කුරුණෑගල මහ නගර සභාවේ විල්ගොඩ නිවාස සංකීර්ණයේ නිල නිවාස 75 ක් තිබෙන අතර එහි පදිංචි වී සිටින පිරිස 600 කටත් වැඩි බව නිවැසියන් කියයි.
සනීපාරක්ෂක කම්කරුවන් සදහා වසර 100 කටත් පෙර ඉදිකර ඇති මෙම නිල නිවාස කිසිම අයුරකින් අලූත්වැඩියා කටයුතු සිදු කර නොමැති අතර දැනට එම නිවාස දැඩිලෙස අබලන් තත්ත්වයක පවතින බව නිවැසියන් පවසයි.
වැසි සමයට බූ ඇල උතුරා යාම නිසා මුළු නිවාස සංකීර්ණයම අඩි 7 ක් පමණ ජලයෙන් යටවෙන අතර දින කීපයක් ජලය රැදී පවතියි. බිත්ති තෙත්වීම නිසාත් පරාල යටලී දිරාපත්වී ඇති නිසාත් නිවෙස් තුල නිදා ගැනීමට බියක් ඇති වන බවද ඔවුහු කියති. වැසිකිලි උතුරා කානු පද්ධති අවහිර වී අප ජලය බැස යාම සති කීපයක් තිබීමෙන් නොයෙකුත් ලෙඩ රෝග බෝවන බවද ඔවුන් කියයි. අලූතෙන් නිවාස හදල දෙන්න මුල් ගල් තියල අවුරුදු 15 ක් විතර ගියා.
මේ පිළිබඳව අප කළ විමසුමකදී කුරුණෑගල මහ නගර සභාවේ නාගරික කොමසාරිස් අජන්ත ගුණවර්ධන මහතා කියා සිටියේ මීට වසර කිහිපයකට පෙර නිවාස ව්යාපෘති යෝජනා කීපයක් තිබුණු අතර විල්ගොඩ ලයිම වෙනත් ස්ථානයකට රැගෙන ගොස් නිවාස සංකීර්ණයක් ඉදිකර දීමට සැලසුම් කර ඇතත් රටේ ඇති වූ අවාසනාවන්ත තත්ත්වය හා මුදල් සම්බන්ධ ඇති වූ ගැටලූව හේතුවෙන් එම ව්යාපෘතිය තාවකාලිකව නැවැත්වීමට සිදු වූ බවයි. වසර 100 කට වඩා පැරණි මෙම නිවාස විශාල මුදලක් වැයකර අලූත්වැඩියා කිරීමට මුදල් වැය කිරීම නිශ්ඵල ක්රීයාවක් බැවින් නව නිවාස ඉදිකිරිම අත්යවශ්ය බවද පැවසීය. කෙසේ වුවත් නව නිවාස සංකීර්ණයක් ඉදිකිරීමට ප්රමාද වන්නේ නම් තාවකාලිකව හෝ ප්රතිසංස්කරණය කටයුතු කිරීමට අදහස් කර ඇති බවද නාගරික කොමසාරිස්වරයා වැඩිදුරටත් පැවසීය.
ජනූර් කිචිලාන් – පොල්ගහවෙල
