මෙරට බිහිසුණුම ගුවන් අනතුරට වසර 47යි

aircraft

ශ්‍රි ලංකාව තුල සිදුවු බිහිසුණුම හා විශාලතම ගුවන් අනතුර වන ඩි. සි. 8 ගුවන් අනතුර සිදුව මේ මස 04වන දිනට වසර 47ක් ගතවනු ඇත.

මෙයට වසර 47කට පෙර එනම් 1974-12-04වන දින මක්කම වන්දනාවේ යන පිරිසක් රැගෙන ගමන් ගත් සි. සි. 8 ගුවන් යානය අඹගමුව ප්‍රාදේශීය ලේකම් බල ප්‍රදේශයේ මස්කෙළිය නොර්ටන් ප්‍රදේශයේ කොත්තැල්ලෙන ටිබර්ටන් කදු ආශ්‍රිත සප්ත කන්‍යා කදු වැටියේ ගැටිමෙන් අනතුකට ලක් විය.

එම ගුවන් අනතුරින් එහි ගමන් ගත් මගින් හා කාර්ය මණ්ඩලයේ 191 දෙනාම මරුමුවට පත්වුයේ එකි ගුවන් අනතුරේ ප්‍රබලතාවය මුලු ලොවටම කියා පාමිනි.

මස්කෙළිය නොර්ටන් ප්‍රදේශයේ ටිබර්ටන් කදු ආශ්‍රිත කොත්තැල්ලෙන ප්‍රදේශයේ හා අවට පිරිස් එදින සුපුරුදු පරිදි නින්දට ගොස් සිටි අතර රාත්‍රියේ එම පිරිස් අවදිවුයේ එම ප්‍රදේශය දෙදරවා යන විශාල ශබ්දයක් සමගිනි.

එම සබ්දයෙන් නින්දෙන් ඇහැරුන පිරිස් එලියට පැමින අවට නරබන විට එම පිරිස් දැක ඇත්තේ සප්ත කන්‍යා කදු වැටිය ප්‍රදේශය ගිනි ජලාවක් බවට පත්ව ඇති අකාරයයි.

එම ගිනි ජලාවන් පිලිබදව විපරම් කරන විට එම පිරිසට දැන ගැනිමට හැකිව ඇත්තේ එම කදුවැටියේ ගැටිමෙන් ගුවන් යානයක් විනාශයට පත්ව ඇති බවත්ය.

පසුව දැන ගැනිමට ලැබුනේ මක්කම බලා ගමන් කරන පිරිසක් රැගත් මෙම ඩි. සි. 8 ගුවන් යානය ඉන්දුනිසියාවේ සිට පැමිනෙමින් තිබියදි මෙම අනතුර සිදුව ඇති බවටයි.

මෙම ගුවන් අනතුර පිලිබදව මතකය අවදි කරන එවකට ශ්‍රිලංකා යුධ හමුදා නිත්‍ය සේවයේ පලවන ගැමුණු හේවා බල ඇනියේ රියදුරකු ලෙස සේවය කල දැනට විශ්‍රාම ලබා ඇති ජි. එච්. නිමල් සිල්වා මහතා මෙසේ පවසන ලදි.

1974-12-04වන දින ඩි. සි. 8 ගුවන් යානය අනතුරට පත්විම පිලිබදව දැනුම් දිමකට අප රෙජිමේන්තුවේ ඉහල නිලධාරින් කිප දෙනකු සමග සෙබල කණ්ඩායමක් දියතලාව කදවුරේ සිට මෙම ප්‍රදේශයට පැමිනි අතර එවකට මේජර් ලකි අල්ගම මහතාගේ රියදුරු ලෙස මාහටද පැමිනිමට හැකි විය.

අප කණ්ඩායම මෙම ප්‍රදේශයට පැමින ලක්ෂපාන කොත්තැල්ලෙන මහා විදුහලේ නවා තැන් ගෙන එතන් සිට මෙම ගුවන් අනතුරින් මිය ගිය අයගේ දේහයන් කදු වැටියේ ඉහල සිට පහලට ගෙන ඒමේ බාරදුර කටයුතු සිදු කරන ලදි.

මා රියදුරකු ලෙස සේවය කරන බැවින් එම මෙහෙයුමට කන්ද තරණය කිරිමට නොහැකිවු අතර මෙම මෙහෙයුමට එක්වු සෙබලුන්ගෙන් නිරන්තරයේන් දැන ගැනිමට ලැබුනේ එම ගුවන් යානයේ ගමන් ගත් මගින්ගේ සිරුරුවල කොටස් මෙන්ම ඔවුන් ඇද සිටි ඇදුම්වල කොටස්ද එම කදු වැටියේ තැන තැන වැටි තිබුන බවත්ය.

මෙම කණ්ඩායම කාණ්ඩ කිපයකට බේදි කටයුතු කල අතර මෙම අතුරින් මිය ගිය අයගේ දේහයන් පහලට රැගෙන ඒම මෙන්ම මෙම ගුවන් යානයේ කලු පෙට්ටිය සොයා ගැනිමේ බාර දුර කාර්යද මෙහි ප්‍රධාන අරමුණක් බවට පත්ව තිබුනා.

එවකට ලුතිනන් බොතේජු මහතාගේ කණ්ඩායම මෙහෙයුම් සිදුකරන විට එම ගුවන් යානයේ කලු පෙට්ටියේ ටෙප් පටයේ කොටසක් හමුවු අතර එය ඇලුමිනියම් කඩදාසියක් ලෙසද දැක ගැනිමට හැකි වුනා.

අනතුරට ලක්වු මෙම ගුවන් යානයේ ටයර් දෙකක්ද හමුවු අතර එහි එක් ටයරයක් නොර්ජන් බ්‍රිජ් පොලිසිය ඉදිරි පිටද අනෙක් ටයරය ගැමුණු හේවා බල කායේ දියතලාව කදවුරේ සිහි වටන ලෙස තබා ගැනිමටද පියවර ගත්තා.

මෙම ගුවන් අනතුර නැරබිම සදහා දේශිය මෙන්ම විදේශීය විශාල පිරිසක් පැමිනි අතර එම පිරිස් පාලන කිරිමද යුධ හමුදාවට මෙන්ම පොලිසියට පැවරි තිබුනද එම පිරිස් පාලනය කිරිම ලෙහෙසි පහසු වුනේ නැහැ මොකද මෙසේ පැමිනෙන පිරිස් ගුවන් අනතුර සිදුවු කන්ද තරණය කිරිමට පියවර ගැනිමත් සමග එම අයද විවිධ අනතුරුවලට ලක්විමේ අවදානමක්ද තිබුනා.

යුද හමුදාව හා පොලිසිය එක්ව මෙහි පැමිනි විශාල පිරිස්වලට කන්ද තරණය කිරිමට ඉඩ නොදිමට පියවර ගත්තද සමහර පිරිස් එම කන්ද තරණය කිරිමට යාමෙන් එයින් කිප දෙනකුම විවිධ ඇනතුරුවලටද ලක්වුනා.

එමෙන්ම මෙසේ මෙම අනතුර නැරබිමට පැමිනි සමහර පිරිස් අනතුරට පත්වු මෙම ගුවන් යානයේ කොටස් කැබලි රැගෙන යාමට පියවර ගැනිම පාලනය කිරිමටද හමුදා නිලධාරින්ට මෙන්ම පොලිස් නිලධාරින්ය දැඩි වෙහෙසක් ගැනිමට සිදුවු අතර සමහර පිරිස් කෙසේ හෝ එම කොටස් රැගෙන ගොස් තිබුන බවද පසුව දැන ගැනිමට ලැබුනා.

මෙම ඩි. සි. 8 ගුවන් අනතුර ශ්‍රිලංකාව තුල සිදුවු විශාලතම හා බිහිසුනුම ගුවන් අනතුර වන බවද නිමල් මහතා තව දුරටත් පවසන ලදි.

මනුර සුදත් සෙල්ලහේවා – හැටන්

Related posts