මාකොළ දකුණ, නාල්ල, කැලණිය සහ මීරිගම පිහිටි ඉන්ධන පිරවුම්හල් 4කට ඉන්ධන සැපයීම සම්බන්ධයෙන් ලංකා ඛනිජ තෙල් නීතිගත සංස්ථාව දැඩි තීරණයක් ගෙන තිබේ. ඒ අදාළ ඉන්ධන පිරවුම්හල් සංස්ථා උපදෙස් හා නීතිරීතිවලට පටහැනිව ක්රියාකර ඇති බැවින් ඉන්ධන සැපයීම වහාම අත්හිටුවීමටත් බෙදුම්කාරත්වධුරයන් අහෝසි කිරීම සඳහා අවශ්ය ඉදිරි ක්රියාමාර්ග ගැනීමට සංස්ථාව පියවර ගෙන තිබේ.
රජයේ ගිණුම් පිළිබඳ කාරක සභාව විසින් කැඳවන ලද රාජ්ය ආයතන 7ක සහ එක් විශේෂ විගණන වාර්තාවක විමර්ශනයන් පිළිබඳ තොරතුරු කෝපා කමිටුවේ නවවැනි පාර්ලිමේන්තුවේ දෙවැනි සභා වාරයේ පළමු වාර්තාව එහි සභාපති පාර්ලිමේන්තු මන්ත්රී තිස්ස විතාරණ මහතා විසින් අද(20) පාර්ලිමේන්තුවට ඉදිරිපත් කිරීමට නියමිතය.
පාර්ලිමේන්තුවේ සිටීම කිසිදු ඵලක් නැතැයි තව සතියකට දෙකකට පසුව හෝ තමාට සිතේවි යැයි ද සමහර විට ඊලඟ පාර්ලිමේන්තු වාරයේදී හෝ තීරණයක් ගන්න ඉඩ තිබෙන්නේ යැයිද කුරුණෑගල දිස්ත්රික් මන්ත්රී ගුණපාල රත්නසේකර මහතා පාර්ලිමේන්තුවේ දී පැවසීය.
කැබිනට් අමාත්යවරුන් දසදෙනකු ජනාධිපති ඉදිරියේ අද (20 )දිවුරුම් දීමට නියමිතව ඇතැයි රජයේ ආරංචි මාර්ග සඳහන් කරයි. ඒ අතර සමගි ජන බලවේගය නියෝජනය කරන හරීන් ප්රනාන්දු ,මනුෂ නානායක්කාර,, ලංකා කම්කරු කොංග්රසයේ ජීවන් තොන්ඩමන්,ඊපීඩීපී නායක ඩග්ලස් දේවානන්ද, ශ්රී ලංකා නිදහස් පක්ෂයේ නිමල් සිරිපාල ද සිල්වා ,මහින්ද අමරවීර,ස්වාධීන කණ්ඩායම නියෝජනය කරන සුසිල් ප්රේම ජයන්ත, අනුර ප්රියදර්ශන යාපා,ජනාධිපති නීතිඥ…
කොළඹ කොටුවේ විරෝධතාවේ නිරත අන්තර් විශ්වවිද්යාල ශිෂ්ය බල මණ්ඩල සිසුන් විසුරුවා හැරීමට පොලීසියෙන් ජල හා කඳුළු ගෑස් ප්රහාර එල්ල කර තිබේ.
පවතින ඉන්ධන හිඟය හමුවේ අත්යවශ්ය නොවන රාජ්ය සේවකයින්ට හෙට (20) දින සේවයට පැමිණිමෙන් වළකින ලෙස අග්රාමාත්ය රනිල් වික්රමසිංහ මහතා දැනුම් දෙයි.
රජයේ පාසලල්වල මෙම වසරේ පළමු පාසල් වාරයේ පළමු අදියර හෙට (20) අවසන් වන බවත් පළමු පාසල් වාරයේ දෙවන අදියර ජුනි 6 වැනිදා ආරම්භ වන බවත් අධ්යාපන අමාත්යාංශයේ උසස් නිලධාරියෙක් පැවසීය.
නාරාහේන්පිට පිහිටි පොලිස් ප්රවාහන කොට්ඨාශයේ ඉන්ධන පිරවුම් හලේ පිරවුම් යන්ත්රය අනුව ලීටරයක් රුපියල් 121.19 මුදලකට නිකුත් කරයි. මේ වන විට රට පුරා බෙදුම්හල්වල කිසිදු ඉන්ධන වර්ගයක් මෙම මිලට අලෙවි නොකරයි. කෙසේ වෙතත් බලශක්ති ඇමති කංචන විජේසේකර මහතා පවසන්නේ මන්ත්රීවරුන්ට සහන මිලට ඉන්ධන ලබා දෙන බවට පල වන වාර්තා අසත්ය බවයි.
ඉන්ධන තොග නොමැති විම හමුවේ හැටන් නගරයේ පිහිටි සිපෙට්කෝ සහ අයි.ඕ.සි ඉන්ධන පිරවුම්හල් (18) දින අලුයම සිට වසා දැමිමට එම ඉන්ධන පිරවුම්හල් සේවකයින් පියවර ගෙන තිබුණි. ඊයේ (18) දිනයේද ඉන්ධන ලබා ගැනිමේ අපේක්ෂාවෙන් වාහන හිමියන් විශාල පිරිසක් ඉන්ධන පිරවුම්හල් ඉදිරිපිට දිගු පෝලිම් වල රැඳී සිටිය අයුරු අප කැමරාවේ සටහන් විය.
තිරිඟු පිටි මිල රුපියල් 35කින් තිරිඟු පිටි මිල ඉහළ දමා ඇති බව සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන මහතා පවසයි. ඉදිරියේදී ආහාර පෝලිමක් ද ඇති විය හැකි බව කියූ එන්. කේ. ජයවර්ධන මහතා කියා සිටියේ, ආණ්ඩුව මේ පිළිබඳව අවධානයෙන් කටයුතු කළ යුතු බව ය.
