රටේ පවතින ඉන්ධන කළමනාකරණය කර නොගත හොත් ඉදිරියේ දී රට මුළුමනින්ම අකර්මණ්ය වීමේ අවදානමක් පවතින බව පිවිතුරු හෙළ උරුමයේ නායක පාර්ලිමේන්තු මන්ත්රී උදය ගම්මන්පිල පවසනවා. ඔහු මේ බව සඳහන් කළේ කොළඹ දී පැවති සම්මන්ත්රණයකට එක්වෙමින්.
ඉදිරි කාල සීමාවේදී සහල් කිලෝවක මිල රුපියල් 500 දක්වා ඉහළ නැංවීමට ප්රධාන පෙළේ සහල් මෝල් හිමියන් උත්සාහ දරමින් සිටින බව වාර්තාවෙයි. දැනටමත් මෙම මෝල් හිමියන් සහල් අලෙවියට නිකුත් කිරීම සියයට 40 කින් පමණ අඩු කර තිබේ. ප්රධාන නගර රැසකම සහල් වෙළඳුන් සඳහන් කරන්නේ පසුගිය දින කිහිපයේදී සහල් තොග වෙළෙඳ සැල්වලට නොලැබුණු බවයි.
අද (13) රජයේ කාර්යාල සේවකයින් සඳහා විශේෂ නිවාඩු දිනයක් ලෙස රාජ්ය පරිපාලන, ස්වදේශ කටයුතු, පළාත් සභා හා පළාත් පාලන අමාත්යංශ ප්රකාශයට පත්කර තිබේ. රාජ්ය පරිපාලන ස්වදේශ කටයුතු, පළාත් සභා හා පළාත් පාලන අමාත්යාංශය දැනුම්දෙන්නේ අද රජයේ කාර්යාල සඳහා විශේෂ නිවාඩු දිනයක් බවයි. ප්රවාහන සේවයේ පවතින ගැටලු හේතුවෙන් මෙලෙස සඳුදා විශේෂ නිවාඩු දිනයක් ලෙස නම් කර…
වී කිලෝවක් රුපියල් 300කට අධික මිලකට රටපුරා අලෙවි වන බවට අරුණට වාර්තා වේ. ඉදිරියේදී ආහාර හිඟයක් ඇති වේ යැයි බියෙන් ජනතාව වී තොග රැස් කරන බවටයි වාර්තා වන්නේ. එම තත්ත්වය උද්ගත වී ඇති බවත් අනුරාධපුර, පොළොන්නරුව, අම්පාර සහ හම්බන්තොට යන දිස්ත්රික්ක වල ගොවීහු තමන් සතුව ඇති වී තොග අලෙවි නොකරන බවත් දැනගන්නට තිබේ.
රජයේ හා රජයේ අනුමත පෞද්ගලික පාසල් සඳහා 2022.06.13 වන දින නිවාඩු දිනයක් ලෙස ප්රකාශයට පත්කර තිබේ. අධ්යාපන අමාත්යාංශය දැනුම්දෙන්නේ එළඹෙන ජුනි මස 14 වන අඟහරුවාදා දිනය දැනටමත් රජයේ නිවාඩු දිනයක් ලෙස ප්රකාශයට පත්කර ඇති බවයි.
ශ්රී ලංකාවේ ජනතාවගෙන් සියයට 22 කට එසේත් නැතිනම් ලක්ෂ 49 කට ආහාර ආධාර අවශ්ය බව එක්සත් ජාතීන්ගේ ශ්රී ලංකාවේ නේවාසික සම්බන්ධීකාරක හැනා සිංගර් හැම්ඩි මහත්මිය ප්රකාශ කළාය. ශ්රී ලංකාවේ ආහාර සුරක්ෂිතතාවට සාධක කිහිපයක් බලපෑම් එල්ල කරන බව ඇය පැවසුවාය.
මේ දිනවල කිසියම් පුද්ගලයෙකුට උණ, ඇඟපත වේදනාව වැනි රෝග ලක්ෂණ පවතී නම් වහාම වෛද්ය උපදෙස් ලබාගත යුතුබව ජාතික බෝවන රෝග මධ්යස්ථානයේ කායික රෝග විශේෂඥ වෛද්ය ආනන්ද විජේවික්රම මහතා පවසයි. උණ හෝ ඇඟපත වේදනාව ඇත්නම් පැරසිටමෝල් හැර අනෙකුත් වේදනා නාශක ලබානොගන්නා ලෙසත් ඉක්මනින් රුධිර පරීක්ෂාවක් සිදුකර ගන්නා ලෙසත් වෛද්යවරයා ජනතාවගෙන් ඉල්ලා සිටී. මෙරට ඩෙංගු රෝග ව්යාප්තිය…
මගී ආකර්ෂණය ඇතිවන ආකාරයට පොදු ප්රවාහන සේවා වඩාත් විධිමත්ව හා ගුණාත්මකව පවත්වාගෙන යාමේ අවශ්යතාව ජනාධිපති ගෝඨාභය රාජපක්ෂ මහතා පෙන්වා දී තිබේ. තෙල් මිල ඉහළ යාම හේතුවෙන් ජනතාව දැඩි අපහසුතාවට පත්ව සිටින අතර ඒ සමග පොදු ප්රවාහනය සඳහා වැඩි ඉල්ලුමක් පවතින බව ත් ඊට පහසුකම් සැලසීමෙන් ජනතාවට සහනයක් සැලසෙන බව ත් ඔහු සඳහන් කර ඇත. ප්රවාහන…
රුසියාව, කළු මුහුද ආශ්රිත ව යුක්රේනයට අයත් වරාය සැපයුම් අවහිර කිරීම හේතුවෙන් ලෝකය භයානක ආහාර අර්බුදයක අභියස සිටින බව යුක්රේන ජනාධිපති වොලඩිමියර් සෙලෙන්ස්කි ප්රකාශ කරයි. ඔහු කියා සිටියේ, රුසියාවේ ක්රියාකලාපය හේතුවෙන් යුක්රේනයේ මිලියන සංඛ්යාත ජනතාවක් කුසගින්නට පත්වීමේ අවදානමක් පවතින බව යි.
දින තුනක් තිස්සේ තම දරුවන්ට කෑමට යමක් සපයා දිය නොහැකි වූ මවක්, අවසානයේදී ජීවිතය නැති කර ගැනීම සදහා කණේරු ඇට කෑ පුවතක් දිවයින පුවත්පත වාර්තා කර සිටියි. සිද්ධිය වාර්තා වන්නේ බදුල්ල ප්රදේශයෙනි. අසාධ්ය තත්ත්වයේ පසුවන අම්මා, මේ වන විට බදුල්ල මහරෝහලේ ප්රතිකාර ලබමින් සිටියි. ඇගේ ජීවිතය බේරා ගත හැකි බව වෛද්යවරු පවසා තිබේ.
