මට හිතෙන්නේ මේ ලෝකේ හැම දෙයක්ම මාරම ලස්සනයි කියලා. විඳින්න තමයි හැම දෙයක්ම තියෙන්නේ. විඳවන එකත් වින්දන අවකාශයක්. අපි කැලෙන් එළියට ආවේ විඳින්න තියෙන ආසාවට.
අපේ රස නහර අනෙක් සතුනගෙ රස නහරවලට වැඩිය වෙනස් කියන එක තමයි අපි සත්ව ලෝකේ රජ්ජුරුවෝ හැටියට අද පෙන්වලා තියෙන්නේ. අපි සමූහයට කැමතියි. ඒක අපේ උරුමය. ඒ වගේම අපි තනි වෙන්න කැමතියි. ඒක අපේ සංස්කෘතිය. අපි ලබා ගත්ත දේ.
නඩා නැත්තං ටී නඩරාෂා මම මාරම වඳිහට විඳින මනුස්සයෙක්. ඒ නිසාම නඩා කියන්නේ මගේ බොක්කක්. එහෙමත් නැත්තං ප්රාන මිත්රයෙක්. සකියෙක්. සන් මිත්ර ප්රාණියෙක්.
නඩා මට හම්බවෙන්නේ 2013 රාවයට ආවට පස්සේ. එතකොට නඩා තමයි රාවයේ ස්ටෝ භාරව හිටියේ. කඩියෙක් වගේ එහෙට මෙහෙට ඇවිදින ප්රියමනාප මේ දෙමළට මගේ හිත යන්න වැඩි කාලයක් ගියේ නෑ. මට වඩාත්ම සමීප වුණ දෙමළා කවුද කියලා කවුරු හරි ඇහුවොත් ඒ නඩා කියලා කියන්න මම පැකිලෙන්නේ නෑ. නඩා කියන්නේ උණුසුම් මිත්ර ප්රානියෙක්.
මම ස්භාවයෙන්ම මිත්ර සමාගමයට ප්රිය උනාට මිත්රසේවන නඩත්තුවට ප්රිය මනුස්සයෙක් නෙවෙයි. මම එහෙම යාලුවන්ට දවස ගානේ හරි සතිගානේ හරි මාස ගානේ හරි කතාකරන හාදයෙකුත් නෙවෙයි. මිත්රයෙක් බොක්කට වැදුනොත් කතාකලත් නැතත් මම ඌට ප්රියයි.
අවුරුද්දකින් දශකයකින් හම්බවුණත් ලෙන්ගතුයි. ඒ මිත්ර රසායනයේ වෙනසක් නෑ. ඒකෙම අනික් පැත්තට හැලුවොත් හැලුවා තමයි. ආයේ රසායනය වෙන්නේ නෑ. සංයෝග වෙන්නේ නෑ.
ඉතිං මගේ මේ මිත්ර කෙමෙස්ට්රිය අස්සේ නඩා කියන්නේ හැමදාම සංයෝග වුණ හාදයෙක්. අපි දෙන්නා නැගෙනහිර පීරලා රාවයට ආටිකල් කරන්න ඇති. ඌ දෙමළ මම සිංහල කියලා නෙවෙයි අපි මනුස්සයෝ කියන තැනින් අපි එකතුවුණා හැමදාම ජීවත්වුණා. නඩා කියන්නේ මට අලුත් සංස්කෘතික කලාපයක්. වින්ඳන අවකාශයක්.
වරක් අපි දෙන්නා මුස්ලිම් පල්ලියක් සහ හින්දු කෝවිලක් අතර ප්රශ්නයක් ගැන ලියන්න කොළඹ මරදානට කිට්ටුව (මතක විදිහට) වත්තකට ගියාම මුස්ලිම් ප්රජාව අපිව වට කරගත්තා ගහන්න. ඔන්න ගහයි මෙන්න ගහයි මොහොතක මේ මිත්රයාගේ මිත්ර හැසිරීම මට තවමත් මතකයි.
නඩාගේ ගම මඩකලපුවේ වාලච්චේන. උතුරු නැගෙනහිර දෙමළ අරගලයේ සුවිශේෂ පුද්ගලයෙක් නඩා කියන්නේ. ඇත්තටම නඩා කියලා තියෙන කතාවල හැටියට නඩා මේ ජීවත්වෙන්නේ බෝනස් ජීවිතයක්. ඒකයි මම හැම වෙලාවෙම කියන්නේ මේ ලෝකේ පුදුම ලස්සන තැනක් කියලා. ලස්සන අහම්බයන් තමයි හැමතැනම.
නඩා කියන්නෙත් මට අනුව සුන්දර අහම්බයක්. සිවරාම් වගේ මිනිස්සු මුණගැහිලා නැතිවුණාට නඩා නිසා ඔවුන්ව ජීවිතයට ලංකරගන්න අමාරු වුණේ නෑ. දෙමළ ලෝකයේ විචිත්රත්වය මගේ සිංහල ජීවිතයට ඉන්ජෙක් කළේ නඩා කිව්වොත් හරියටම හරි.ඒක හරිම ලස්සන අවකාශයක්.. ඒ ලස්සන අපි අල්ලගන්න දැනගන්න ඕනෑ. ඒකට අපි පුරුදු වෙන්න ඕනී. පුහුණු වෙන්න ඕනී.
දෙමළ අරගලය නිසාම තමයි නඩරාසා කොළඹට සංක්රමණය වෙන්නේ. රාවයට එන්නේ දෙමළ පත්තරයක් කරන්න.. එහෙම ආපු නඩා රාවයේ නතර වෙනවා. සිංහල මිත්රයන් අස්සේ නවසමසමාජේ වගේ තැන්වල නඩා නවතිනවා. නඩා ගහනවා. ඒ රස්තියාදුව නිසාම තමයි නඩා අපිට හමුවෙන්නේ…
නඩා අඳුරගත්තට පස්සේ පාසිකුඩා වෙරළ තීරය අපිට සුපුරුදු වෙනවා. නැගෙනහිර දෙමලුන්ගේ සංස්කෘතිය සුපුරුදු වෙනවා. නඩයි මායි උතුරු නැගෙනහිර ගොඩක් තැන්වල ඇවිදිනවා ඊට පස්සේ. ඒක වෙනමම වින්දනයක්. ඒ වින්දන කලාපයට මාව ඇතුල් කළාට නඩාට පින් දෙන්න ඕනී..! හැමතැනකම තියෙන්නේ උතුරා යන ආදරයක්..
ඒ ආදරය අපි විඳින්නම ඕනී. ඒ වින්දනය අස්සේ විතරයි දෙමළා අපිට තේරෙන්න ගන්නේ. මේ නිසා නඩා විතරක් නෙවෙයි නඩාගේ පවුලේ දෙමළ සනුහරෙත් අපේ නෑදෑයෝ මිත්රයෝ වෙනවා.
අපි භාෂාව පැත්තකට වීසිකරලා නැගෙනහිර දි ඇස්වලින් මුහුණේ ඇදෙන ඉරියව්වලින් කතාකරනවා. ආදරෙයි කියලා තියෙනවා. දෙමළාගේ ආදරය ඇස්වලින් උරාගෙන තියෙනවා. මදහසක් අස්සෙ හිනැහෙන තෙතමනය විඳලා තියෙනවා. ඒක නඩාලත් එහෙම්මම විඳලා ඇති. ඒකේ ආයි කතා දෙකක් නෑ..
ලෙයින් පෙඟුණු දෙමළ අරගලයක් අස්සේ ජීවිතේ වැඩි කාලයක් අරගලකාරයෙක් විඳිහට ගෙවපු නඩාට මේ ලැබිලා තියෙන්නේ බෝනස් ජීවිත කාලයක්. ඒකේ ආයි කතා දෙකක් නෑ.
ඒ ජීවිතේ අස්සේ සුවෙන් සනීපෙන් හිටපු නඩා අද වෙනකොට අපි කවුරුත් නොහිතපු විදිහට රෝගියෙක් වෙලා.. ඔහුට තවවැඩි කාලයක් අපි එක්ක ආදරය බෙදාහදාගෙන ජීවත් වෙන්න නම් සැත්කමක් සිදුකරන්න වෙලා තියෙනවා. ඔව් ඉක්මන් සැත්කමක්.. ඒකට විශාල මුදලක් යනවා..
ඒ වියදම ඔහුට සහ පවුලේ අයට දරන්න හැකියාවක් නෑ. ඉතිං මේක ලියන්නේම ඔබට ආයාචනා කරන්න. නඩාගේ ජීවිතයට ඔබටත් පුලුවන් හුස්ම ටිකක් පිඹින්න.
අපි හැවෝම මේ ජීවිතේ අස්සේ උත්සාහ කරන්නේ වඩා වැඩි කාලයක් යෙහෙන් ජීවත් වෙන්න. අපි අරගල කරන්නේ මරා ගන්නේ පොළව ලෙයින් තෙත් කරන්නේ වඩා යහපත් ලෝකයක වැඩි කාලයක් ජීවත් වෙන්න. යුද්ධයට උදුරගන්න බැරිවුණ නඩාගේ ජීවිතය පිළිකාව වැනි රෝගයකට උදුරාගන්න දෙන්නේ කොහොමද?
ඉතිං අපි තීරණය කළා නඩා එක්ක එකතුවෙලා මේ සටන කරන්න. ඔහුට ශක්තියක් වෙන්න. සැත්කමෙන් පස්සේ ආයෙත් හිනාවෙලා අපි අතරට මේ දෙමළා එනවාට අපි මනාපයි.
ඒනිසා අපි මේ සුවිශාල මුදල එකතුකරගන්නට ඔබගෙන් ඉල්ලීමක් කරන්න කැමතියි.
ඉතිං නඩාගේ ජීවිතය රැකගන්න උදව් කරන්න කැමති කෙනෙකුට පහත බැංකු ගිණුමට මුදල් පරිත්යාග යොමුකරන්න පුලුවන්..
A/C No 8570024345
Ananthi Nadarasa | Commercial Bank
Grandpass
විමසීම් : 779776979
කේ.සංජීව
