නිදහස ලබා වසර 73ක් සපිරෙන මෙම අවුරුද්දේ මහා සංඝරත්නය ලෙස අනාගත පරපුරට දිය හැකි එකම ආදර්ශය ‘බැහැ කියන වචනය ශබ්දකොෂයෙන් අයින් කර ගෙන මට පුළුවන් අපිට පුළුවන්.
මෙය අපේ රට අපි දිනන රට හැටියට වැඩ කරන්න හිතට ගන්න රටට මහා පොළොවට ආදරය කරන්න පුරුදු වෙන්න’ යැයි රාමඤ්ඤ මහා නිකායේ දිසා පාලක උඩුනුවර ශාසනාරක්ෂණ බල මණ්ඩලයේ ලේඛාධිකාරි කරමඩ ශ්රී සද්ධාතිස්ස පිරිවෙන් පරිවේණාධිපති ගලහා සිරි ශාන්ත නායක හිමි පැවසූහ.
නායක හිමි එසේ පැවසුවේ කරමඩ ශ්රී සද්ධාතිස්ස පිරිවන අනුබද්ධ ජනපුබුදු පෙරපාසල හා සුචරිත වර්ධන දහාම්පාසල සංවිධානය කර පැළ සිටවීම හා කතික තරග හා උඩඅළුදෙණියේ අරුණැල්ල කාන්තා ගොවි සංවිධානයේ පැළ බෙදා දීමේ උත්සවයේ අනුශාසනාව පවත්මිනි. වැඩිදුරටත් අදහස් දක්වමින් උන්වහන්සේ කියා සිටියේ,
‘2009 රටේ යුද්ධය නිම වූ පසු මහින්ද රාජපක්ෂ මහතා අප රටට ආවේ පොළොව සිපගනිමින්. එයා අම්මට තාත්තට වඳින්න ගියේ නැහැ. මහ පොළොව මාතෘ භූමියට ගරු කරන්න දැන් අලුත් නීතියක් පවා තියෙනවා. මාර්ගයේ කෙළ ගසන්න බැහැ කියලා.
එහෙම තහනම් කරන්නේ රටට ජාතියට දරුවන්ට ආදරය වෙනුවෙන්. අනෙක් කාරණය තමයි ගහට කොළට ආදරය කළ යුතුයි. සෝමාවති අභය භූමිය තුළ ගස් 300ක් කපා විනාශ කරලා තියෙනවා. එය මිනිස් ජීවිත 300ක් විනාශ කලා වාගේ දැනෙන්නේ.
අපිට මේ රට දිනන්න පුළුවන් වෙන්නේ අපේ මුතුන් මිතන් කියන පරිදි ගෙවත්තේ පුංචි කාලේ ඉඳලම කැත්ත උදැල්ල හුරු කරගතතොත් විතරයි. පෘතුගිසීන්, ලන්දේසීන්, ඉංග්රිසීන් අපට රට භාර දී 1948දී යන විට අපි ජපානයට බුරුමයට ඇමෙරිකවට වැනි රටවල්වලට පවා ණය දුන්නා. අපි බුරුමය ආක්රමණය කළා.
නමුත් වසර 73ක් වන විට අප රටේ කෝටි ප්රකෝටි ගණනක ණය උගුලකට යටවෙලා තමයි ඉතුරු වුණේ. ඒක සිංහල ජාතියට නිගාවක් වුණා.
එවනි තරුණ පිරසක් අද කඳුරට ජාතික සවිබල පදනම ලෙස පදනමක් පිහිටුවාගෙන ළදරු පාසලට පොත් පැන්සල් ලබා දුන්නා. ඒ වාගේම මෙම පදනමේ පර්මාර්ථය වෙන්නේ කැලේට ගිය ඉඩම්වල වැනිලා හා සුළු අපනයන භෝග වගා කර ජනතාවට හඳුන්වාදී ජනතාව නඟා සිටු වීමයි. එයට සංඝරත්නය ආශිර්වාදය නිරන්තරයෙන් ලැබෙනවා. ඒ වගේම නිලධාරීන්ගේ අවධානය ලැබිය යුතුයිමයි.
මෙම අවස්ථාවට උඩුනුවර ආසන සංවිධායක මහාචාර්ය රංජිත් බණ්ඩාර මහතා කඳුරට ජාතික සවිබල පදනමේ සභාපති ගුප්ත විද්යා සංගිත විශාරද හිටපු ආචර්ය ජගත් කුමාර යාපා, එම පදනමේ ප්රචාරක ලේකම් හෙළ රණවිරු බලමුළුවේ ගම්පොළ ආසන සංවිධායක ආනන්ද විජේසුන්දර, ජන පුබුදු පෙර පාසලේ ප්රධාන ආචර්ය ශාමලි රත්නායක, සුචරිත වර්ධන දහාමි පාසලේ ගුරු මඩුල්ල හා පෙතියාගොඩ ගොවිජන සේවා මධ්යස්ථානයේ කෘෂිකර්ම සංවර්ධන නිලධාරි සී.එස්. නාගහපිටිය මහතා සමඟ කෘෂිකර්ම උපදේශකවරු, උඩ අළුදෙඅණිය ග්රාම නිලධාරීවරිය, අරුණල්ල කාන්තාගොවි සංවිධානයේ නිලධාරිවරු ඇතළු මහත්ම මහත්මීහු සහාභාගි වී සිටියහ.
