කොරෝනා වෛරස ව්යාප්තියත් සමග ශ්රී ලංකාවේ විරැකියා ප්රතිශතය එන්න එන්නම වැඩි වෙමින් පවතින බවත් විදේශ ගත ශ්රමිකයන් ලංකාවට ගෙන්වා ගැනීමට ගන්නා උත්සාහය හා සමානව අලුත් රැකියා අවස්ථා ලබා ගැනීමේ උත්සාහයකත් රජය යෙදෙන බව ක්රීඩා හා තරුණ කටයුතු අමාත්ය නාමල් රාජපක්ෂ මහතා පවසයි.
අමාත්යවරයා මේ බව පැවසුවේ පොලොන්නරුව දිස්ත්රික් ලේකම් කාර්යාලයේ දී පැවති ග්රාමීය යටිතල පහසුකම් සංවර්ධන කමිටු රැස්වීමේ මුලසුන හොබවමිනි.එහි දී වැඩි දුරටත් අදහස් දැක්වූ අමාත්යවරයා මෙසේ ද කීය.
“අපි රැකියා විරහිත තරුණ තරුණියන් පුහුණු තරුණයෝ විදිහට ස්ථාන ගත කිරීමේ වැඩපිළිවෙලක් ගැන සාකච්ඡා කළා..ඒකට කාර්මික විද්යාලය,වෘත්තිය පුහුණු අධිකාරිය,නයිටා,යොවුන් සේනාංකය,තරුණසේවා සභාව වගේ ආයතනවලට අමතරව ජල සම්පාදන අමාත්යංශය බ්ලම්බර්ස් ලා පුහුණු කරන්න භාර ගත්තා.
එතකොට නිවාස හා ඉදිකිරීම් අමාත්යංශය නිවාස හා ඉදිකිරීම් ක්ෂේත්රයේ 2021 වසරේ 10 000ක් පුහුණු කිරීම් කරන්න භාර ගත්තා.ඒ වගේම මේ සියල්ල එකතු වුණාම අපි බලාපොරොත්තු වෙනවා විදේශ රැකියා කටයුතු අමාත්යංශයත් එක්ක පැවති සාකච්ඡාවේදී කෙටි කාලීන විසදුමක් විදිහට ,මොකද දැන් විරැකියා ප්රතිශතය එන්න එන්නම වැඩි වෙනවා මේ කෝවිඩ් 19ත් එක්ක.
ඉතින් අපි විශේෂයෙන් ම විදේශ ගත ශ්රමිකයන් ලංකාවට ගෙන්වා ගැනීම හා සමානවම අලුත් රැකියා අවස්ථා ලබා ගැනීමේ උත්සාහයකත් අපි යෙදෙන්න ඕන.ඒ නිසා අපි රජයක් විදිහට පැහැදිලිවම විදේශ ගත ශ්රමිකයින් ලංකාවට ගෙන්වා ගැනීමට මැදිහත් වනවා වගේම විදේශ රැකියා අවස්ථා උත්පාදනය වැඩි කිරීමටත් ඒ අවස්ථාවන් අපේ රටේ දරුවන්ට ලබා දීමේ වැඩපිළිවෙලක් ආරම්භ කළා.
ඒ අනුව ගරු ප්රියංකර ජයරත්න ඇමතිතුමා සමග පැවති සාකච්ඡාවෙන් මේ පිළිබඳව දිස්ත්රික් මට්ටමේ දැනුවත් කිරීමේ වැඩපිළිවෙලක් යන්න ඕන.මොකද ලංකාව තුළත් රැකියා අවස්ථා තිබෙනවා.එකට අවශ්ය පුහුණුව නැතිකම හා දරුවන්ගේ නොදැනුවත්කම තමයි තියෙන ප්රශ්න.විදේශ රැකියා සම්බන්ධයෙන් තියෙන්නේත් එයමයි.ඒ නිසා අපේ යෞවන සමාජ දේශපාලන යාන්ත්රණය ,යොවුන්සේනාංකය ආදිය හරහා ගමට මේ පණිවිඩය යන වැඩපිළිවෙලක් හදන්න.
ඒ එක්කම කර්මාන්ත අමාත්යංශය හා ආයෝජන මණ්ඩලයත් එක්ක එකතුවෙලා ප්රාදේශීය ලේකම් කොට්ටාශයකට එක කර්මාන්ත ශාලාවක් ගෙන ඒමේ වැඩපිළිවෙල ආරම්භ කරනවා.
ඒ තුළින් ප්රාදේශීය ලේකම් කොට්ටාශ මට්ටමෙන් ආර්ථික වර්ධනයක් එක්කම ඒ කර්මාන්තශාලාව තුළ රැකියා උත්පාදනය කරන්න.එය අපි මධ්යකාලීන හා දිගුකාලීනවශයෙන් ක්රියාත්මක කරන එකක්.ඒ අනුව කර්මාන්තශාලාවක් ඉදිකරන්න ඉඩම් හදුනාගැනීම ඊට සුදුසු ජන අනුපාතය ජන ගනත්වය හා කෘෂිකාර්මික ප්රදේශනම් ඊට මුල් වෙලා.
කෘෂිකර්ම අමාත්යංශය එක්ක තරුණ ගොවි වැඩ සටහන් හා තරුණ කෘෂි ව්යවසායකයින් බිහි කරනවා.අපි දැනට තරුණ ව්යවසායකයින් ලක්ෂයක් බිහි කිරීමට ඉඩම් කැබලි ලක්ෂයක් ලබා දීමේ වැඩපිළිවෙල ආරම්භ කරලා තියෙන්නේ.ඒ අනුව පට පුලුවන් වෙයි ඊළග අවුරුදු 5 ඇතුළත හොඳ ප්රගතියක් පෙන්වන්න.”
මෙම අවස්ථාවට උතුරු මැද පළාත් ආණ්ඩුකාර මහිපාල හේරත් ,රාජ්ය අමාත්යවරුන් වන තේනුක විදාන ගමගේ,සිරිපාල ගමලත්,රොෂාන් රණසිංහ හා පොලොන්නරුව දිස්ත්රික් සංවර්ධන කමිටු සභාපති අමරකීර්ති අතුකෝරල මහතා ඇතුළු මැති ඇමතිවරුන් පිරිසක් ද පොලොන්නරුව මහ දිසාපති ඩබ්.ඒ.ධර්මසිරි මහතා ඇතුළු රාජ්ය නිලධාරින් පිරිසක් ද එක්ව සිටිය හ.
ඊෂා මුදියන්සේ – පොලොන්නරුව
