එප්පාවල පිහිටි දේවාලයකින් බව පැවසු මැණික් තොගය කැනිමක් සිදුකර ගොඩට ගෙන එහි වස් ඇරීම සදහා සූදානම් වෙමින් සිටි අවස්ථාවේ සිදුකළ වැටලිමකින් මිල කළ නොහැකි බව කියන නිල් මැණික් කැබලි හතක් සමග යුදහමුදා විශ්රාමික කෝප්රල්වරයෙකු ඇතුළු පස්දෙනෙකු අනුරාධපුර කොට්ඨාශ පුරාවිද්යා ආරක්ෂන විශේෂ පොලිස් ඒකකයේ නිලධාරින් අද(18දා) අළුයම සැකපිට අත්අඩංගුවට ගෙන තිබේ.
අනුරාධපුර කොට්ඨාශ බාර ජේෂ්ඨ පොලිස් අධිකාරි කේ.එල් ගීගනගේ මහතාට ලැබුණු තොරතුරකට අනුව කැකිරාව තලාව පාර සදගල්පාය ප්රදේශයේ සිදුකළ වැටලිමෙන් මැණික් ගොඩගත් ඉඩම පිහිටි නිවසේ හිමිකරු බව කියන විශ්රාමික විදුලි බල මණ්ඩල සේවකයෙකු වන ව්යපාරියෙකු ඇතුළු පස්දෙනා අත්අඩංගුවට ගෙන තිබුණි.
ඔවුන් සන්තකයේ තිබි තද නිල් පැහැයෙන් යුතුවූ විවිධ බර ප්රමාණයන් වලින් යුතු මැණික් කැබැලි බවට සැකකරනා ගල් කැබලි හයක් හා සුදු පැහැති මැණික් බව කියන ගල් කැබල්ලක් අත්අඩංගුවට ගෙන තිබුණි.
එම මැණික් ගල් බව කියන ගල් තොගයේ මුළු බර ග්රෑම් 50කට වඩා අධික බව පොලිසිය පවසයි.නිවසේ හිමිකරු වන 62 හැවරදි පුද්ගලයා 36 හැවරදි කට්ටඩියා ඔහු කැදවාගත් 25 හැවරදි කාන්තාවක 45 හැවරදි යුද හමුදා විශ්රාමික කෝප්රල්වරයෙකු හා 36 හැවරදි පුද්ගලයෙකු පොලිසිය අත්අඩංගුවට පත්වි තිබුණු අතර ඔවුන් කැකිරාව රත්නපුර ගල්ගමුව රාජංගනය හා මහනුවර පදිංචිකරුවන්ය.
නිවසේ හිමිකරු එප්පාවල ප්රදේශයේ පිහිටි දේවාලකයට ගිය අවස්ථාවේ නිවස පිහිටි බිමේ විශාල වස්තුවක් තිබෙනා බවත් එය ගොඩ ගන්නා ලෙස කළ දැන්වීමට වසරක පමණ කාලයක සිට අක්රමවත් ලෙස ළිදක් කපනා මුවාවෙන් කැනීම සිදුකර තිබෙන බව වැටලීම සිදුකළ පොලිසිය පවසයි.
සැකකරු අඩි 22ක් දිග අඩි 15ක් පළල හා අඩි 14ක් ගැඹුර කැනීමක් සිදුකර මැණික් තොගය ගෙඩ ගෙන තිබෙනා බවත් කාන්තාව විසින් අදුණ බැලීමට කැදවාගෙන පැමිණි කට්ටඩියා මැණික් තිබෙනා ස්ථානය අදුනෙන් නිවැරදිව පෙන්වා ඇති බව පොලිසිය කියයි.මැණික් ගොඩට ගෙන ඒවයේ වස් ඇරීමට සූදානම් වන අවස්ථාවේ පොලිස් නිලධාරින් වැටලීම සිදුකර සැකකරුවන් අත්අඩංගුවට ගෙන තිබේ.
මැණික් සෙවු ස්ථානයේ අඩි දහක පමණ ගැඹුරට ජලය තිබූ බවත් කැනීම් සදහා යොදාගත් උදළු දෙකක් යකඩ ඉන්නක් වතුර මෝටර් එකක් පයිප්ප බට වයර් බොලොක්ක බහිරව රූප කැපූ ලෙලි පොල්ගෙඩි දෙකක් පොලිසිය අත්අඩංගුවට ගෙන තිබුණි.අත්අඩංගුවට ගත් කපුවා පොලිසියට පවසා ඇත්තේ මැණික් තොගයේ වටිනාකම රුපියල් ලක්ෂ දෙදහසක් (කෝටි 200ක්)පමණ බවයි.
අත්අඩංගුවටගත් සැකකරුවන් පස් දෙනා අද (18දා) කැකිරාව දිසා මහේස්ත්රාත් අධිකරණයට ඉදිරිපත් කිරීමට නියමිතව තිබුණි.
අනුරාධපුර මධ්යම විශේෂ – බී.එම්.විජේසුරිය
