ශ්රී ලංකා නීති විද්යාලයට වසර 150ක් සපිරීම නිමිත්තෙන් විශේෂ සමරු මුද්දරයක් සහ මුල්දින කවරයක් නිකුත් කිරීම ප්රවාහන, මහාමාර්ග හා ජනමාධ්ය ඇමැති ආචාර්ය බන්දුල ගුණවර්ධන මහතාගේ ප්රධානත්වයෙන් කොළඹ අලුත්කඩේ නීති විද්යාල ශ්රවණාගාරයේදී සිදු කෙරිණි.
රු.50ක වටිනාකමකින් යුතු මෙම සමරු මුද්දරය සහ මුල්දින කවරය රුවන් ඉන්ද්රජිත් උපසේන මහතා නිර්මාණය කර තිබේ.
අගවිනිසුරු ජනාධිපති නීතිඥ ජයන්ත ජයසූරිය, නීතිපති ජනාධිපති නීතිඥ සංජය රාජරත්නම්, ජනමාධ්ය රාජ්ය ඇමැති ශාන්ත බණ්ඩාර, ජනමාධ්ය අමාත්යාංශ ලේකම් අනුෂ පැල්පිට, නීති විද්යාලයේ විදුහල්පති ආචාර්ය අතුල පතිනායක මහත්වරුන් විනිසුරුවරුන්, නීති ශිෂ්යයෝ ඇතුළු විශාල පිරිසක් මෙම අවස්ථාවට එක්ව සිටියහ.
