පාසල් සදහා ගුණාත්මක යෙදුම් යටතේ ලබාදෙන මුදල් ප්රතිපාදන වලට ලිපි ද්රව්ය ලබාගැනීමට මිලගණන් කැදවීම සදහා සිය ව්යාපාරයේ නාමය ව්යාජ අන්දමින් යොදාගෙන තිබෙන බව පවසමින් අනුරාධපුර මහ නගරසභාවේ නියෝජ්ය නගරාධිපති එම්.ඩබ්ලිව් ප්රේමදාස මහතා විසින් කිරලෝගම විද්යාලයේ විදුහල්පතිනියට එරෙහිව අනුරාධපුර කොට්ඨාශභාර ජේෂ්ඨ පොලිස් අධිකාරිවරයාට පැමිණිල්ලක් ඉදිරිපත්කර තිබේ.
කූඨ ලේඛණ සැකසිම ඇතුළු චෝදනා සම්බන්ධයෙන් වහාම පරික්ෂනයක් සිදුකර සැකකරුවන් අත්අඩංගුවට ගන්නා ලෙස දන්වමින් ජේෂ්ඨ පොලිස් අධිකාරි කීර් ති ලංකා ගීගනගේ මහතා අනුරාධපුර කොට්ඨාශ විශේෂ අපරාධ විමර් ශන අංශයේ ස්ථානාධිපති ප්රධාන පොලිස් පරික්ෂක ගජසිංහ මහතාට උපදෙස් ලබාදි තිබේ.
නියෝජ්ය නගරාධිපතිවරයාට අයත් අනුරාධපුර පිහිටි ආයතන දෙකකට ලියාපදිංචි තැපෑලෙන් කිරලෝගම මීගස්සෑගම විද්යාලයෙන් ලිපි දෙකක් ලැබි ඇති අතර එය කඩා විවර කිරිමෙදි හිස් කොළ දෙකක් පමණ තිබි ඇත.එම කවරවල මුද්රකර තිබු සිය ආයතන වල නාමයන් කිසියම් අයෙකු විසින් සැකසූ ව්යාජව සැකසු රබර් මුද්රාවකින් තැබූ ඒවා බව ප්රේමදාස මහතාට නිරික්ෂනයවි ඒ සම්බන්ධයෙන් කොට්ඨාශ බාර පොලිස් අධිකාරිවරයාට පැමිණිලිකර තිබේ.
කිසියම් පුද්ගයෙකු විසින් කීර් තිමත් සිය වෙළද ව්යාපාරයන් වල නාමය භාවිතා කරමින් සිය නාමය මිලගණන් කැදවීමට භාවිතා කර ඇති බවත් සිය ආයතනවල භාණ්ඩ අධික මිල ගණන් බව ඒත්තු ගන්වා වෙනත් ආයතන වලින් ලිපිද්රව්ය මිලදිගෙන අපකීර් තියක් සිදුකර තිබෙනා බව නියෝජ්ය නගරාධිපතිවරයා පොලිසියට කළ පැමිණිල්ලේ සදහන්වේ.
මෙම ලිපි පැමිණි ස්ථානය සොයා ගැනීමට අනුරාධපුර ප්රධාන තැපල් ස්ථානයෙන් විමසීම් කර උත්සහ කළත් ලිපි පැමිණි තැපල් කාර්යාලය අනාවරණය කර ගැනීමට නොහැකිවූ බවත් කිරලෝගම මීගස්සේගම විද්යාලයේ විදුහල්පතිනියගේ නිල මුද්රාව එහි යොදා ඇති බැවින් ඇය ඒ පිළිබදව දැනුම්වත්ව ඇති බව පැමිණිල්ලේ සදහන්වේ.
තමන් කිසිදු අවස්ථාවක ඉතා අධික මිල ගණන් වලට භාණ්ඩ අලවි නොකරනා බවත් වංචනික මිල ගණන් කැදවීම සදහා තමන්ගේ ව්යාපාර නාමයන් යොදා ගැනීම සම්බන්ධයෙන් අපක්ෂපාති පරික්ෂනයක් සිදුකරන ලෙස ඒ මහතා ඉල්ලා තිබේ.
නියෝජ්ය නගරාධිපති එම්.ඩබ්ලිව් ප්රේමදාස මහතා විසින් ජේෂ්ඨ පොලිස් අධිකාරිවරයාට අමතරව උතුරු මැද පළාත් අධ්යාපන අමාත්යංශයටත් ඒ පිළිබදව ලිඛිතව පැමිණිලි ඉදිරිපත් කර තිබේ.
අනුරාධපුර – බී.එම්.විජේසුරිය
