පාදුක්ක පොලිස් වසමේ පුසඇළී මාවත ප්රදේශයේ ළඳු කැලෑවක් තුල රහසිගතව හොර රහසේ පවත්වාගෙන ගිය හොර මත්පැන් නිෂ්පාදනාගාරයක් වටලා එම ස්ථානය පවත්වාගෙන ගිය ප්රධාන සැකකරු සහ හොර මත්පැන් නිෂ්පාදනයට යොදා ගන්නා උපකරණ තොගයක් අත්අඩංගුවට ගැනීමට නුගේගොඩ කොට්ඨාස දූෂණ මර්දන ඒකකයේ නිලධාරීන් සමත්වූ බව පොලිසිය පැවසීය.
ඉතා දීර්ඝ කාලයක් තිස්සේ මෙම ජාවාරම සිදු කර ගෙන ගොස් ඇති බවත් ප්රදේශවාසීන් විසින් කිහිප විටක්ම පොලීසියට මේ පිළිබඳව පැමිණිලි කර ඇතත් පොලිස් නිලධාරීන් එම ස්ථානයට යනවිට එම ස්ථානයේ හොර මත්පැන් නිෂ්පාදනාගාරයක් නැති බවට සනාථ වන අන්දමින් එය පවත්වා ගෙන ගොස් ඇති බවත් පොලීසිය පැවසීය.
නුගේගොඩ දූෂණ මර්දන කොට්ඨාසයේ නිලධාරීන් විසින් උපාය දුතයෙකු යොදවා සිදුකළ පරීක්ෂණයකදී ප්රධාන සැකකරු ඇතුළුව මත්පැන් නිෂ්පාදනාගාරය වැටලීමට හැකි වූ බවද පොලීසිය පවසයි.
මෙම වැටලීමේදී හොර මත්පැන් නිෂ්පාදනයට යොදා ගන්නා ගොඩා මිලිලීටර් පන්ලක්ෂ තිස්දහසක් සහ තඹ දඟරයක්, ගෑස් උදුනක්, ගෑස් සිලින්ඩර්, හොර මත්පැන් ගබඩා කිරීමට යොදා ගන්නා ප්ලාස්ටික් බූලී රාශියක් පොලිස් භාරයට ගත් බව ද පොලීසිය පැවසීය.
අත්අඩංගුවට පත්වූ ප්රධාන සැකකරු ගලගෙදර පාදුක්ක ප්රදේශයේ පදිංචි (52) හැවිරිදි පුද්ගලයෙක් බවත් මෙම ස්ථානයේ නිෂ්පාදනය කරන හොර මත්පැන් පාදුක්ක, වටරැක, මීගොඩ වැනි ප්රදේශයන්හි ගැනුම්කරුවන්ට ලබාදී ඇති බවත් පොලීසිය විසින් සිදුකළ මූලික පරීක්ෂණයේදී අනාවරණයවූ බව ද පොලීසිය පැවසීය.
සිද්ධිය සම්බන්ධයෙන් වැඩිදුර පරීක්ෂණ නුගේගොඩ කොට්ඨාස බාර භාර ජ්යෙෂ්ඨ පොලිස් අධිකාරි නුවන් අසංක නුගේගොඩ කොට්ඨාස දිසා දූෂණ මර්දන මර්දන ඒකකයේ ස්ථානාධිපති ප්රධාන පොලිස් පරීක්ෂක හේවගේ යන මහත්වරුන්ගේ අධීක්ෂණය මත නුගේගොඩ කොට්ඨාස දූෂණ මර්දන ඒකකයේ ස්ථානාධිපති පොලිස් පරීක්ෂක ජන ශාන්ත කහටදෙනිය උපදෙස් හා මෙහෙයවීම මත පොලිස් සැරයන් 54478 වසන්ත, 41127 රුවන්, 66480 ඉන්දික, පොලිස් කොස්තාපල් 71854 ලියනගේ, 12002 අබේධීර යන නිලධාරින් විසින් සිදුකරනු ලබයි.
සමීර අබේසිංහ – බොරලැස්ගමුව
