එක්සත් අරාබි එමීර් රාජ්යයේ පැවැත්වෙන් ලෝක රාජ්ය සමුළුව (WGS) අතරතුර, ශ්රී ලංකා ජනාධිපති අනුර කුමාර දිසානායක මහතා, ඔරකල්
සමාගමේ විධායක උප සභාපති මයික් සිසිලියා මහතා සමඟ සාකච්ඡාවකට එක් වී තිබේ .
ආර්ථික සහ පාලන කාර්යක්ෂමතාව ඉහළ නැංවීම සඳහා ශ්රී ලංකාවේ ඩිජිටල් පරිවර්තනය, ෆින්ටෙක් සේවා සහ ක්ලවුඩ් යටිතල පහසුකම යොදා ගැනීම කෙරෙහිද මෙහිදී අවධානය යොමු වී ඇති බවයි සඳහන් වෙයි .
ශ්රී ලංකාවේ ඩිජිටල්කරණය සඳහා සහාය වීමට ඔරකල් ක්ලවුඩ් යටිතල පහසුකම් (OCI) සැපයීම සඳහා ඔරකල් සමාගම කැමැත්ත පළ කළ අතර, දත්ත ස්වෛරීභාවය සහ නියාමන අනුකූලතාව සහතික කරමින් රජයේ යෙදුම්, විද්යුත් පාලන පහසුකම් සහ ජාතික දත්ත පද්ධතියක් සඳහා සත්කාරකත්වය දැරීමටත්, ශ්රී ලංකාවේ ස්වෛරී ඔරකල් ක්ලවුඩ්ස් කලාපයක් ස්ථාපිත කිරීමටත් ජනාධිපතිවරයා ඔරකල් සමාගමට ආරාධනා කර තිබේ.
ශ්රී ලංකාව මුදල් රහිත ආර්ථිකයක් කරා ගමන් කිරිම වේගවත් කිරීම අරමුණු කරගත් ෆින්ටෙක් සහ ඩිජිටල් ගෙවීම් පහසුකම් සඳහා මුලපිරීම පිළිබඳවද
ජනාධිපතිවරයා සහ ඔරකල් විධායක උප සභාපති මයික් සිසිලියා මහතා අතර සාකච්ඡා වුණ බව සඳහන් .
මේ සඳහා කොළඹ වරාය නගරයේ ඩිජිටල්කරණ මධ්යස්ථානයක් පිහිටු වීමට ඔරකල් සමාගමට ජනපතිවරයා ආරාධනා කළ අතර, එය දකුණු ආසියා කෘත්රිම බුද්ධිය (AI) සහ වලාකුළු (Cloud Hub) මධ්යස්ථානය ලෙස ක්රියා කරනු ලැබෙයි.
ඒ සඳහා කණ්ඩායමක් ලංකාවට එවන මෙන් ජනපතිවරයා මයික් සිසිලියා මහතාගෙන් ඉල්ලා තිබේ.
කලාපීය වශයෙන් වන ඩිජිටල් පරිවර්තනය සහ නවෝත්පාදනය සඳහා වූ ඔරකල් සමාගමේ දැක්මට අනුකූල වන හෙයින් එහි දකුණු ආසියානු කෘත්රිම බුද්ධිය ( AI) සහ වලාකුළු (Cloud) මධ්යස්ථානය ලෙස කොළඹ වරාය නගරයේ සිය කාර්යාලයක් පිහිටු වීමට ඔරකල් සමාගම දැඩි උනන්දුවක් පළ කරන බවයි එහි විධායක උප සභාපතිවරයා පැවසුවේ .
මෙය උපායමාර්ගික පියවරක් ලෙස ශ්රී ලංකාවට කෘත්රිම බුද්ධිය මඟින් ක්රියාත්මක වලාකුළු පහසුකමෙහි (AI driven Cloud Solutions) කලාපීය
ප්රමුඛයෙකු වීමට අවස්ථාව සලසා තිබේ.
රාජ්ය-පෞද්ගලික හවුල්කාරිත්වයන් සහ අති නවීන තාක්ෂණ ආයෝජන සඳහා මෙය පිටිවහලක් වනු ඇති බව සඳහන් .
ඒ අනුව, මෙම සාකච්ඡාවේදී, පාලන කාර්යක්ෂමතාව, ආර්ථික සංවර්ධනය සහ ගෝලීය තරගකාරිත්වය සඳහා නව තාක්ෂණය උපයෝගී කර ගැනීමට ශ්රී ලංකාවේ කැපවීම ජනාධිපති අනුර කුමාර දිසානායක මහතා අවධාරණය කළ අතර, ඔරකල් සමාගමට ශ්රී ලංකාවේ ඩිජිටල් පරිණාමන ක්රියාවලිය තුළ තීරණාත්මක කාර්යභාරයක් ඉටු කිරීම සඳහා ආරාධනා කර තිබේ.
විදේශ කටයුතු, විදේශ රැකියා හා සංචාරක අමාත්ය විජිත හේරත්, බස්නාහිර පළාත් ආණ්ඩුකාර හනිෆ් යූසුෆ් මහත්වරු ද මෙම සාකච්ඡාවට එක්ව සිටි බව සඳහන් .
