අනුරාධපුර ශික්ෂන රෝහලේ සේවයේ නිරතවෙමින් හෙරොයින් ජාවාරමේ නිරතවු කණිෂ්ඨ කාර්ය මණ්ඩල සේවකයින් දෙදෙනෙකු කොළඹ සිට ගුද මාර්ගයේ සගවාගෙන හෙරොයින් ග්රෑම් නමයකට ආසන්න ප්රමාණයක් අනුරාධපුර නගරයට රැගෙන එමින් සිටියදි අත්අඩංගුවට ගෙන අධිකරණයට ඉදිරිපත් කිරිමෙන් අනතුරුව මේ මස (30දා) දක්වා රක්ෂිත බන්ධනාගාර ගතකරනා ලෙස අනුරාධපුර වැඩබලන මහේස්ත්රාත් ආකාශ් නදී කුරේරා මහත්මිය නියෝග කළාය.
මෙසේ රක්ෂිත බන්ධනාගාර ගතකෙරුණේ අනුරාධපුර ශික්ෂන රෝහලේ සේවයේ නියුතු ගිලන් රථ රියදුරෙකු වන පොලොන්නරුව පරාක්රමසමුද්රය ලිපිනයේ පදිංචි 27 හැවරදි අමිත් සමීර කුමාර හා කොවිඩ් 19 රෝග නිවාරන ඒකකයේ සේවයේ නියුතු කණිෂ්ඨ කාර්ය මණ්ඩල සේවක තල්පොත පොලොන්නරුව ලිපිනයේ පදිංචි සිසිල් ප්රසන්න යන සැකකරුවන්ය.
සැකකරුවන් දෙදෙනා අධිකරණයට ඉදිරිපත් කළ අනුරාධපුර කොට්ඨාශ අපරාධ විමර්ශන ඒකකයේ නඩු මෙහෙයුම් අංශය කියා සිටියේ සැකකරුවන් දෙදෙනා කොළඹ සිට යාපනය දක්වා ධාවනය වන නගරාන්තර සීඝ්රගාමි දුම්රියෙන් අනුරාධපුර නගරයට පැමිණි අවස්ථාවේ අත්අඩංගුවට ගත් බවත් පසුව ඔවුන් පරික්ෂා කළ අවස්ථාවේ හෙරොයින් ගුලි ගුද මාර්ගයේ සගවාගෙන සිටියදි හමුවු බවයි.
සැකකරුවන් දෙදෙනාම කලක සිට හෙරොයින් අලවිකිරිමේ ජාවාරමක නිරතවි සිටිනා බවත් ඔවුන් කොළඹ ප්රදේශයට ගොස් ඉතා රහසිගතව හෙරොයින් රැගෙනවිත් අනුරාධපුර ශික්ෂන රෝහලේ සේවයේ නියුතු මතට ඇබ්බැහිවුවන්ට හා වෙනත් පිටස්තර පුද්ගලයන්ට මත්කුඩු අලවිකර තිබෙනා බව පොලිසිය අධිකරණයට දැන්වූවේය.
මෙම ජාවාරම්කරුවන් දෙදෙනා සමග අනුරාධපුර රෝහලේ ආපන ශාලාවේ සේවකයෙකුත් කිට්ටු සබධතා පවත්මින් ජාවාරමට මුදල් යොදවනා බව පොලිසිය සිදුකළ පරික්ෂණ වලදි අනාවරණය කරගෙන තිබුණි.
සැකකාර ගිලන්රථ රියදුරා සන්තකයේ තිබි හෙරොයින් ග්රෑම් හයයි මිලිග්රෑම් 540ක් හා මෙත්සිරි සෙවන කොවිඩ් ප්රතිකාර මධ්යස්ථානයේ සේවයේ නියුතු සේවකයා සන්තකයේ තිබි හෙරොයින් ග්රෑම් දෙකයි මිලිග්රෑම් 250ක් තිබු බව පොලිසිය අධිකරණයට වැඩිදුරටත් දැන්වුවේය.
අනුරාධපුර කොට්ඨාශ අපරාධ විමර්ශන අංශයේ ස්ථානාධිපති ප්රධාන පොලිස් පරික්ෂක බණ්ඩාර විජේකෝන් මහතාගේ උපදෙස්මත පොලිස් පරික්ෂක රත්නායක පොලිස් සැරයන්වරුන් වන බණ්ඩාර 48317 රාජරත්න 61934 ඉලංගසිංහ 68492 හා කාන්තා පොලිස් කොස්තාපල් අමිතා 7215 යන නිලධාරින් සැකකාරිය අත්අඩංගුවට ගෙන අධිකරණයට ඉදිරිපත් කර තිබුණි.
අනුරාධපුර – මහේෂ් විජේසූරිය
