වැරදුනු මංකොල්ලය

බැංකු ඒ.ටී.එම් යන්ත්‍ර සදහා මුදල් ප්‍රවාහනය කරන පෞද්ගලික සමාගමක ආරක්ෂක අංශ නිලධාරින්ට මිරිස් කුඩු ප්‍රහාරයක් එල්ලකර රුපියල් ලක්ෂ 120ක ටෙලර් යන්ත්‍ර සේප්පුවක් කොල්ලකෑමට උත්සහ කළ නාදුනණ කොල්ලකරුවන් දෙදෙනෙකු සමග ඇතිවූ වෙඩි හුවමාරුවකින් (6දා)උදෑසන ආරක්ෂක අංශ නිලධාරියෙකු තුවාල ලබා අනුරාධපුර ශික්ෂන රෝහලට ඇතුලත් කළ බව අනුරාධපුර මූලස්ථාන පොලිසියේ අපරාධ විමර්ශන අංශය පවසයි.

වෙඩි හුවමාරුවෙන් ආරක්ෂක නිලධාරියෙකු තුවාල ලබා තිබෙන අතර ආරක්ෂක නිලධාරින්ගේ දක්ෂතාවය නිසා කොල්ලය වැරදුනු කොල්ලකරුවන් යතුරු පැදියෙ නැගී පලාගොස් තිබේ.ආරක්ෂක නිලධාරින්ගේ ප්‍රහාරයෙන් කොල්ලකරුවෙකුත් තුවාල ලබා ඇති බවට සැකමතුවි තිබෙනා බව පරික්ෂණ සිදුකරන පොලිසිය පවසයි.

අනුරාධපුර නව නගරයේ සිවුවන පටුමගේ පිහිටි සම්පත් බැංකු ශාඛාවේ ස්වයංක්‍රීය ටෙලර් යන්ත්‍රයට මුදල් තැම්පත් කිරීමට පැමිණි පෞද්ගලික ආරක්ෂක නිලධාරින් හා කොල්ලකරුවන් අතර වෙඩි හුවමාරුව සිදුවි තිබේ.

ඊයේ (6දා) උදෑසන 6.30ට පමණ සිද්ධිය සිදුව තිබෙන අතර ආරක්ෂක අංශ නිලධාරින් අර්ධ ස්වයංක්‍රීය ගිනි අවි සමග අදාල බැංකුවේ ඉදිරිපිට  වෑන් රථය නවතා යන්ත්‍රයේ කුටියට මුදල්  තැම්පත් කිරීමට සූදානම් වද්දි කොල්ලකරුවෙකි එහි පැමිණ ආරක්ෂක නිලධාරියා අතවූ කුඩා සේප්පුව පැහැර ගැනීමට පොරබදා තිබේ.

පසුව ඔවුන්ගේ මුහුණට මිරිස් කුඩු ප්‍රහාරයක් එල්ලකර ඇති අතර වහාම ක්‍රියාත්මකවු ආරක්ෂක අංශ නිලධාරියෙකු විසින් ඔහු අතවූ රිපීටර් වර්ගයේ අවියෙන් යතුරු පැදියෙන් පලායෑමට උත්සහ කළ කොල්ලකරුවන් දෙසට වෙඩි ප්‍රහාර දෙකක් එල්ලකර තිබේ.

ඒ අවස්ථාවේ කොල්කරුත් ඔහු අතවූ පිස්තෝලයකින් ආරක්ෂක අංශ නිලධාරින් දෙසට වෙඩිතබා පලාගොස් තිබෙනා අතර කොල්ලයට පැමිණි සැකකරුවන් මුහුණු අවරණය වන පරිදි ආරක්ෂිත හිස් වැසුම් පලදාගෙන සිට ඇති බව පොලිසිය පවසයි.

සැකකරුවන් පැමිණ නැවත පලායන අයුරු පරික්ෂණ සිදුකරන පොලිසිය අනුරාධපුර නව නගරයේ ඇති ආරක්ෂිත කැමරා කිහිපයකින්ම නිරික්ෂණය කර තිබෙනා අතර ඔවුන් අත්අඩංගුවට ගැනීම සදහා පුළුල් විමර්ශනයක් අරඹා තිබේ.

පලාගිය කොල්කරුවෙකුට එල්ල කළ වෙඩි ප්‍රහාරයෙන් තුවාල සිදුවන්නට ඇති බවට පෞද්ගලික ආරක්ෂක අංශ නිලධාරින් තහවුරු කරයි.සිද්ධිය සම්බන්ධයෙන් අනුරාධපුර ප්‍රධන මහේස්ත්‍රාත් අධිකරණයට කරුණු ඉදිරිපත් කිරීමෙන් අනතුරුව මහේස්ත්‍රාත්වරයා එහි පැමිණ ස්ථානිය පරික්ෂණයක් සිදුකර සැකකරුවන් අත්අඩංගුවට ගන්නා ලෙස පොලිසියට නියෝග කළේය.

උතුරු මැද පළාත භාර ජේෂ්ඨ නියෝජ්‍ය පොලිස්පති නන්දන මුණසිංහ අනුරාධපුර කොට්ඨාශ භාර පොලිස් අධිකාරි කීර්ති ලංකා ගීගනගේ යන මහත්වරුන්ගේ උපදෙස්වත අනුරාධපුර මූලස්ථාන පොලිසියේ ස්ථානාධිපති ප්‍රධාන පොලිස් පරික්ෂක ඊ.එම් සංජීව මහනාම මහතාගේ මෙහෙයවීමෙන් අපරාධ විමර්ශන අංශයේ ස්ථානාධිපති පොලිස් පරික්ෂක ජී විදානගමගේ ඇතුළු අපරාධ ස්ථානාගාරයේ නිලධාරින් පරික්ෂණ සිදුකරති.

අනුරාධපුර – මහේෂ් විජේසූරිය

Related posts