අධ්යාපන පොදු සහතික පත්ර සාමන්ය පෙළ විභාගය පැවත්වෙමින් තිබියදි එහි සේවයේ නිරතවු ඇතැම් ගුරුවරුන් විභාග ශාලා තුළ ජංගම දුරකථන ඔස්සේ විවිධ ක්රියාකාරකම් සිදුකළ බවට විභාග අධීක්ෂණ නිලධාරින්ට පැමිණිලි ලැබි තිබේ.
අනුරාධපුර පිහිටි විභාග මධ්යස්ථාන කිහිපයක සේවයේ නියුතු ගුරුවර ගුරුවරියන් විභාග නිරික්ෂණ කටයුතු පසෙක දමා සිය ජංගම දුරකථන වල අන්තර්ජාලය භාවිතා කරමින් විවිධ ක්රියාකාරකම් වල නිරතවන බවට විභාග නිරික්ෂකයන්ට පැමිණිලි ලැබි තිබෙනා අතර එම පැමිණිලි වලට අනුව නිලධාරින් කණ්ඩායමක් හදිසි වැටලීමක් සිදුකර තිබෙන බවද අනාවරණය විය.
එම නිලධාරින් අදාල සිදුවිම් පිළිබදව විභාග මධ්යස්ථානවල තබා ඇති ලොග් පොත් වල සටහන් යොදා අවවාද නිකුත් කර තිබෙනා බවත් අනාවරණය විය.අනුරාධපුර නගරයේ පැවති විභාග මධ්යස්ථාන කිහිපයක මෙම සිදුවීම සිදුවි ඇති අතර තවත් විභාග මධ්යස්ථානයක විභාග ශාලාධිපතිවරයාට ඒ පිළිබදව දැනගන්නට ලැබී සේවයේ නිරතවු ගුරුවර ගුරුවරියන්ගේ ජංගම දුරකථන සියල්ල එක්කාසු කර විභාගය අවසන් වනතුරු මල්ලක බහා තැබීමට පියවර ගත් බව විභාග රාජකාරියේ නිරතවූ ගුරුවරයෙකු අනාවරණය කළහ.
ගුරුවරුන් පැය ගණනින් ජංගම දුරකථන වල අන්තර්ජාලය භාවිතා කරමින් විවිධ ක්රියාකාරකම් වල නිරතවීම නිසා විභාගය ලිවිමේ කටයුතු වල නිරතවූ ඇතැම් සිසු සිසුවියන්ට කොපි කිරිමේ අවස්ථාව උදාවු බවත් තවත් සිසු සිසුවියන්ගේ ප්රශ්න පත්ර ගැටළු වලට ගුරුවරුන්ගෙන් ලැබිය යුතු සහය නොලැබුණු බවට විභාග අපේක්ෂකයන් දෙමාපියන්ට පවසා තිබේ.
මේ සම්බන්ධයෙන් දෙමාපියන් පිරිසක් උතුරු මැද පළාතේ අධ්යාපන බලධාරින්ට දුරකථනයෙන් පැමිණිලි කර තිබෙන බව අනාවරණය විය.ඇතැම් ගුරුවරුන් සිය ජංගම දුරකථන විභාග ශාලව තුළ භාවිතා කරමින් අන්තර් ජාලය ඔස්සේ මල් කැඩූ බවට සාමාන්ය පෙළ සිසුන් පිරිසක් චෝදනා කළ අතර ඔවුන්ට අවශ්ය කිසිදු සහයක් නොලැබුණු බව ඔවුන් කීහ.
ඇතැම් ගුරුවරුන් අඩි සහිත පාවහන් පලදා විභාග මධ්යස්ථානයේ එහා මෙහා යාම නිසා සිය මානසික ඒකාග්රතාවට බලපෑම් එල්ලවු බවටත් සිසු සිසුවියන් පිරිසක් චෝදනා එල්ල කළහ.
මෙවැනි චෝදනාවක් ගුරුවරුන් පිරිසකට එල්ලවි ඇති බවට ලංකා ගුරු සංගමයේ සභාපති එස් ප්රියන්ත ප්රනාන්දු මහතා ගෙන් කළ විමසිමකදි තහවුරු කළ අතර ඇතැම් චෝදනා පදනම් විරහිතව සිසුන් එල්ල කරනා චෝදනා බව ඒ මහතා පැවසුවේය.
උතුරු මැද පළාත් අධ්යාපන අධ්යක්ෂික නිර්මලා ඒකනායක මහත්මියත් මේ පිළිබදව සොයා බලා ඇති බව අනාවරණයවූ අතර ඒ මහත්මියගෙන් චෝදනාව පිළිබදව විමසීමට දුරකථන ඇමතුම් ලබාගත්තත් ඊට ප්රතිචාර නොදැක්විය.
උතුරු මැද පළාත් විභාග අධ්යක්ෂ ප්රියන්කර පුෂ්පකුමාර මහතාගෙන් චෝදනාව පිළිබදව විමසීමට ඒ මහතාට ඇමතුම් රැසක් ලබාගත්තත් ඔහු දුරකථනයට ප්රතිචාර නොදැක්විය.
අනුරාධපුර කළාප අධ්යාපන අධ්යක්ෂිකා මහේෂා මංජරිකා හෙට්ටිආරච්චි මහත්මියගෙන් අදාල චෝදනාව පිළිබදව සිදුකළ විමසීමේදි ඇය කියා සිටියේ ජංගම දුරකථන විසන්ධිකර සාක්කු සහ අත්බෑග වල දමාගෙන සිටියදි තමන් ඒවා රැගෙන විභාග ශාලාධිපතිවරයාට ලබාදිමට කටයුතු කළ බවයි.
කිසිදු ස්ථානයක සේවයේ නිරතවු ගුරුවරුන් ජංගම දුරකථන භාවිතා කළ බවට පැමිණිලි ලැබී ඇති බවක් තමන්ට වාර්ථාවි නැති බවත් ජංගම දුරකථන විභාග මධ්යස්ථාන තුළ භාවිතා නොකරන ලෙස පැවති පෙරහුරු රැස්වීම් වලදි සියළුම ගුරුවරුන්ට උපදෙස් ලබාදුන් බවත් ඈ පැවසුවාය.
අනුරාධපුර – මහේෂ් විජේසුරිය
