම් ගින්නෙන් විනාශවු ත්රීරෝද රථය පොලිස් භාරයට ගෙන තිබෙනා බව පොලිසිය අධිකරණයට දැන්වුවේයෙ.සිද්ධිය සම්බන්ධයෙන් තවදුරටත් පරික්ෂණ සිදුකරනා ලෙස හිදෝගම පොලිසියට නියෝග කළ විනිසුරුවරයා මරණ පරික්ෂණ සාක්ෂි ඉදිරි දිනයේ කැදවන ලෙස පොලිසියට නියෝග කළේය.
එමෙන් ඝාතනයට ලක්වු පුද්ගලයාගේ පශ්චාත් මරණ පරික්ෂණ වාර්ථාව අධිකරණයට ඉදිරිපත් කරනා ලෙස අනුරාධපුර ශික්ෂණ රෝහලේ විශේෂඥ අධිකරණ වෛද්යවරයාට විනිසුරුවරයා විසින් නියෝග කළේය.
ඝාතනයට ලක්වු පුද්ගලයාගේ බිරිද වසර කිහිපයක කාලයක් විදේශතව සිටින බවත් ඔහු එම අවධියේ සිට සැකකරුගේ බිරිද සමග අනියම් සබධතාවය පවත්වා තිබෙනා බව පොලිසිය සිදුකළ පරික්ෂණ වලදි අනාවරණයවි තිබුණි.
හිදෝගම පොලිසියේ ස්ථානාධිපති ප්රධාන පොලිස් පරික්ෂක ඩී.පී.ජේ.එස් කොස්තා මහතාගේ උපදෙස් මත අපරාධ නඩු මෙහෙයුම් අංශය සැකකරු අධිකරණයට ඉදිරිපත් කළේය.
අනුරාධපුර – මහේෂ් විජේසූරිය
