ජනාධිපති අපේක්ෂකයන් තමන්ගේ ප්රතිපත්ති පැහැදිලිව ජනතාවට ඉදිරිපත් කළ යුතුයි. එවිට එය ජනතාව වෙත ගෙන යාමට ජනමාධ්යවේදීන් හැකියාව ලැබේ. එමෙන්ම ඔවුන් විසින් ජනාධිපති මැතිවරණ වේදිකාවන් වල සහ ජනමාධ්ය තුළින් ජනතාවට ලබා දෙන පොරොන්දු යථාර්තවාදී තර්කානුකූලව ඒවා විය යුතුයි. ඡන්ද ලබා ගැනීමට ජනප්රිය වීමේ වුවමානව ඇතිව ලබා දෙන ජනප්රිය පොරොන්දු ඉදිරිපත් නොකළ යුතුයි. සත්ය පමණක් ජනතාවට ඉදිරිපත් කළ යුතුයි.
දැඩි ආර්ථික අර්බුදයක සිට එයින් ගොඩඑමින් පවතින මෙවැනි අවස්ථාවක ඊට කිසි ලෙසකින් බාධා නොකළ යුතුයි. මෙවර මැතිවරණයේ දී ජනවාර්ගික අර්බුදයට විසඳුම් ගෙන ඒමේ සාකච්ඡාවක් මැතිවරණ වේදිකාව තුළ දැකීමට හැකියාවක් නැත. බලය බෙදිම ගැන හෝ ඒ සම්බන්ධයෙන් ගනු ලබන ඉදිරි පියවරයන් ගැන සඳහනක් නැත. ඒ ගැන සඳහන් කරන අදහස් පවා නොගැඹුරු, දුර්වල ඒවා.
අජිත් පැරකුම් ජයසිංහ
සමහර ජනමාධ්ය හා සමාජ මාධ්ය තෝරාගත් අපේක්ෂකයන්ට පමණයි
දැනට නාමයෝජනා ලබා දී ඇති 39 ක් වූ ජනාධිපතිවරණ අපේක්ෂකයන්ගෙන් සියල්ලන්ම ජනමාධ්ය භාවිතා කරනවා. නමුත් සමහර ගුවන් විදුලි නාලිකා, රූපවාහිනී නාලිකා, ෆේස්බුක් ගිණුම් හිමියන්, වට්ස්ඇප් ඇතුළු මාධ්ය තෝරාගත් අපේක්ෂකයන් වෙනුවෙන් පමණක් භාවිතා කරනවා පමණක් නොව සමහර අපේක්ෂයන් අනෙක් අපේක්ෂයන්ට අපහාස කිරීමට භාවිතා කරනවා. මේ සමහර විද්යුත් නාලිකා සහ සමාජ මාධ්ය මෙවැනි ක්රියාකාරකම් වල යෙදෙන්නේ මුදලට. ඒ අය මේ සඳහා කොන්ත්රාත් ලබාගෙන තිබෙනවා.
ඒ නිසා අපේක්ෂකයන්ගෙන් සහ ඔවුන්ගේ ආධාරකරුවන්ගෙන් ඉල්ලා සිටින්නේ මේ මැතිවරණ කාල සීමාවේ දී ජනමාධ්ය සහ සමාජ මාධ්ය හැසිරවීමේ දී වඩාත් ප්රජාතන්ත්රවාදී වන ලෙසයි.
ජනූර් කිචිලාන්
2022 දී ගිනිගොඩක් මැද තිබුණු ආර්ථිකය
2022 දී ගිනිගොඩක් මැද තිබුණු ආර්ථිකය අර්බුද මැදින් ගොඩනැගෙමින් තිබෙන අවස්ථාවක තමයි ජනාධිපතිවරණය පවත්වන්නේ. තවමත් අපි ඉතා අසීරු තත්ත්වයකයි අපි ඉන්නේ. පොරොන්දු දේහපාලනයෙන් මේ සංකිර්ණ ආර්ථික ගැටළුවට විසඳුම් නැහැ. දැනට රජය එකඟවී ඇති IMF කොන්දේසි සම්බන්ධයෙන් ජනාධිපති අපේක්ෂකයන් විසින් ගනු ලබන පියවර පැහැදිලි කිරීමක් කළ යුතුය. එහෙම නැතුව පඩි වැඩි කරනවා, වැට් නැති කරනවා කියලා හරියන්නේ නෑ. ඒවා කොහොමද කරන්නේ කියලා පැහැදිලි කළ යුතුයි.
සොරුන් ඇල්ලීම ගැන දැන් වේදිකාවල සඳහන් වෙනවා. හොරුන් ඇල්ලීම කෙතරම් සංකීර්ණ, කල්ගත වෙන ක්රියාවලියක් ද කියලා ඒ ගැන අධ්යයනය කළ විශේෂඥයින් දන්නවා. ඒ නිසා එවැනි ජනප්රිය ජනතාව මුලාවෙන පණිවිඩ දේශපාලන වේදිකාවෙන් නොසිදුවිය යුතුයි.
තෙල්, විදුලි මිළ සූත්රයට කාලයක් විරෝධය පළ කලා. අපහාස කළා. දැන් හැමෝම පිළිගන්නවා එවැනි ක්රමවේදයක් අවශ්යයි කියලා. මෙවැනි ආර්ථික ක්රමවේදයන් ගැන ජනාධිපතිවරණ අපේක්ෂකයන් තමන්ගේ මතය ප්රකාශ කළ යුතුයි.
විමල් වීරවංශ සත්ය සෙවීමේ කොමිසම මගින් රණවිරුවන් දඩයම් කරනවා කියලා කියනවා. එවැනි සිද්ධීන් අවස්ථාවන් ඇත්නම් ඒ ගැන නීතිපති දැනුවත් කරලා අවශ්ය නම් නඩු පවරන්න පුළුවන්. එවැනි දේ ජනගත කරලා ජාතිවාදය අවුස්සන එක වැරදියි.
ජනාධිපතිවරණය සම්බන්ධ මාධ්ය උපමාන සාධාරණ අන්දමින් ක්රියාත්මක කරනු, ජනාධිපති අපේක්ෂකයන් නාම මාත්රික ප්රතිපත්ති ප්රකාශන වෙනුවට අර්බුදයට ප්රායෝගික විසඳුම් හා ඉදිරි වැඩපිළිවෙළවල් ප්රකාශයට පත් කරනු, ප්රජාතන්ත්රවාදය හා සාමය ගොඩනගමින් තිරසරභාවය නිර්මාණය කරනු, ජාතික ප්රශ්නයට විසඳුම් අමතක නොකරනු යන තේමාවන් ඔස්සේ අයිතිය උදෙසා මාධ්යවේදියෝ යන මැයෙන් ප්රවෘත්ති සාකච්ඡාවක් 2024 අගෝස්තු 22 වෙනි දින ප.ව. 1.30 ට කොළඹ ජානකී හෝටලයේ දී පැවැත්වුනි.
මෙම ප්රවෘත්ති සාකච්ඡාවට එහි සභාපති අජිත් පැරකුම් ජයසිංහ සහ ලේකම් නීතිඥ දුලාන් දසනායක ඇතුළු ප්රාදේශීය ජනමාධ්යවේදීන් පිරිසක් සහභාගි විය.
