මේ රටේ අවධිමත් ශ්රම බලකාය පිලිබදව මෙවර ජනාධිපති මැතිවරණයට ඉදිරිපත්ව සිටින කිසිදු අපේක්ෂකයකු අවධානය යොමු කර නැති බව ප්රොටෙක් සංගමයේ සභාපති කේ. මෛයිත්රිලි මහත්මිය පවසයි.
හැටන් ප්රොටෙක්ට් සංගම් කාර්යාලයේදි මාධ්ය හමුවක් පවත්වමින් මේ බව පැවසු කේ. මෛයිත්රිලි මහත්මිය වැඩි දුරටත් මෙසේද පවසන ලදි.
අද ජනාධිපති මැතිවරණ වේදිකාවලදි ජනාධිපතිධුර අපේක්ෂයන් විවිධ පොරෝන්දු ලබා දෙනවා එත් මේ පොරෝන්දුවලින් කොපමන දේවල් ඒ ඒ අපේක්ෂයන් ඉටු කරයිද කියන එක ප්රශ්නයක්.
මේ කිසිම අයෙක් මේ අවිධිමත් කම්කරුවන් පිරිස ගැන කතා කරන්නේ නැහැ අද සමහර අය වතු කම්කරුවන්ගේ වැටුප් වැඩි කිරිම පිලිබදව කතා කරනවා ඒත් මේ වතුකරයේ ජිවත් වන ගෘහස්ථ කම්කරුවන්, ත්රිවිල් රියදුරන්, ස්වයං රැකියාලාභින්, වෙළද සේවක සේවිකාවන්, ලොතරැයි අලෙවිකරුවන් වැනි අවධිමත් ශ්රම බලකාය පිලිබදව කිසිවෙක් කතා කරන්නේ නැහැ.
පසු ගිය කාලයේ මේ ගෘහස්ථ කම්කරුවන් ඇතුළු අවධිමත් ශ්රම බලකායේ පවතින විවිධ ප්රශ්න පිලිබදව කම්කරු ඇමතිවරුන් ලෙස කටයුතු කල නිමල් සිරිපාල මහතා හා මනුෂ නානයක්කාර මහතා සමග කතා කලා එහිදි ඔවුන් අපිට විවිධ පොරෝන්දු ලබා දුන්නත් එම පොරෝන්දු මේ වත තෙක් ඉටු වෙලා නැහැ.
එම නිසා මේ අය අපිට ලබා දුන්න එම පොරෝන්දු මේ වන විට බොරු පොරෝන්දු බවට පත් වෙලා තියෙන්නේ අපි මේ අයට කියන්න කැමතියි නැවත මේ අයගේ බොරු පොරෝන්දුවලට අපි රැවටෙන්නේ නැති බව.
එම තත්වයන් මත අපිට පෙනි යන්නේ මෙවර ජනාධිපති මැතිවරණයට ඉදිරිපත්ව ඇති කිසිම අපේක්ෂයකු මේ සියයට හැත්තැවක් පමන ඉන්න අවධිමත් ශ්රම බලකාය පිලිබදව කිසිදු තැකිමක් නැති බවයි මේ අයගේ ඡන්දය මේ අපේක්ෂකයන්ට එපාද යන්නත් දැන් ප්රශ්නයක්.
මනුර සුදත් සෙල්ලහේවා – හැටන්
