කළාප අධ්‍යාපන කාර්යාලයෙන් යූ-ටියුබ් නාලිකාවක්

කොවිඩ් 19 වසංගත ව්‍යාප්තියත් සමග වසාදමා ඇති රජයේ පාසල්වල අධ්‍යාපනය ලබන සිසු දරුවන්ට නිවසේ සිට පහසුවෙන් අධ්‍යාපනය හැදෑරීම සදහා අනුරාධපුර කළාප අධ්‍යාපන කාර්යාලයෙන් යූ-ටියුබ් නාලිකාවක් ආරම්භ කර තිබේ.

අනුරාධපුර කළාප අධ්‍යාපන අධ්‍යක්ෂිකා මහේෂා මංජරිකා හෙට්ටිආරච්චි මහත්මියගේ සංකල්පයකට අනුව සත්සල් ටීවි නාලිකාව ආරම්භවි ඇති අතර නාලිකාව නරඹමින් විශාල සිසුන් පිරිසක් අධ්‍යාපන කටයුතු සිදුකර තිබෙනා බව අධ්‍යාපන කාර්යාලය සදහන් කළේය.

හයවන ශ්‍රේණියේ සිට 11වන ශ්‍රේණිය දක්වා සිසුන්ට සත්සල් ටීවි නාලිකාව ඔස්සේ ඉංග්‍රීසි සිංහල ගණිතය විද්‍යාව හා ඉතිහාසය විෂය හැදෑරිමට අවස්ථාව උදාකරදි තිබේ.සංවර්ධන අධ්‍යක්ෂිකා තනූජා වක්කුඹුර විෂය අධ්‍යක්ෂවරුන් වන සේපාලිද සිල්වා ධනෝද්‍යා ඒකනායක චමින්ද ජයවීර හා ගල්ලෑල්ලේගම ධම්මසීහ යන අධික්ෂණය යටතේ සියළුම විෂයන් විකාශය කිරීම සිදුවෙමින් පවති.

තාක්ෂණික සහය ලබාදෙමින් ජානක සෝමරත්න මහින්ද මෙත්තසේන අර්චන කුමාර යන ගුරු මහතුන් විසින් යූ-ටියුබ් නාලිකාව නිර්මානය කර සිසුන්ට අවශය දැනුම ලබාදීමට පියවර ගෙන තිබේ.මේ සම්බන්ධයෙන් අනුරාධපුර කළාප අධ්‍යාපන අධ්‍යක්ෂිකා මහේෂා මංජරිකා හෙට්ටිආරච්චි මහත්මියගෙන් කළ විමසීමකදි ඇය මෙසේ පැවසුවාය.

කොව්ඩි අර්බුදයත් එක්ක දරුවෝ දහස් ගණනකගේ මූලික අවශ්‍යතාවක් වන අධ්‍යාපනය සම්පූර්ණයෙන්ම අඩාලවිමේ අවධානමක් ඇතිවෙලා තියනවා.ඒ කට අවශ්‍ය පිලියමක් වශයෙන් තමයි සත්සල් ටීවි යූ-ටියුබ් නාලිකාව ආරම්භ කළේ.අපි දින ගණනාවක් තිස්සේ නිදිවරාගෙන වැඩකරලා තමයි මේ නාලිකාවේ වැඩ ආරම්භ කළේ.

විෂය අධ්‍යක්ෂවරුන් ගුරුවරුන් කිහිප දෙනෙකුම තමන්ගේ කාලය පෞද්ගලික මුදල් වියදම් කරමින් තමයි දරුවන්ට දැනුම ලබාදිමේ නාලිකාව ආරම්භ කරේ දින තුනයි සෑම පන්තියකම සෑම විෂයක්ම පාසල් දරුවෝ 2000කට අධික පිරිසක් නරඹලා අධ්‍යාපන කටයුතු කරලා තියනවා.

මේ අවස්ථාවේ මට මඩ ප්‍රහාරත් එල්ල වෙනවා නමුත් කිසිම ප්‍රශ්නයක් නෑ.දරුවන් වෙනුවෙන් වැඩක් කරලා මඩ නෑවට කමක් නෑ.අන්තර් ජාලය එක්ක කටයුතු කරද්දි විවිධ විවිධ ප්‍රශ්න වලට මුහුණ දෙන්න වෙනවා නමුත් දෙමාපියනුත් දරුවන්ගේ කටයුතු සම්බන්ධයෙන් අධීක්ෂණය කරාම කිසිම ගැටළුවක් එන්නේ නෑ.

යූ ටියුබ් නෙමෙයි සූම් තාක්ෂණය ඔස්සේ වැඩකරද්දිත් ප්‍රශ්න එනවා.දරුවන් දහස් ගණනකට එකවර උගන්වන්න සූම් තාක්ෂණය මිලදි ගන්න මූල්‍යම හැකියාවක් නැති නිසා මේ කටයුත්තට ඇත ගැසුවා යැයි අධ්‍යක්ෂවරිය පැවසුවාය.

අනුරාධපුර – මහේෂ් විජේසූරිය

Related posts