රජසමයේ නිධන් කර ඇති බව කියනා මැණික් මුට්ටියක් ගොඩගැනීමේ අරමුණින් පෞද්ගලික ඉඩමක අක්රමවත් කැනීමක් සිදුකරමින් සිටි පුද්ගලයන් පස් දෙනෙකු අනුරාධපුර කොට්ඨාශ පුරාවිද්යා ආරක්ෂන විශේෂ පොලිස් ඒකකයේ නිලධාරින් විසින් (5දා) සවස අත්අඩංගුවට ගෙන තිබේ.
සැකකරුවන් සන්තකයේ තිබි යතුරු පැදියක් යකඩ ඉනි දෙකක් උදළු තුනක් හා බාල්දියක් පොලිසිය අත්අඩංගුවට ගෙන තිබුණි.සැකකරුවන් නිදන් සෙවු ස්ථානයේ කිසිදු පුරාවිද්යා සාධකයක් පෙනෙන්නට නොපෙනුනත් ඒ ආසන්නයේ පුරාවිද්යා සාධක සහිත රජමහා විහාරස්ථානයක් ඇති බව පොලිසිය පවසයි.
අනුරාධපුර පොලිස්වසමේ සාලියපුර ජයන්ති ග්රාමයේ නිවසක පිටුපස නිදන් සොයා කැනීමක් සිදුකරනා බවට පොලිස් නිලධාරින්ට ලැබුණු තොරතුරකට අනුව වැටලීම සිදුකර නිවෙස් හිමියා මුදල් පොලියට ලබාදෙන ආයතනයක සේවකයෙකු ඇතුළු සැකකරුවන් පස්දෙනෙකු පොලිස් අත්අඩංගුවට ගෙන තිබුණි.
සැකකරුවන් පස්දෙනා දින කිහිපයක සිට අදාල ස්ථානයේ කැනීම් සිදුකර තිබෙනා බවත් නිධානයක් සෙවීමේ අරමුණින් ඔවුන් අක්රමවත් ගැඹුරු කැනීමක් සිදුකර තිබු බව පොලිසිය පවසන පොලිසිය එහි අඩි 27ක් දිග අඩි 14ක් පළල හා අඩි හතක් ගැඹුරට කැනීම සිදුකර තිබූ බව පවසයි.
සැකකරුවන් පස් දෙනා අත්අඩංගුවට ගෙන සිදුකළ ප්රශ්න කිරීම් වලදි එක් එක් සැකකරුවන් විවිධ ප්රකාශ ලබාදුන් බවත් එක් අයෙකු මැණික් මුට්ටියක් ගොඩ ගැනීම සදහා කැනීම සිදුකළ බව පොලිසියට පවසා තිබුණි.
තවත් අයෙකු ළිදක් හාරනා බව පොලිසියට පවසා තිබුණත් ස්ථානයේ කැනීමට අනුව නිධන් සෙවීමටම කැනීම් කර ඇති බව තහවුරු වන්නේ යැයි පොලිසිය පැවසුවේය.අදාල ස්ථානය වටලන විට ඊට සම්බන්ධවි සිටි අයෙකු අනුරාධපුර විජයපුර පිහිටි දෛයිනික ගෙවීමේ පදනමට මුදල් ලබාදෙන ආයතනයක සේවකයෙකු බව තහවුරුවූ බවත් ඔහු රාජකාරිය අතර නිධන් සෙවීමට සම්බන්ධවි ඇති බව පොලිසිය පවසයි.
අත්අඩංගුවටගත් පිරිස අතර වයස අවුරුදු 25/54 පසුවන සාලියපුර පදිංචිකරුවන් තිදෙනෙකු ජයසිරිපුර හා මාතලේ හංදියේ පදිංචිකරුවන් දෙදෙනෙකු සිටිනා බව පොලිසිය පවසයි.ඔවුන් ඊයේ (6දා) අනුරාධපුර ප්රධාන මහේස්ත්රාත් අධිකරණයට ඉදිරිපත් කිරීමට නියමිතව තිබුණි.
අනුරාධපුර කොට්ඨාශ අපරාධ විමර්ශන අංශයේ ස්ථානාධිපති ප්රධාන පොලිස් පරික්ෂක බණ්ඩාර විජේකෝන් පොලිස් පරික්ෂක ඒ.එම්.කේ.පී.ආර් කරුණාරත්න පොලිස් සැරයන්වරුන් වන වීරකෝන් 36446 වැල්ලගිරිය 61274 රළපනාව 24410 ප්රේමතිලක 54390 පොලිස් කොස්තාපල් පෙරේරා 23118 ඇතුළු නිලධාරින් පිරිසක් වැටලීම සිදුකර තිබුණි.
අනුරාධපුර – මහේෂ් විජේසූරිය
