රට ගොඩනැඟීමේ සහ ආර්ථික සංවර්ධනය කිරීමේදී තමන්ට හෝ වත්මන් ආණ්ඩුවට කිසිඳු පාර්ශ්වයක් සමඟ විශේෂ බැඳීමක් නොමැති බැවින් ගත යුතු සෑම තීන්දුවක්ම නොපැකිළව ගන්නා බව ජනාධිපති අනුර කුමාර දිසානායක මහතා අවධාරණය කරයි.
ජනාධිපති අනුර කුමාර දිසානායක මහතා මෙම අදහස් පළ කළේ, ශ්රී ලංකා බැංකු සංගමයේ සාමාජිකයින් ජනාධිපති ලේකම් කාර්යාලයේදී හමු වූ අවස්ථාවේදීයි . ශ්රී ලංකාවේ ආර්ථිකය ගොඩනැංවීම සම්බන්ධයෙන් බැංකුවලින් සිදුවන මැදිහත්වීම සහ ඔවුන්ගේ ගැටලු පිළිබඳව ද මෙහිදී අවධානයට යොමු වී තිබේ.
ශ්රී ලංකාව ඩිජිටල්කරණයෙහි වැදගත්කම සහ විද්යුත් හැඳුනුම්පත ලබාදීම සම්බන්ධයෙන් මෙහිදී සාකච්ඡා කළ අතර එම වැඩපිළිවෙළ වසර එකහමාරක් වැනි කෙටි කාලයක් තුළ නිම කිරීමට කටයුතු කරන බවයි ජනාධිපතිවරයා ප්රකාශ කළේ. පැන නැගුණු ආර්ථික අර්බුදය සමඟ බැංකු පද්ධතිය යම් දරා ගැනීමක් සිදු කරමින් ව්යවසායකයා ආරක්ෂා කිරීම සම්බන්ධයෙන් අවධානය යොමු කළ ජනාධිපතිවරයා ව්යවසායකයින් එම දරා ගැනීම අවභාවිත කරන්නේ නම් එය ගැටලුවක් බව සඳහන් කර තිබේ.
.බැංකුවත්, ව්යවසායකයත් ආරක්ෂා වන පරිදි සමස්ත ක්රියාවලිය සිදු කළ යුතු බවට මෙහිදී වැඩිදුරටත්අවධාරණය කර තිබේ.
ශ්රී ලංකාවේ ආර්ථිකයේ අවිධිමත් අංශය විශාල වන අතර එය විධිමත් කිරීමේදී දැනට අවිධිමත් ආර්ථිකය තුළ යැපෙන ජනතාව සුරක්ෂිත වන ආකාරයට එම ක්රියාවලිය සිදු කරන ලෙසයි ජනාධිපති අනුර කුමාර දිසානායක මහතා ප්රකාශ කළේ ශ්රී ලංකාවේ දැනට පවතින දුෂ්කරතා,ව්යාපෘති සඳහා ගතවන කාලය වැඩිවීම, දූෂණයආදි කරුණු හේතුවෙන් ආයෝජන පවත්වා ගෙනයාමට තිබෙන බාධා පිළිබඳව ද මෙහිදී දීර්ඝ ලෙස සාකච්ඡා කර තිබේ.
මෙම ක්රියාවලියේදී සියලු කටයුතු සරල හා අදූෂිත, කාර්යක්ෂම ක්රමවේදයක් තුළට ගෙන ඒමට තම රජය කටයුතු කරමින් සිටින බවයි ජනාධිපතිවරයා මෙහිදී අවධාරණය කළේ .
