ඖෂධ මාෆියාවේ බොරු හිඟය මාට්ටු

sinhala gay katha

මෙරටට වසර 1 ½කට අවශ්‍ය ඖෂධ මිලදී ගැනීම සඳහා ප්‍රමාණවත් මුදල් (ඩොලර්) ශ්‍රී ලංකාව සතුව තිබියදී රටේ කෘත්‍රිම බෙහෙත් හිඟයක් මවා කොමිස් ලබාගැනීම සඳහා අධික මිලට බෙහෙත් මිලදී ගැනීමට ඖෂධ සංස්ථා බලධරයන් උත්සාහ දරමින් සිටින බව රජයේ පොදු ව්‍යාපාර කාරක සභාවේදී (කෝප් සභාවේදී) හෙළිදරව් වී තිබේ.

කෝප් සභාවේදී පාර්ලිමේන්තු මන්ත්‍රී චම්පික රණවක මහතා ප්‍රමුඛ මන්ත්‍රීන් පිරිසක් විසින් කරන ලද විශේෂ විමර්ශනයකදී මෙම තොරතුරු අනාවරණය විය.

ශ්‍රී ලංකාවට ඖෂධ ආනයනය සඳහා වසරකට අවශ්‍ය වන්නේ අමෙරිකානු ඩොලර් මිලියන 240ක පමණ මුදලකි. එහෙත් මෙරට ජනතාවට ඖෂධ සැපයුමට ඩොලර් හිඟයෙන් බාධා සිදුවූ විට ජාත්‍යන්තර ණය සැපයුම් ආයතන කිහිපයකින් ණය සැපයුණු අතර මූල්‍ය පරිත්‍යාග කිහිපයක්ද සිදුවිය. ඒ අනුව ඖෂධ මිලදී ගැනීමට ඩොලර් මිලියන 352ක මුදලක් රජයට ලැබිණි. ඉන්දීය ණය යෝජනා ක්‍රමය යටතේ ඩොලර් මිලියන 200ක්, ලෝක බැංකුවෙන් ඩොලර් මිලියන 76ක්, ආසියානු සංවර්ධන බැංකුවෙන් ඩොලර් මිලියන 63ක්, ලෝක සෞඛ්‍ය සංවිධානය හා යුනිසෙෆ් සංවිධානය එකතුව ඩොලර් මිලියන 13ක් වශයෙන් ඩොලර් මිලියන 352ක මුදල රජයට ලබා දී තිබිණි.

මෙලෙස වසර 1 ½කට රටට අවශ්‍ය සියලුම ඖෂධ වර්ග මිලට ගැනීමට අරමුදල් ලැබී තිබුණද එම අරමුදල් සැපයූ ආයතන සිය මුදල් භාවිත කළ යුතු ක්‍රමවේද රජයට නිර්දේශ කර ඇත. විනිවිද පෙනෙන නිසි ප්‍රසම්පාදන ක්‍රියාවලියක් අනුව ඖෂධ මිලදී ගැනීම අරමුදල් සැපයුම්කරුවන්ගේ ප්‍රධාන කොන්දේසියයි.

එහෙත් ඖෂධ මිලදී ගැනීම් භාර සෞඛ්‍ය බලධරයන් එම ක්‍රමවේදය අනුගමනය කර නැත. ඒ වෙනුවට ඔවුන් ලැබී තිබුණු විදේශ මුදල් තිබියදී රජයේ අරමුදල් භාවිත කොට පැරණි සැපයුම්කරුවන්ගෙන් පැවති මිලදී ගැනීමේ ක්‍රමය අනුව බෙහෙත් මිලදී ගැනීමට තැත් කර ඇත. එහෙත් රජය සතුව ඩොලර් නොතිබීම නිසා එම කටයුත්ත අඩාල විය.

මේ නිසා රජයට ලැබී තිබුණු විදේශ අරමුදල් යොදවා නව ප්‍රසම්පාදන ක්‍රමවේදයකට අනුව තරගකාරී මිලට බෙහෙත් මිලට ගැනීම ඖෂධ සංස්ථා බලධරයන් සිතාමතාම පැහැර හැර ඇතැයිද කෝප් සභාවේදී හෙළිදරව් විය.
ඉන්පසු රටේ කෘත්‍රිම ඖෂධ හිඟයක් හට ගත්තේය. පැවති ඖෂධවල මිල ගණන්ද විශාල ලෙස ඉහළ ගියේය. රෝගී ජනතාව දැඩි ලෙස පීඩාවට පත්වූහ. ඖෂධ සංස්ථා බලධරයන්ගේ මෙම අනීතික වැඩපිළිවෙළ සම්බන්ධයෙන් දැඩි පියවර ගැනීමට කෝප් සභාවේ අවධානය යොමුව ඇත.

deshaya

Related posts