අධිකරණ නියෝග මත අනුරාධපුර අවන්ති දේවි බාලිකා නිවාසයේ රදවා සිටින දැරියන්ට යෝග ක්රියාකාරකම් හා මනෝඋපදේශන සේවා ලබාදිමට පැමිණ බාලවයස්කාර දැරියන්ට බරපතල ලිංගික අපයෝජනයන් සිදුකළ අමාත්යංශයක සම්බන්ධිකරණ ලේකම්වරයෙකු බව අගවගන්නා පුද්ගලයෙකු අත්අඩංගුවට ගෙන අධිකරණයට ඉදිරිපත් කිරිමෙන් අනතුරුව මේ මස (25දා) දක්වා රක්ෂිත බන්ධනාගාර ගත කරනා ලෙස අනුරාධපුර අතිරේක මහේස්ත්රාත් අතිරේක දිසා විනිසුරු හේමන්ත පුෂ්පකුමාර මහතා නියෝග කළේය.
මෙසේ රක්ෂිත බන්ධනාගාර ගතකෙරුණේ අනුරාධපුර උදය මාවත ලිපිනයේ පදිංචි 45 හැවරදි විවාහක පුද්ගලයෙකි.ඔහු අමතර පන්ති ගුරුවරයෙකු මනෝවිද්යා උපදේශකවරයෙකු අධ්යාපන අමාත්යංශයේ සම්බන්ධිකරණ ලේකම්වරයෙකු ඇතුළු විවිධ තනතුරු නිර්මානය කරගෙන සිටින පුද්ගලයෙකි.
අවන්තිදේවි බාලිකා ළමා නිවාසයේ දරුවන්ට සිදුව තිබෙන බව කියන අකටයුතු කම් සම්බන්ධයෙන් අනුරාධපුර මූලස්ථාන පොලිසිය හා අනුරාධපුර කොට්ඨාශ ළමා හා කාන්තා කාර් යංශය සිදුකළ පරික්ෂන වලින් අනතුරුව සැකකරු අත්අඩංගුවට ගත් බව ළමා හා කාන්තා නඩු මෙහෙයුම් අංශය අධිකරණයට දැන්වූවේය.
ළමා හා කාන්තා පොලිස් නිලධාරින් වන ප්රධාන පොලිස් පරික්ෂිකා නිෂානි දිසානායක පොලිස් පරික්ෂිකා යමුනා කාන්ති යන නිලධාරිනියන් ඇතුළු කණ්ඩායමක් සිදුකළ පරික්ෂන වලදි ළමා නිවාසයේ රදවා සිටින දැරියන් තිදෙනෙකු ලබාදුන් ප්රකාශ වලට අනුව සැකකරු අත්අඩංගුවට ගෙන තිබුණි.
සැකකරු යෝග ව්යායාම මානසික ආතතියට පත්ව සිටින දැරියන්ට මනෝවිද්යා උපදේශන සේවාවන් ලබාදෙන මුවාවෙන් එහි පැමිණ ඔවුන්ට සිදුවූ අතවරයන් පිළිබදව විස්තර අසමින් දැරියන්ව බරපතල ලිංගික අතවරයකට පත්කර තිබෙනා බවත් දැරියන් ඔවුන්ට සිදුවු සිදුවිම් අනාවරණය කරනා අවස්ථාවලදි සේවයේ නියුතු පාලිකාවන් එම කාමරයෙන් ඉවත්කර තිබෙනා බවත් පොලිසිය අධිකරණයට දැන්වූවේය.
එක් බාලවයස්කාර දැරියක විසින් පියාගෙන් සිදුවූ මානසික හා ශාරිරක පීඩා පිළිබදව අනාවරණය කරනා අවස්ථාවේ සැකකරු දැරියව බරපතල අපයෝජනයට ලක්කර තිබෙනා බව පොලිසිය අධිකරණයට දැන්වු අතර සැකකරු විසින් මෙවැනි සිද්ධින් දහයකට පමණ සම්බන්ධවි ඇති බවට සැකකරනා බව පොලිසිය වැඩිදුරටත් අධිකරණයට දන්වා සිටියේය.
ළමා නිවාසයේ දැරියන්ට සිදුවි ඇති බව කියන අකටයුතුකම් සම්බන්ධයෙන් තවදුරටත් පරික්ෂන සිදුකර කරුණු ආනාවරණය කරගෙන ඉදිරි දිනයේ වැඩිදුර වාර්ථාවකින් අධිකරණයට දන්වන ලෙස විනිසුරුවරයා පොලිසියට නියෝග කළේය.
අනුරාධපුර කොට්ඨාශ බාර ජේෂ්ඨ පොලිස් අධිකාරි කීර්ති ලංකා ගීගනගේ මහතාගේ උපදෙස්මත ළමා හා කාන්තා පොලිස් නිලධාරිනියන් වන ප්රධාන පොලිස් පරික්ෂිකා නිෂානි දිසානායක පොලිස් පරික්ෂිකා යමුනා කාන්ති යන මහත්මීන්ගේ උපදෙස්මත පොලිස් සැරියන් දයානන්ද 23163 මහතා අධිකරණයට සැකකරු ඉදිරිපත් කරමින් කරුණු දැක්වීය.
අනුරාධපුර – මහේෂ් විජේසූරිය
