බස්නාහිර – දකුණු පලාත වෙන්කෙරෙන හොරවල තොටුපලේ පාලම් පාරුවේ ගමන මිනිස් ජිවිත අමාරුවේ දමන තත්වයක් උදාවී ඇතැයි පාලම් පාරුවෙන් මාරුවෙන ප්රදේශවාසින් කියති.
1994 වර්ෂයට පෙර ඔරුවෙන් ගමන් බිමන් ගිය ජනතාවට 94 වර්ෂයේදි පාලම් පාරුව ලැබුණු බව ඉත්තෑපාන ජනතාව කියති.එතැන් සිට අද දක්වා පාලමක සිහින දකිමින් බෙන්තර ගග හරහා පාරුවෙන් මාරුවෙන බව දකුණු පලාතේ බෙන්තර, ඇලකාක, ජනතාව කියති.
වලල්ලාවිට ප්රාදේශීය සභාවෙන් පාලනය වන පාලම් පාරුව මේ වනවිට සභාවේ විශාලම ආදායම් මාර්ගය බව සභාවට බදු ගෙවන ඉත්තෑපාන ජනතාව කියති.වාර්ෂිකව ටෙන්ඩර් මගින් බදු දෙන පාලම් පාරුව අවස්ථා ගණනකදි අනතුරට ලක්ව ජීවිත ගණනක් ගගට බිළිවු බව තොටුපල අසල පදිංචිකරුවන් කියති.
වලල්ලාවිට ප්රාදේශීය සභාවේ හිටපු මන්ත්රී සනත් අධිකාරම් මහතා
මේක වීදිය බණ්ඩාර සෙනෙවියාගෙ පාලන සමයේ පටන් ගමනා ගමන සිදුකළ තොටුපලක් බව ඉතිහාසයේ සදහන් වෙනවා. එදා ඉදල තවමත් මිනිස්සු ජිවිතේ පරදුවට තියල එගොඩ – මෙගොඩ වෙනවා. පාලම් හදනව කියල දුන්න පොරොන්දු සේරම ගගේ ගිහිල්ලා.
මෙතන පාලමක් හදනව නම් හොදයි. මොකද දකුණු පලාත සංචාරක පුරවරයක්, බස්නාහිර , ඉත්තපාන දියුණුවට ඒක හේතු වෙනවා.
නමුත් ඊට පෙර මේ පාලම් පාරුවෙ අඩුපාඩු සපුරා දියයුතුයි. පාරුව නිසිවෙලාවට නඩත්තු කරන්නෙනෑ. පාරුවෙන් ගමන් කරන මිනිස්සු ගග මැද දි වැසි වලට ගොදුරු වෙනවා. වැස්සට, සුළගට ඔරොත්තු දෙන වහලයක් ඉදිකර දෙන්න පුළුවන්.
පාලම් පාරුවෙන් ගමන් කරන මගීන්ට ආරක්ෂක කබා නැහැ. මෙතනට පාලමක් අවශ්යයි. නමුත් පසුගිය කාලය පුරාම පාලම් පොරොන්දු දුන්නා. ඉටුවුනේ නැහැ.
ඉත්තැපාන ජයනන්ද කන්නංගර මහතා
ඉත්තෑපාන ධම්මාලංකාර නායක හාමුදුරුවො මෙතනට පාලමක් හදල දෙන්න කියල ඉල්ලීම් කළා. දේශපාලකයින් පොරොන්දුවුණා. ඉටුවුනේ නැහැ. ඉත්තපාන රෝහල තිබුනට එගෙඩහ පැත්තෙන් රෝගියෙකු ගේන්න බැහැ. මෙගොඩ වලල්ලාවිට ප්රාදේශීය සභාව සතුයි. එගොඩ දකුණු පලාත් සභාවට නමුත් දෙගොඩම වැස්සකට මගියෙකුට නොතෙමි ඉන්න හරි හැටි තැනක් නැහැ.
ලී පාරු දෙකක්ම දිරාපත් වුණා. ඒව ගං ඉවුරෙ ගොඩ ඇදල තියෙනව. දවසකට රුපියල් 12.500 ක් සභාවට ගෙවනවා. ඒ කියන්නෙ දිනකට මිනිස්සු දහස් ගණනක් එගොඩ මෙගොඩ වෙනව කියන එකයි. අනෙක ටෙන්ඩර් ක්රමයට බදු මුදල ඉහළ ගිහිල්ල නිසා බදු කරුවන් අමාරුවෙ වැටෙනව.
උදේ හතේ ඉදල රාත්රි හත විතර වෙනතුරු පාලම් පාරුව ක්රියාත්මකයි. ඊට පස්සෙ ගමනා ගමන නැහැ. මෙතනින් නොගියොත් කිලෝමිටර් තිහක් විතර අමතර දුරක් ගෙවන්න වෙනව. අධිවේගී මාර්ගයට ළගයි.
පාසල් ළමයි, වෙළෙන්දො, වගේම දිනපතා ගමන් කරන විශාල පිරිසක් මෙතනින් ගමන් තරනවා. තොටුපලට එන පාර හදන්නෙම නෑ. පාරුවෙන් විශාල මුදලක් උපයා ගත්තද පාර දෙපැත්තෙ කැලෑව වත් කපන්නෙනෑ. පාලමක් හදල දෙන්න කියල විරෝධතා පවා කළා.
පසුගිය රජය මේ ඉඩම් කුරුළු පාරාදීසයකට කියල පවරා ගත්ත. මිනිස්සුන්ට ඉඩම් ටිකත් නැතුව ගියා. හදපු පාරාදීසයක් නැහැ. හොරවල තොටුපලේ පාලම් පාරුව මිනිස් ජීවිත ගණනාවක් බිළිගෙන තව දුරටත් මේ තොටුපල මාරයාට අත වනන තැනක් වෙලා තියෙනවා.
වලල්ලාවිට පදේශිය සභාවේ සභාපති උදේනි අතුකෝරල මහතා
පාලම් පාරුව සභාවෙන් පාලනය වෙනවා. මේ ස්ථානයේ පාලමක් තැනීමට පසුගිය කාලය පුරා අපි රජයට යෝජනා කළා. නමුත් කෙරුනෙ නෑ. පාලම් පාරුවෙ අඩු පාඩු සකස් කිරිමට පියවර ගන්නවා.
මෙතන මගින්ට මගි ආවරණයක් වගේම කුඩා වෙළද සලකට ස්ථානයක් සකසා රැකියා අවස්ථාවක් වගේම ජනතාවට තේ ටිකක් බොන්න , කිරල , කෑර දලු ටිකක් වගේ දේශිය දේවල් අලෙවියට පහසුකම් සලසා දෙනවා.
ස්ථිර පාලමක් තැනිමට අගලවත්තට මන්ත්රි ප්රතිපාදන ගන්න තිබුණු අවස්ථාව අහිමිකර ගත්තද අපි මේ ජනතා ප්රශ්න අමතක කරන්නෙ නැහැ.
සෝමරත්න පොද්දෙණිය – මීගහතැන්න
