මෙන්න සභාපතිගේ පැටිකිරිය

සමුපකාර නීති රීති හා අනපනත් නොදැන උතුරු මැද පළාත් ආණ්ඩුකාරවරයාට නඩු දමනවා යැයි කියන අනුරාධපුර විවිධ සේවා සමූපාකාර සමිතියේ සභාපතිවරයා රුපියල් ලක්ෂ ගණනක පාපිසි හොරකමක් නිසා මීගමුව අධිකරණයේ විභාගවන නඩුවක විත්තිකරුවෙකු බවත් වංචාකළ මුදල් ගෙවා විත්තිකාරත්වයෙන් නිදහස් වන ලෙස රඹෑව අනුරාධපුරවිවිධ සේවා සමූපාකාර සමිතියන්හි හිටපු සභාපති තිලක් මහේෂ් එදිරිවීර මහතා පැවසුවේය.

රඹෑව විවිධ සේවා සමූපකාර සමිතියේ සහල් සොරකමක් සිදුවු බවට නොදන්නා කථා කියන අවලාද නැගමින් උතුරු මැද පළාත් ආණ්ඩුකාරවරයාට නඩු පවරන බව කියන සභාපතිවරයාට පිළිතුරු සපයමින් හිටපු සභාපතිවරවා සිය නිවසේ මාධ්‍ය හමුවක් පවත්වමින් මේ බව (6දා) පැවසුවේය.

එහිදි වැඩිදුරටත් කථා කළ හිටපු සභාපති තිලක් මහේෂ් එදිරිවීර මහතා.මාධ්‍ය හමුවක් කැදවලා ජාතික පුවත්පත් වලට පට්ටපල් බොරු කියලා මිනිස්සුන්ට මඩ ගහන වර්ථමාන සභාපතිවරයාගේ පැටිකිරිය රටටම කියන්න තමයි මාධ්‍ය හමුවක් කැදවුවේ.බය නැතුව කියනවා යහපාලන සමයේ අධ්‍යක්ෂවරයෙක් වශයෙන් සමිතියට රිංගලා රුපියල් ලක්ෂ දෙකක ණයක් අරගෙන ඒක නොගෙවාම ණය මුදල කල් ඉකුත් වෙලා තියනවා.

මේ සම්බන්ධයෙන් කොමසාරිස්වරයා විසින් පරික්ෂණයක් පවත්වලා ඔහු නුසුදුස්සෙක් බවට පත්කරලා තියනවා.චක්‍ර ලේක වලට පටහැනිව සාමාජිකයන්ගේ මුදල් හා තැන්පතු පෞද්ගලික බැංකුවල තැම්පත් කරලා තියනවා සමුපකාර සංවර්ධන නිලධාරින්ගේ කිසිදු අනුමැතියත් නැතුව.ඒ් මුදල් වලින් කොමිස් අරගෙන ඔහුගේ ගජ මිතුරන් හා සේවකයින් එක්ව සාද පවත්වමින් සමිතියේ මුදල් විනාශ කරනවා.

ඔය අපිට චෝදනා කරන සභාපතිවරයාගේ සහෝදරයෙකු මහ සභා නියෝජිතයෙකු වශයෙන් සිටියදි මේ සමිතියේම ලිපිකරු තනතුරක් ලබාදිලා තියනවා ඒක හරිද?පාපිසි ලබාගෙන ලක්ෂ ගණනක මුදල් වංචා කිරීමක් සම්බන්ධයෙන් මිගමුව අධිකරණයේ නඩුවක් තවම විභාග වනවා.

ඉදිරි නඩු දිනය තියෙන්නේ ලබන මාසේ තුන්වනදා.අධිකරණයෙන් නියම කරපු රුපියල් දහ දාහක මුදල් ඇප හා රුපියල් ලක්ෂ පහක ශරිර ඇපයක් මත ඉදගෙන තමයි මෙයා අනුන්ගේ හාල් ගැන හොයන්නේ.ආණ්ඩුකාරතුමාට නඩු දාන්න හදන්නේ.

ලංකා දණ්ඩ නීති සංග්‍රහයේ 396 වගන්තිය යටතේ සාපරාධි සාවද්‍ය පරිහරණය හා ලංකා දණ්ඩ නීති සංග්‍රහයේ 386 වගන්තියට අනුව සාපරාධි විශ්වාසය කඩකිරීම යන චෝදනාවන් බොරුකාර සභාපතිවරයාට එරෙහි අධිකරණය හමුවේ ගොනුකරලා තියනවා.

රඹෑව විවිධ සේවා සමුපකාර සමිතියේ සහල් විකුණු බවට මට බොරු චෝදනාවක් කරමින් මාධ්‍ය හමුවක් කැදවලා ජාතික පුවත්පත්වල පලකරලා තිබ්බා.ඒකට තමයි මේ උත්තර දෙන්නේ.මාවත් කැදවලාම ඔය චෝදනා ටික කරන්න තිබ්බනේ.

මම 2017 වසරේ රඹෑව සමිතියට යද්දි සමුපකාරය දිස්ත්‍රික්කයේ පහළ මට්ටමක තිබ්බේ.මම රඹෑව සමිතිය හතරවෙනි තැනට ගෙනාවේ හාල් හොරකම් කරලා නෙමෙයි සේවකයන්ගේ හා මගේ දක්ෂතාවයෙන්.දිසාපතිතුමාගේ ලෝක ආහාර වැඩ සටහන යටතේ අඩුආදායම් ලාබීන්ට හාල් බෙදාදීම අප සමිතියෙන් සිදුකළා.

ඔය වෙනකොට පදවිය සමිතියේ හාල් තොගයක් නරක්වෙලා අපේ සමිතියේ ගබඩා කරලා තිබ්බා.ඒවට ගුල්ලෝ ආපු නිසා අනිකුත් ආහාර වලටත් සත්තු බෝවන නිසා පදවිය සමිතියෙ පූර්ණ අනුදැනුම මත විනාශ කිරීමට අවශ්‍ය කටයුතු කළේ සාමාන්‍යාධිකාරිවරයා විසින්.ඒවා සත්ව ආහාර වලට ලබාදුන්නා කියලා සාමාන්‍යාධිකාරිවරයා ප්‍රකාශ කළා.

මම බන්දුසේන ගුණතිලක සභාපතිවරයාට කියන්න කැමතියි බොරු කියන්න ඉස්සර හරියට බොරුව හදාගන්න පුරුදු වෙන්න.සමිතියේ සම්පත් විනාශ නොකර මිනිස්සුන්ට බොරු චෝදනා එල්ල නොකර අයින්වෙලා යන්න.

ආණ්ඩුකාරතුමාට  විරුද්දව නඩු දාන්න කලින් ඔබතුමාගේ පාපිසි නඩුවෙන් නිදහස් වෙන්න කියලා මම කියනවා.ඉක්මනින් ඒ වංචා කරපු මුදල් අදාල පාර්ශවයට ගෙවන්න අවසථාව ලැබේවා කියලා ප්‍රාර්ථනා කරනවා.

තව තව දේවල් අපි සතුව තියෙනවා ඒ නිසා ඒවා රටට එළිකර ගන්නේ නැතුව නිහඩව තනතුරෙන් අයින්වෙලා යන්න කියලා මම කරුණාවෙන් ඉල්ලා සිටිනවා යනුවෙන් ඒ මහතා පැවසුවේය.

අනුරාධපුර – මහේෂ් විජේසූරිය

Related posts