කඩවත ගෝනහේන පොලිස් විශේෂ කාර්ය බලකා කදවුරේ විශේෂ මෙහෙයුම් ඒකකයේ නිළධාරීන් විසින් සිදු කළ මෙහෙුමකින් අනතුරුව නීති විරෝධීව මෙරට ට ගෙන එන ලද රුපියල් කෝටි 12ක පමණ වටිනාකමකින් යුක්ත කහ තොගයක් හුංගම කළමැටිය ධීවර වරායේදී අත් අඩංගුවට ගෙන තිබේ.
බේරුවල ප්රදේශයේ බහුදින යාත්රාවකින් මෙම කහ තොගය කළමැටිය ධීවර වරායට රැගෙන විත් ප්රවාහනය කිරීමට සූදානම්ව සිටියදී විශේෂ කාර්ය බලකායේ සෙබළුන් විසින් මෙම කහ තොඟය අත් අඩංගුවට ඇත්තේ ඊයේ(27) අළුයම් කාලයේදීය.
පොලිස් විශේෂ කාර්ය බලකායට ලැබී තිබූ බුද්ධි තොරතුරකට අනුව පොලිස් විශේෂ කාර්ය බලකාය විසින් මෙම මෙහෙයුම සිදු කොට තිබුණි.
කිලෝග්රෑම් 25000 ට වැඩි කහ ප්රමාණයක් අත් අඩංගුවට පත්ව ඇති බවත් ඒ සමඟ කහ තොඟය රැගෙන ආ පුද්ගලයින් 06 දෙනෙකු අත් අඩංගුවට ගත් බවත් පොලිස් විශේෂ කාර්ය බලකාය පවසයි.
අත් අඩංගුවට පත් සියළු දෙනා ධීවරයන් බවත් ඔවුන් කළමැටිය ,කුඩාවැල්ල ,කෝටගොඩ හා බේරුවල පදිංචි කරුවන් බවට තොරතුරු අනාවරණය වී ඇති බවත් පොලීසිය පවසයි.
අත් අඩංගුවට පත් කහ තොඟය හා සැක කරුවන් අද අළුයම හුංගම පොලීසියට බාර දුන් අතර අත් අඩංගුවට පත් කහ තොගය අධිකරණ නියෝගයින් අනතුරුව විනාශ කොට දැමීමට නියමිතය.
අත් අඩංගුවට පත් සැක කරුවන් අගුණකොළපෑලැස්ස මහේස්ත්රාත් අධිකරණයට ඉදිරිපත් කිරීමට නියමිතව තිබුණි.
පොලිස් විශේෂ කාර්ය බලකායේ අණදෙන නිළධාරී නියෝජ්ය පොලිස්පති වරුණ ජයසිංහ ගේ උපදෙස් මත පොලිස් විශේෂ කාර්ය බලකායේ ජේෂ්ඨ පොලිස් අධිකාරී සිල්වෙස්ටර් විජේසිංහ ගේ අධීක්ෂණය යටතේ ගෝනහේන පොලිස් විශේෂ කාර්ය බලකා කඳවුරේ විශේෂ මෙහෙුයම් ඒකකයේ ප්ර.පො.ප.සම්පත් කුමාර ඇතුළු නිළධාරීන් පිරිසක් විසින් මෙම මෙහයුම සිදු කරනු ලැබීය.හුංගම පොලීසියේ ස්ථානාධිපති සම්පත් ක්රිෂාන්ත ජයසිංහ ඇතුළු නිළධාරීන් කන්ඩායමක් මෙම මෙහයුම සදහා සහාය දක්වනු ලැබීය.
චන්ද්රසේන ගමගේ
